ବଲିଉଡ ସୁପର ଷ୍ଟାର ସଲମାନ ଖାନଙ୍କ ଘର ବାହାରେ ଗୁଳିମାଡ ଘଟଣା:ଦୋଷ ମାନିଲେ ଅଭିଯୁକ୍ତଙ୍କ ଭାଇ, ସୋସିଆଲ ମିଡିଆରେ ଦେଲେ ସୂଚନା ।
କନକ ବ୍ୟୁରୋ: ରବିବାର ସକାଳେ ମୁମ୍ବାଇରେ ବଲିଉଡ ସୁପର ଷ୍ଟାର ସଲମାନ ଖାନଙ୍କ ମୁମ୍ବାଇ ବାନ୍ଦ୍ରାସ୍ଥିତ ଘର ବାହାରେ ଗୁଳିମାଡ ହୋଇଥିଲା । ସକାଳ ପ୍ରାୟ ୫ଟା ସମୟରେ ଦୁଇ ଜଣ ଦୁର୍ବୃତ ବାଇକରେ ଆସି ଗୁଳିମାଡ଼ କରିଥିଲେ । । ୪ରୁ ୫ ରାଉଣ୍ଡ ଗୁଳି ଫୁଟାଇବା ପରେ ଘଟଣାସ୍ଥଳରୁ ଫେରାର ହୋଇଯାଇଥିଲେ ଦୁର୍ବୃତ । ଗୋଟିଏ ଗୁଳି ଘର କାନ୍ଥରେ ବାଜିଥିବା ପୋଲିସ ପକ୍ଷରୁ ସୂଚନା ଦିଆଯାଇଥିବା ବେଳେ ଗୁଳିମାଡ଼ ସମୟରେ ଘରେ ଥିଲେ ସଲମାନ ଖାନ । ଘଟଣାସ୍ଥଳରେ ପୋଲିସ ପହଂଚି ତଦନ୍ତ ଆରମ୍ଭ କରିଥିବା ବେଳେ କ୍ରାଇମବ୍ରାଂଚ ଓ ସାଇଂଟିଫିକ୍ ଟିମ୍ ମଧ୍ୟ ଘଟଣାସ୍ଥଳରେ ସିସିଟିଭି ଫୁଟେଜକୁ ଜବତ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସିସିଟିଭି ଫୁଟେଜ ଯାଂଚ ଅନୁଯାୟୀ ଜଣେ ଅଭିଯୁକ୍ତ ଗୁରୁଗ୍ରାମର ହୋଇଥିବା ନେଇ ପୋଲିସ ସନ୍ଦେହ କରିଛି ।ସଲମନ ଖାନ ଙ୍କ ଘରଠୁ ପ୍ରାୟ ଏକ କିଲୋମିଟର ଦୂରରୁ ଏକ ମୋଟର ସାଇକେଲ ଜବତ ମଧ୍ୟ କରିଛି ପୋଲିସ । ଏହା ଆକ୍ରମଣକାରୀ ବ୍ୟବହାର କରିଥିବା ନେଇ ପୋଲିସ ସନ୍ଦେହ କରିଛି । ଦିଲ୍ଲୀ ପୋଲିସର ସରକାରୀ ସୁତ୍ର ଅନୁଯାୟୀ ଅଭିଯୁକ୍ତ ମାନଙ୍କ ମଧ୍ୟରୁ ଜଣେ ଗୁରୁଗ୍ରାମର ହୋଇଥିବା ବେଳେ ସେ ଅଭିଯୁକ୍ତ ଜଣଙ୍କ ହରିୟାଣାର ହତ୍ୟା ଓ ଡକାୟତି ଘଟଣାରେ ସମ୍ଫୃକ୍ତ । ମାର୍ଚରେ ହୋଇଥିବା ଗୁରୁଗ୍ରାମ ଭିତ୍ତିକ ବ୍ୟବସାୟୀ ସଚିନ ମଂଜୁଲାଙ୍କ ହତ୍ୟା ମାମାଲାରେ ତାଙ୍କୁ ଖୋଜା ଯାଇଥିଲା । ପୋଲିସ ଆହୁରି ମଧ୍ୟ କହିଛନ୍ତି ରବିବାର ଏହି ଘଟଣାର କିଛି ଘଣ୍ଟା ପରେ ଲରେନ୍ସ ବିଷ୍ନୋଇଙ୍କ ଭାଇ ଅନୋମଲ ବିଷ୍ନୋଇ ଏହି କାମ କରିଥିବା ନେଇ ସୋସିଆଲ ମିଡିଆରେ ପୋଷ୍ଟ କରିଛନ୍ତି ।
ଏଥିସହ ଏହି ଘଟଣାରେ ସେ ନିଜେ ଦାୟୀ ବୋଲି ମଧ୍ୟ ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ସୁଚନା ଦେଇଛନ୍ତି । ଏବଂ ଏହା ଏକ ଟ୍ରେଲର ଥିବାନେଇ କହିଛନ୍ତି । ଏହା ଆମର ପ୍ରଥମ ଓ ଶେଷ ଚେତାବନୀ ଥିଲା । ଏଥିସହ ସେ ସୋସିଆଲ ମିଡିଆରେ ପୋଷ୍ଟ ମାଧ୍ୟମରେ କହିଛନ୍ତି ଆମେ ତୁମକ ଟ୍ରେଲର ପାଇଁ ଏହା କରିଛୁ । ଯାହା ଦ୍ୱାରା ତମେ ବୁଝିପାରିବ ଆମ ଶକ୍ତି କେତେ ।