ସିପିଇସି ପ୍ରୋଜେକ୍ଟ ସୁରକ୍ଷାକୁ ନେଇ ବଡ ନିଷ୍ପତ୍ତି , ପାକିସ୍ତାନରେ ବୁଲେଟପ୍ରୁଫ୍ ଗାଡିରେ ବୁଲିବେ ଚୀନ ଶ୍ରମିକ
କନକ ବ୍ୟୁରୋ : ପାକିସ୍ତାନର ପୂର୍ବତନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଉପରେ ଗୁଳିମାଡ ହେବାପରେ ପାକିସ୍ତାନର ଆଇନ ଶୃଙ୍ଖଳା ପରିସ୍ଥିତିକୁ ନେଇ ପ୍ରଶ୍ନ ଉଠିଛି । ଏହି କ୍ରମରେ ପାକିସ୍ତାନରେ ସିପିଇସି ପ୍ରୋଜେକ୍ଟ ଉପରେ କାମ କରୁଥିବା ଶ୍ରମିକମାନଙ୍କୁ ପାକିସ୍ତାନ ସରକାର ବୁଲେଟପ୍ରୁଫ୍ କାର ଯୋଗାଇ ଦେବାକୁ ନିଷ୍ପତ୍ତି ନେଇଛନ୍ତି । ଅର୍ଥାତ ସିପିଇସି ପ୍ରୋଜେକ୍ଟରେ କାମ କରୁଥିବା ସମସ୍ତ ଶ୍ରମିକମାନେ ବାହାରକୁ ବାହାରିଲେ ବୁଲେଟପୁଫ୍ ଗାଡିରେ ଯିବା ଆସିବା କରିବେ ବୋଲି ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ କୁହାଯାଇଛି କି, ସିପିଇସି ପ୍ରୋଜେକ୍ଟରେ କାମ କରୁଥିବା ଶ୍ରମିକମାନଙ୍କ ପ୍ରତି ଆତଙ୍କବାଦୀ ଆକ୍ରମଣ ଆଶଂକା ବୃଦ୍ଧି ପାଇଛି । ଏହି କାରଣରୁ ଚୀନ ସରକାର ଚିନ୍ତା ପ୍ରକଟ କରି ପାକିସ୍ତାନ ସରକାରଙ୍କୁ ଶ୍ରମିକମାନଙ୍କ ସୁରକ୍ଷା ନେଇ ଆଲୋଚନା କରିଥିଲା । ଏହି ଆଲୋଚନା ପରେ ପାକିସ୍ତାନ ସରକାର ଚୀନ ଶ୍ରମିକମାନଙ୍କ ସୁରକ୍ଷା ପାଇଁ ବୁଲେଟପ୍ରୁଫ୍ ଗାଡିର ବ୍ୟବସ୍ଥା କରୁଛି ।
ସୂଚନା ଥାଉକି ଚଳିତବର୍ଷ ଜୁଲାଇ ୧୩ ତାରିଖରେ ପାକିସ୍ତାନର ପସ୍ତୁନଖା ଅଞ୍ଚଳରେ ଏକ ବଡଧରଣର ବୋମା ବିସ୍ଫୋରଣ ହୋଇଥିଲା । ଏଥିରେ ୧୩ ଜଣ ଶ୍ରମିକ ପ୍ରାଣ ହରାଇଥିଲେ । ଏହି ସମସ୍ତ ଶ୍ରମିକମାନେ ୪୩୨୦ ମେଗାୱାଡ ଦାସୁ ହାଇଡ୍ରୋପାୱାର ପ୍ରୋଜେକ୍ଟରେ କାମ କରୁଥିଲେ । ସେମାନେ କାମକୁ ଯାଉଥିବା ବସକୁ ଟାର୍ଗେଟ କରି ଆତଙ୍କବାଦୀମାନେ ବୋମାମାଡ କରିଥିଲେ ।