ତ୍ରିରଙ୍ଗା ପରେ ମହାତ୍ମା ଗାନ୍ଧୀଙ୍କୁ ଅପମାନ ! ପୁଣି ବିବାଦରେ ଅନଲାଇନ୍ ସପିଂ ସାଇଟ୍ ଆମାଜନ୍
କନକ ବ୍ୟୁରୋ : ପୁଣି ବିବାଦରେ ଅନଲାଇନ୍ ସପିଂ ସାଇଟ୍ ଆମାଜନ୍ । ଭାରତର ଜାତୀୟ ପତାକା ତ୍ରିରଙ୍ଗାକୁ ଅପମାନ କରିବା ପରେ ଏବେ ମହାତ୍ମା ଗାନ୍ଧୀଙ୍କୁ ଅପମାନ । ଆମେରିକାରେ ମହାତ୍ମା ଗାନ୍ଧୀଙ୍କ ଚିତ୍ର ଓ ବାର୍ତା ଥିବା ଚପଲ ବିକ୍ରି କରୁଛି ଆମାଜାନ । ଏନେଇ ଟ୍ୱିଟର ମାଧ୍ୟମରେ ପ୍ରଧାନମନ୍ତ୍ରୀ ଓ ବୈଦେଶିକ ମନ୍ତ୍ରୀଙ୍କ ଦୃଷ୍ଟି ଆକର୍ଷଣ କରିଛନ୍ତି କିଛି ଭାରତୀୟ । ଏହି ଚପଲର ମୂଲ୍ୟ ୧୬.୯୯ ଡଲାର ରଖିଥିବା ବେଳେ ଡାକଖର୍ଚ୍ଚ ୨.୯୯ ଡଲାର ରଖାଯାଇଛି । ଏହାର ବିକ୍ରେତା ହେଉଛି କାଫେପ୍ରେସ ।
Kanak News is now on WhatsApp
Join and get latest news updates delivered to you via WhatsApp
ଗତ ବୁଧବାର ଦିନ ତ୍ରିରଙ୍ଗା ଚିତ୍ରର ପାପୋଛ ନେଇ କଡା ପ୍ରତିକ୍ରିୟା ରଖିଥିଲେ ବୈଦେଶିକ ମନ୍ତ୍ରୀ ସୁଷମା ସ୍ୱରାଜ । ଫଳରେ ଆମାଜନ ପକ୍ଷରୁ କ୍ଷମାମାଗିବା ସହ ଏହି ପାପୋଛକୁ ହଟାଇ ଦିଆଯାଇଥିଲା । ଏବେ ମହାତ୍ମା ଗାନ୍ଧୀକୁ ଅପମାନ ଦିଆଯାଇଛି । ଏନେଇ ସରକାର ତୁରନ୍ତ ପଦକ୍ଷେପ ନେବେ ବୋଲି ଆଶା କରାଯାଉଛି । ବାରମ୍ବାର ଭାରତ ପ୍ରତି ଆମାଜନର ଏଭଳି ଆଭିମୁଖ୍ୟକୁ ନେଇ ତିବ୍ର ପ୍ରତିକ୍ରିୟା ପ୍ରକାଶ ପାଇଛି ।