କମିଶନରେଟ ପୁଲିସ ପାଇଁ ଅଡୁଆ ସାଜିଛି ମଞ୍ଚେଶ୍ୱର ଥାନା: ଆଇଆଇସି ପୁଣି ଏତଲା ହଜାଇ ଦେଇଥିବା ଅଭିଯୋଗ
କନକ ବ୍ୟୁରୋ: ସବ୍ୟସାଚ୍ଚୀ ସାହୁ । ବୟସ – ୩୭ । ରସୁଲଗଡ, ପଳାଶୁଣି ଅଂଚଳର ଯୁବକ । ହାତରେ ୱାକର ଧରି,ଭଙ୍ଗା ଗୋଡରେ ଛୋଟେଇ ଛୋଟେଇ ପୁଲିସ କମିଶନରଙ୍କ କାର୍ଯ୍ୟାଳୟରେ ପହଂଚିଛନ୍ତି ଏହି ଯୁବକ । ଯୁବକ ଜଣଙ୍କ ଯେତିକି ଶାରିରୀକ ଯନ୍ତ୍ରଣା ଭୋଗିଛନ୍ତି ତା ଠାରୁ ଅଧିକ ମାନସିକ କଷ୍ଟରେ ଅଛନ୍ତି । ଯୁବକଙ୍କ ଅଭିଯୋଗ, ଗତ ୯ ତାରିଖରେ ପଳାଶୁଣି ବସଷ୍ଟାଣ୍ଡରେ ଛିଡା ହୋଇଥିବା ସମୟରେ ଜଣେ ଯୁବତୀ ସ୍କୁଟିରେ ଆସି ତାଙ୍କୁ ଧକ୍କା ଦେଇଥିଲେ । ଦୁର୍ଘଟଣାରେ ଏହି ଯୁବକଙ୍କର ଡାହାଣ ଗୋଡ ଦୁଇଖଣ୍ଡ ହୋଇଯାଇଥିଲା । ଯୁବକଙ୍କ ବାପା ଏନେଇ ମଂଚେଶ୍ୱର ଥାନାରେ ଅଭିଯୋଗ କରିଥିଲେ, ଦୁର୍ଘଟଣା ଘଟାଇଥିବା ଗାଡି ମାଲିକଙ୍କ ନମ୍ବର ମଧ୍ୟ ଉଲ୍ଲେଖ ରହିଥିଲା । ତଦନ୍ତ ବାବଦରେ ଥାନା ବାବଙ୍କୁ ପଚାରିବାରୁ – ଥାନା ବାବୁ କହିଥିଲେ , ଏତଲା କପି ହଜି ଯାଇଛି
Kanak News is now on WhatsApp
Join and get latest news updates delivered to you via WhatsApp
ଗୁରୁବାର ଜଣେ ମହିଳାଙ୍କ ଅଭିଯୋଗ ପତ୍ରକୁ ହଜାଇ ଚର୍ଚ୍ଚାକୁ ଆସିଥିବା ମଂଚେଶ୍ୱର ଥାନା ଆଇଆଇସିଙ୍କ ନାଁରେ ପୁଣି ସମାନ ଅଭିଯୋଗ ଆସିଛି । ଏପରିକି ଉପରିସ୍ଥ ଅଧିକାରୀଙ୍କ ହସ୍ତକ୍ଷେପ ନହେଲେ, ଆଇଆଇସି ମାମଲା ରୁଜୁ କରୁ ନଥିବା ନଜରକୁ ଆସିଛି । କିନ୍ତୁ ବୁଝା ପଡୁନି ଆଇଆଇସି ଏହି ଏତଲା କପି ଗୁଡିକ କାହିଁକି ହଜାଇ ଦେଉଛନ୍ତି । ଥାନା ବାରଣ୍ଡାକୁ ଦୈାଡି ଦୌଡି ନିରାସ ହୋଇ ପୁଲିସ କମିଶନରଙ୍କୁ ଭେଟିିବା ପରେ ହିଁ ସେ ନ୍ୟାୟ ପାଇବେ ବୋଲି ଆଶା ବାନ୍ଧିଛନ୍ତି ।
ଗୋଟିଏ ଥାନା ଅଧିକାରୀଙ୍କ ବିରୋଧରେ ବାରମ୍ବାର ଅଭିଯୋଗ ପରେ, ଏବେ ଅନେକ ପ୍ରଶ୍ନ ସେମନାକୁ ଆସିବାରେ ଲାଗିଛି ।
ଥାନାରୁ କାହିଁକି ବାରମ୍ବାର ଗାଏବ ହୋଇଯାଉଛି ଏତଲା କପି?
ଗୋଟିଏ ଥାନା ଅଧିକାରୀଙ୍କ ନାଁରେ କାହିଁକି ଆସୁଛି ମାଳମାଳ ଅଭିଯୋଗ?
ମଂଚେଶ୍ୱର ଥାନାରେ କମ୍ପପ୍ଲେନ ଅପେକ୍ଷା କମ୍ପ୍ରମାଇଜକୁ ପ୍ରାଧାନ୍ୟ ଦିଆଯାଉଛି କି ?
କାହିଁକି ମୋ ସରକାରଙ୍କ ନିୟମକୁ ମାନୁ ନାହାଁନ୍ତି ଥାନା ଅଧିକେରୀ?