ମନ୍ଦିରକୁ ଜାଗର ପାଇଁ ଯାଇଥିବା ମହିଳାଙ୍କୁ ପୁରାଇ ଦେଲେନି ପୁରୋହିତ : ଜାତିଆଣ ଆକ୍ଷେପ ଓ ଦୁର୍ବ୍ୟବହାର କରିଥିବା ଅଭିଯୋଗ
ବାଲେଶ୍ୱରର ରାମେଶ୍ୱର ମନ୍ଦିରରେ ପୂଜକଙ୍କ ଭେଦଭାବକୁ ବିରୋଧ କରି ଧାରଣା ଦେଲେ ମହିଳା
କନକ ବ୍ୟୁରୋ : ବାଲେଶ୍ୱର ଜିଲ୍ଲା ସିମୁଳିଆ ଥାନା ଚାଲୁଣିଗାଁରେ ଥିବା ରାମେଶ୍ୱର ମନ୍ଦିରକୁ ଜାଗର ପୂଜା ପାଇଁ ଯାଇଥିବା ମହିଳାଙ୍କୁ ଜାତିଆଣ ଓ ଦୁର୍ବ୍ୟବହାର ହୋଇଥିବା ଅଭିଯୋଗ ହୋଇଛି । ପୂଜକଙ୍କ ନାଁରେ ଥାନାରେ ଅଭିଯୋଗ କରିବା ସହ ମହିଳାମାନେ ଥାନା ଆଗରେ ଧାରଣା ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୁଚନା ଅନୁସାରେ, ଚାଲୁଣିଗାଁର ପୁସ୍ପାଂଜଳୀ ମଲ୍ଲିକ, ତପସ୍ୱୀନୀ ମଲ୍ଲିକ, ପାର୍ବତୀ ମଲ୍ଲୀକ, ସମେତ ୧୦ରୁ ଉର୍ଦ୍ଧ ମହିଳା ଜାଗର ପୂଜା ପାଇଁ ଯାଇଥିବା ବେଳେ ମନ୍ଦିର ପୂଜକ ତାଙ୍କର ପୁସ୍ପାଂଜଳୀ କିମ୍ବା ଭୋଗ କରି ହେବ ନାହିଁ କହି ଫେରାଇ ଦେଇଥିଲେ । ମନ୍ଦିର ପ୍ରବେଶ ନିଶେଧ ବୋଲି କହି ଦୁର୍ବବ୍ୟବହାର କରିଥିବା ଅଭିଯୋଗ ହୋଇଛି । ଏ ସମ୍ପର୍କରେ ଶିମୁଳିଆ ଥାନାରେ ମହିଳାମାନେ ଅଭିଯୋଗ କରିଛନ୍ତି । ଅଭିଯୋଗ ପାଇବା ପରେ ସିମୁଳିଆ ପୋଲିସ ପହଂଚି ତଦନ୍ତ ଆରମ୍ଭ କରିଛି ।