ଦେଶର ସବୁଠାରୁ ଧନୀ ବ୍ୟକ୍ତିଙ୍କ ଘରେ ବାଜିବ ଶାହାନାଇ । କିଏ ହେବ ମୁକେଶ ଅମ୍ବାନୀଙ୍କ ବୋହୁ? ଜାଣନ୍ତୁ…….
ଉଦ୍ୟୋଗପତି ମୁକେଶ ଅମ୍ବାନୀଙ୍କ ପୁଅ ଆକାଶ ଅମ୍ବାନୀଙ୍କ ବିବାହର ଚର୍ଚ୍ଚା ଜୋର ଧରିଛି । ସମସ୍ତଙ୍କ ମନରେ କେବଳ ପ୍ରଶ୍ନ ଉଙ୍କି ମାରୁଛି କି ଆକାଶ ଅମ୍ବାନୀଙ୍କ ବିବାହ ଏହି ବର୍ଷ ହବ କି? ଧନୀ ପରିବାରର ବଡ ବହୁ କିଏ ହବ ? ସୂତ୍ରରୁ ପ୍ରକାଶ ପାଇଛି ଯେ ଏହି ଖବର ପୂରା ଠିକ । ଆମେ ଜଣାଇ ଦେଉଛୁ ଯେ ହୀରା ବ୍ୟବସାୟୀ ରସେଲ ମେହତାଙ୍କ ଛୋଟ ଝିଅ ଶ୍ଲୋକା ମେହତାଙ୍କ ସହ ଆକାଶ ଅମ୍ବାନୀଙ୍କ ବିବାହ ହେବାକୁ ଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସୂତ୍ରରୁ ଜଣାପଡିଛି, ଆକାଶ ସବୁଠୁ ବଡ ଉଦ୍ୟୋଗୀ ଏବଂ ରିଲାଏନ୍ସ କମ୍ପାନୀର ପ୍ରମୁଖ ମୁକେଶ ଅମ୍ବାନୀଙ୍କ ବଡ ପୁଅ । ଉଭୟଙ୍କ ପରିବାର ଏହି ବିଷୟରେ କିଛି କହିବାକୁ ମନା କରିଛନ୍ତି । କିନ୍ତୁ ନିର୍ବନ୍ଧର ଘୋଷଣା କିଛି ସପ୍ତାହ ମଧ୍ୟରେ ଓ ବିବାହ ଉତ୍ସବ ଡିସେମ୍ବରରେ ହୋଇପାରେ ।
ଅମ୍ବାନୀ ଓ ମେହତା ପରିବାର ଉଭୟେ ଚିହ୍ନା ପରିଚିତ । ଆକାଶ ଓ ଶ୍ଲୋକା ଧୀରୁଭାଇ ଅମ୍ବାନୀ ଇଣ୍ଟରନ୍ୟାସନାଲ ସ୍କୁଲରେ ଏକା ସାଙ୍ଗରେ ପଢ଼ୁଥିଲେ । ଏହି ବିଷୟରେ ଅମ୍ବାନୀ ପରିବାରଙ୍କୁ ପଠାଯାଇଥିବା ଇମେଲରେ କିଛି ଜବାବ ଆସିନଥିବା ଜଣାଯାଇଛି ।
ଆସନ୍ତୁ ଜାଣିବା ଶ୍ଲୋକା ମେହତାଙ୍କ ବିଷୟରେ । ଶ୍ଲୋକା, ଧୀରୁଭାଇ ଅମ୍ବାନୀ ଇଣ୍ଟରନ୍ୟାସନାଲ ସ୍କୁଲରେ ପଢ଼ିବା ପରେ ପ୍ରିଂଷ୍ଟନ ୟୁନିଭର୍ସିିଟିରୁ ଆନ୍ଥ୍ରୋପୋଲୋଜି ପଢ଼ିଥିଲେ । ସ୍ନାତକୋତ୍ତର କରିବା ପାଇଁ ସେ ଲଣ୍ଡନ ସ୍କୁଲ ଅଫ ଇକୋନୋମିକ୍ସ ଏବଂ ପଲିଟିକାଲ ସାଇନ୍ସକୁ ଯାଇଥିଲେ ଏବଂ ଆଇନରେ ସ୍ନାତକୋତ୍ତର କଲେ । ଡିଗ୍ରୀ ସାରିବା ପରେ ୨୦୧୪ରେ ରୋସି ବ୍ଲୁ ଫାଇଣ୍ଡେସନ ରେ ଡାଇରେକ୍ଟର ପଦ ସମ୍ଭାଳିଲେ । ସେ କନେକ୍ଟଫର ନାମକ ସଂସ୍ଥାରେ ସହ-ପ୍ରତିଷ୍ଠାତା ଅଛନ୍ତି । ଏହି ସଂସ୍ଥା ଏନଜିଓ ସଂସ୍ଥାକୁ ସାହାଯ୍ୟ କରେ ।