ପ୍ରଥମ ଥର ପାଇଁ ତେଲୁଗୁ ସିନେମାରେ ନଜର ଆସିବେ ବଲିଉଡ ସୁପରଷ୍ଟାର ଅମିତାଭ ବଚ୍ଚନ
ବିଗ୍ ବି ଅମିତାଭ ବଚ୍ଚନ ପ୍ରଥମ ଥର ପାଇଁ ଏକ ତେଲୁଗୁ ସିନେମାରେ ଅଭିନୟ କରିବାକୁ ନେଇ ଶୁଣିବାକୁ ମିଳିଛି । ତେବେ ଏହି ତେଲଗୁ ସିନେମାର ନାଁ ହେଲା ‘ରିତୁ’। ଏହି ସିନେମାର ନିର୍ଦେଶନା ଦେଉଛନ୍ତି ପ୍ରଖ୍ୟାତ ଦକ୍ଷିଣ ଭାରତୀୟ ନିର୍ଦେଶକ କ୍ରିଷ୍ଣା ବାମସୀ। ଏହି ସିନେମାଟିରେ ଜଣାଶୁଣା ଦକ୍ଷିଣ ଭାରତୀୟ ଅଭିନେତା ନନ୍ଦମୁରି ବାଲକ୍ରିଷ୍ଣା ମଧ୍ୟ କାମ କରିବେ ।
Kanak News is now on WhatsApp
Join and get latest news updates delivered to you via WhatsApp
ବିଶେଷ ସୂତ୍ରରୁ ଜଣାପଡିଛି ଯେ, ଉଭୟ ନିର୍ଦ୍ଦେଶକ କ୍ରିଷ୍ଣା ବାମସୀ ଏବଂ ଅଭିନେତା ନନ୍ଦମୁରି ବାଲକ୍ରିଷ୍ଣା ଅମିତାଭ ବଚ୍ଚନଙ୍କ ସହ ଏହି ପ୍ରୋଜେକ୍ଟ ବିଷୟରେ କଥା ହୋଇଛନ୍ତି ଏବଂ ବିଗ୍ ବି ମଧ୍ୟ ସେଥିରେ କାମ କରିବାକୁ ରାଜି ହୋଇଛନ୍ତି । ତେବେ କୃଷକମାନଙ୍କ ସମସ୍ୟା ଉପରେ ଆଧାରିତ ଏହି ସିନେମାଟିର ସୁଟିଂ ଏଇ ବର୍ଷ ଜୁଲାଇରେ ଆରମ୍ଭ ହେବ କାରଣ ଅମିତାଭ ବଚ୍ଚନ ଜୁନ୍ ମାସ ଯାଏଁ ବ୍ୟସ୍ତ ଅଛନ୍ତି ।