ସବୁ ପ୍ରତିପକ୍ଷ ରାଜନୈତିକ ଦଳଙ୍କୁ ଚ୍ୟାଲେଞ୍ଜ ଦେଉଛି ବିଜେପି : ହିନ୍ଦୁତ୍ୱ ଛବିକୁ କାଉଁଟର କରିବା ପାଇଁ ବାଟ ଖୋଜୁଛନ୍ତି ପଲଟିକାଲ ପାର୍ଟି ; ଦିଲ୍ଲୀରେ ରାମରାଜ୍ୟ କାର୍ଡ ଖେଳିଲେ କେଜ୍ରିୱାଲ
କନକ ବ୍ୟୁରୋ : ରାମ ରାଜ୍ୟ, ଅଯୋଧ୍ୟା ତୀର୍ଥ ଏବଂ ଦେଶଭକ୍ତି ବଜେଟ୍ । ବିଦେଜିପ ହିନ୍ଦୁତ୍ୱ ଛବିକୁ କାଉଂଟର କରିବା ପାଇଁ ବିରୋଧୀ ରାଜନୈତିକ ଦଳଗୁଡିକ ଏବେ ନିଜକୁ ଅଧିକ ହିନ୍ଦୁ ଦେଖାଇ ହେବାକୁ ଚେଷ୍ଟା କରୁଥିବା ଜାତୀୟ ଗଣମାଧ୍ୟମରେ ଚର୍ଚ୍ଚା ଚାଲିଛି । ବୁଧବାର ଦିଲ୍ଲୀ ବିଧାନସଭାର ବଜେଟ୍ ଅଧିବେଶନକୁ ସମ୍ବୋଧିତ କରି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି- ଅଯୋଧ୍ୟାରେ ରାମ ମନ୍ଦିର ପ୍ରତିଷ୍ଠା ହେଲେ ଦିଲ୍ଲୀରୁ ବରିଷ୍ଠ ନାଗରିକଙ୍କୁ ତୀର୍ଥ କରାଇବା ପାଇଁ ନେବେ ସରକାର । ଦିଲ୍ଲୀ ସରକାର ବରିଷ୍ଠ ନାଗରିକଙ୍କୁ ମାଗଣାରେ ତୀର୍ଥ କରାଇବା ପାଇଁ ନେଇଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ହେଲେ ଏହି ତାଲିକାରେ ଅଯୋଧ୍ୟାକେ ରାମ ମନ୍ଦିରକୁ ଯୋଡିବା ପଛରେ ବିଜେପି ରାମ ମନ୍ଦିର ରାଜନୀତିକୁ କାଉଂଟର କରିବାର ରଣନୀତି ଲୁଚି ରହିଥିବା କୁହାଯାଉଛି । ସେହିପରି ତାଙ୍କ ସରକାର ରାମ ରାଜ୍ୟ ଦ୍ୱାରା ପ୍ରେରଣା ପାଇଥିବା କହୁଛନ୍ତି କେଜ୍ରିୱାଲ । ସେ ହନୁମାନଙ୍କ ପରମ ଭକ୍ତ । ଏବଂ ହନୁମାନ ରାମଙ୍କ ଭକ୍ତ ହୋଇଥିବାରୁ ସେ ମଧ୍ୟ ନିଜକୁ ରାମଙ୍କ ଭକ୍ତ ବୋଲି କହିଛନ୍ତି । ରାମ ରାଜ୍ୟ ଦ୍ୱାରା ପ୍ରଭାବିତ ହୋଇ ତାଙ୍କ ସରକାର ଦିଲ୍ଲୀବାସୀଙ୍କ ସେବାରେ ନିଜକୁ ସମର୍ପିତ କରିଥିବା କହୁଛନ୍ତି ମୁଖ୍ୟମନ୍ତ୍ରୀ କେଜ୍ରିୱାଲ । ସେହିପରି ମଙ୍ଗଳବାର ଦିଲ୍ଲୀ ବିଧାନସଭାରେ ଆଗତ ହୋଇଥିବା ବଜେଟକୁ ଦେଶଭକ୍ତି ବଜେଟ୍ ବୋଲି ନାମକରଣ କରାଯାଇଥିଲା । ଏହା ପଛରେ ମଧ୍ୟ ବିଜେପିକୁ କାଉଂଟର କରିବାର ରଣନୀତି ରହିଥିବା ଆଶଙ୍କା କରାଯାଉଛି ।
ନିଜକୁ ହନୁମାନଙ୍କ ଭକ୍ତ ବୋଲି କୁହନ୍ତି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ସେଥିପାଇଁ ବାରମ୍ବାର ତାଙ୍କୁ ହନୁମାନ ମନ୍ଦିରରେ ଦେଖିବାକୁ ମିଳିଛି । ପରିବାର ସହ ମନ୍ଦିର ଯାଇ ପୂଜାର୍ଚ୍ଚନା କରୁଥିବାବେଳେ ଏହା ମଧ୍ୟ ବିଜେପିର ହିନ୍ଦୁତ୍ୱ ଛବିକୁ କାଉଂଟର କରିବାର ଏକ ରାଜନୈତିକ ରଣନୀତି ବୋଲି କୁହାଯାଉଛି । ଗତ ଦୀପାବଳିରେ ଅକ୍ଷରଧାମରେ ବିଶାଳ ଲକ୍ଷ୍ମୀପୂଜାର ଆୟୋଜନ ଓ ଟିଭିରେ ଏହାର ପ୍ରସାରଣ ପାଇଁ ୬ କୋଟି ଟଙ୍କା ଖର୍ଚ୍ଚ କରିଥିଲେ ଦିଲ୍ଲୀ ସରକାର । କୁହାଯାଉଛି ନିଜକୁ ଅଧିକ ହିନ୍ଦୁ ଦେଖାଇ ହେବା ପାଇଁ ଏହା ଆମ ଆଦମୀ ପାର୍ଟି ସରକାରଙ୍କ ଏକ ଚାଲ । ହିନ୍ଦୁ ବର୍ଗର ଭୋଟବ୍ୟାଙ୍କ ହାତେଇବା ପାଇଁ ପରିବର୍ତନର ନାରା ଦେଇ କ୍ଷମତାକୁ ଆସିଥିବା ଆପ ସରକାର ଏବେ ହିନ୍ଦୁ ରାଜନୀତି କରୁଥିବା କୁହାଯାଉଛି ।
ସେପଟେ ପଶ୍ଚିମବଙ୍ଗରେ ଜୋରଦାର ହୋଇଛି ହିନ୍ଦୁ ରାଜନୀତି । ନିର୍ବାଚନ ପୂର୍ବରୁ ରାଜନେତାଙ୍କ ଟେମ୍ପୁଲ ରନ୍ ଆରମ୍ଭ ହୋଇଯାଇଛି । ଅନ୍ୟାନ୍ୟ ରାଜ୍ୟ ବିଧାନସଭା ନିର୍ବାଚନ ପୂର୍ବରୁ ଯେମିତି ବିଜେପି ବିରୋଧୀ ନେତାଙ୍କ ମନ୍ଦିର ଗସ୍ତ ଚାଲେ, ଠିକ ସେମିତି ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ଜୋରଦାର ମନ୍ଦିର ଗସ୍ତ କରୁଥିବା ଦେଖିବାକୁ ମିଳୁଛି ।