କନକ ବ୍ୟୁରୋ: ଅଡୁଆରେ ପୋଲିସ । ଜଣେ ବ୍ୟକ୍ତିଙ୍କୁ ଏକ ମାମଲାରେ ପୋଲିସ ଉଠାଇ ଆଣି ପଚରାଉଚରା କରିବା ସମୟରେ ତାଙ୍କର ମୃତ୍ୟୁ ଘଟିଛି । ହେଲେ ଯେଉଁ ବ୍ୟକ୍ତି ଭାବି ପୋଲିସ ଉଠାଇ ଆଣିଥିଲା ସେ ସେହି ବ୍ୟକ୍ତି ନୁହେଁ ବୋଲି ମୃତକଙ୍କ ପରିବାର ଲୋକେ ଦାବି କରିଛନ୍ତି । ଏହାପରେ ପୋଲିସ ହରଡଘଣାରେ ପଡିଛି । ଯଦି ମୃତକଙ୍କ ପରିବାର ଲୋକଙ୍କ ଦାବି ସତ ହୁଏ ତାହେଲେ ପୋଲିସର ଏତେ ବଡ ଭୁଲ୍ କେମିତି ହେଲା? ମୃତ୍ୟୁ ପାଇଁ ପୋଲିସ ଉତ୍ତରଦାୟୀ ରହିବ କି?
Kanak News is now on WhatsApp
Join and get latest news updates delivered to you via WhatsApp
ଶୁଖୁନି ଆଖିର ଲୁହ, ଥମୁନି ଛାତିର କୋହ । ଛୋଟିଆ ଝିଅ ଆଖିରୁ ବୋହିଯାଉଛି ଧାର ଧାର ଲୁହ । ଘରର ସଦସ୍ୟଙ୍କୁ ଝୁରି ଝୁରି ରାହା ଧରି କାନ୍ଦୁଛନ୍ତି ପରିବାର ସଦସ୍ୟ । ସତେ ଯେମିତି ପରିବାର ଉପର ବଜ୍ର ପଡିଯାଇଛି । କାନ୍ଦ ବୋବଳିରେ ଫାଟିପଡୁଛି ଖଣ୍ଡମଣ୍ଡଳ । ମୃତ ବାପାକୁ ପୁଲିସ ଚୋର ସଜାଇ ଦେଇଥିବାବେଳେ ତାକୁ ସହଜରେ ଗ୍ରହଣ କରିପାରୁନି ପରିବାର ।
ତେବେ ଜଣେ ବ୍ୟକ୍ତିଙ୍କ ମୃତ୍ୟୁ ଖବର ସାରା ରାଜ୍ୟରେ ଚାଞ୍ଚଲ୍ୟ ସୃ୍ଷ୍ଟି କରିଛି । ମୃତକଙ୍କ ନାଁକୁ ନେଇ ବିବାଦ ସୃଷ୍ଟି ହୋଇଛି । ପୋଲିସ କହୁଛି, ମୃତକ ହେଉଛନ୍ତି ପ୍ରଦୀପ ସାହୁ କିନ୍ତୁ ଅନ୍ୟପଟେ ମୃତକଙ୍କ ପତ୍ନୀ ତାଙ୍କୁ ଦେବେନ୍ଦ୍ର ଚୌଧୁରୀ କହି ଆଧାର କାର୍ଡର ପ୍ରମାଣ ଦେଇଛନ୍ତି । ପୋଲିସ ହେପାଜତରେ ଥିବା ଏହି ବ୍ୟକ୍ତିଙ୍କ ମୃତ୍ୟୁ ହୋଇଯାଇଥିବାବେଳେ ପରିବାର ଏହାକୁ ହାଜତ ମୃତ୍ୟୁ ବୋଲି ଅଭିଯୋଗ କରୁଛି ।
- ପୁଲିସ ହେପାଜତରେ ହଠାତ ମୃତ୍ୟୁ ହେଲା କିଭଳି?
- ପରିବାର ଲୋକଙ୍କୁ ଖବର ଦେବାର ବିଳମ୍ବ ହେଲା କାହିଁକି?
ପୋଲିସର କହିବା କଥା ହେଉଛି, ଏହି ମୃତକଙ୍କ ନାଁରେ ପୂର୍ବରୁ ଅପରାଧିକ ମାମଲା ଥିଲା । ରବିବାର ସନ୍ଧ୍ୟାରେ ପାଟ୍ରୋଲିଂ ବେଳେ ପୁଲିସକୁ ଦେଖି ଦୌଡି ପଳାଇବାକୁ ଉଦ୍ୟମ କରୁଥିବାବେଳେ ତାଙ୍କୁ ରାସ୍ତାରୁ ଉଠାଇ ଥାନାକୁ ଆଣିିଥିଲା । ଆଉ ପୁଲିସ ହେପାଜତରେ ପଚରାଉଚରା ବେଳେ ଅସୁସ୍ଥ ହୋଇପଡିଥିବା ଏହି ବ୍ୟକ୍ତିଙ୍କୁ ତୁରନ୍ତ ହସପିଟାଲକୁ ନିଆଯାଇଥିଲା । କିନ୍ତୁ ସେତେବେଳକୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଏଭଳି ଘଟଣାକ୍ରମକୁ ସହଜରେ ଗ୍ରହଣ କରିପାରୁନାହାନ୍ତି ପରିବାର ଓ ପଡୋଶୀ । ସେ ଜୀବନକାଳ ଭିତରେ କୌଣସି ଅପରାଧରେ ସାମିଲ ନଥିବା କହିଛନ୍ତି ପତ୍ନୀ…
- ବଡଗଡ ଥାନାର ସିସିଟିଭିରେ ଲୁଚିରହିଛି ଏହି ରହସ୍ୟମୟ ସତ !
- ପ୍ରଶ୍ନ ଉଠୁଛି, ମୃତ୍ୟୁ ହୋଇସାରିବା ପରେ ହସପିଟାଲକୁ ନିଆଯାଇଥିଲା କି ?
- ହସପିଟାଲ, ରାସ୍ତା ନା ହାଜତରେ, କେଉଁଠି ହେଲା ଏହି ବ୍ୟକ୍ତିଙ୍କ ମୃତ୍ୟୁୁ ?
- ଠିକ ସମୟରେ ପୁଲିସ ତାଙ୍କୁ ପୋଲିସ ହସପିଟାଲ ନେଇଥିଲା କି?
- ସ୍ୱାସ୍ଥ୍ୟାବସ୍ଥା ଖରାପ ନେଇ ପରିବାର ଲୋକଙ୍କୁ ଜଣାଇଥିଲା କି ପୁଲିସ?
- ଏବେ ବି ଅସ୍ପଷ୍ଟ କିଏ ଏହି ବ୍ୟକ୍ତି- ପ୍ରଦୀପ ସାହୁ ନା ଦେବେନ୍ଦ୍ର ଚୌଧୁରୀ ?