କରୋନାକୁ ନେଇ ଆସିଲା ଉଦବେଗଜନକ ଖବର : ସୁସ୍ଥ ହେଉନାହାଁନ୍ତି ୧୦ରୁ ୭ କରୋନା ରୋଗୀ ! ଜାଣନ୍ତୁ କେଉଁ କେଉଁ ସ୍ୱାସ୍ଥ୍ୟ ସମସ୍ୟାର ଶିକାର ହେଉଛନ୍ତି ?
କନକ ବ୍ୟୁରୋ : କରୋନାର ଦ୍ୱିତୀୟ ଲହରକୁ ନେଇ ଚିନ୍ତା ବଢୁଥିବା ବେଳେ ଆସୁଛି ଏକ ଉଦବେଗଜନକ ଖବର । କରୋନାରେ ଆକ୍ରାନ୍ତ ହୋଇ ହସ୍ପିଟାଲରେ ଚିକିତ୍ସିତ ହୋଇ ଡିସଚାର୍ଜ ହେବା ପରେ ବି ସମ୍ପୂର୍ଣ୍ଣ ସୁସ୍ଥ ହେଇନାହାନ୍ତି ରୋଗୀ । ଡାକ୍ତରଖାନାରୁ ଆସିବାର ୫ ମାସ ପରେ ବି ସେମାନଙ୍କ ଠାରେ ଦେଖାଦେଉଛି ଗୁରୁତର ସ୍ୱାସ୍ଥ୍ୟ ସମସ୍ୟା । ଉଭୟ ଶାରୀରିକ ଓ ମାନସିକ ଭାବେ ସେମାନେ ଏକାଧିକ ସମସ୍ୟାର ସମ୍ମୁଖୀନ ହେଉଛନ୍ତି । ବ୍ରିଟେନର ନାସନାଲ ଇନଷ୍ଟିଚୁଟ୍ ଫର ହେଲଥ ରିସର୍ଚ ଏସମ୍ପର୍କରେ ଏକ ଅନୁଧ୍ୟାନ କରି ଜାଣିବାକୁ ପାଇଛି, ଯେ ହସ୍ପିଟାଲରୁ ଫେରିଥିବା ପ୍ରତି ୧୦ କରୋନା ଆକ୍ରାନ୍ତଙ୍କ ଭିତରୁ ୭ ଜଣଙ୍କ ଠାରେ ରହୁଛି ଶାରୀରିକ ସମସ୍ୟା ।
Kanak News is now on WhatsApp
Join and get latest news updates delivered to you via WhatsApp
ଏକ ହଜାର ୭୭ ଜଣଙ୍କୁ ନେଇ କରାଯାଇଥିବା ସର୍ଭେରୁ ଜଣାପଡିଛି, ୨୦୨୦ ମାର୍ଚରୁ ନଭେମ୍ୱର ଭିତରେ ହସ୍ପିଟାଲରୁ ଫେରିଥିବା ୬୯ ପ୍ରତିଶତ ରୋଗୀ ୫ କିଂବା ୬ ମାସ ପରେ ବି ବିଭିନ୍ନ ସ୍ୱାସ୍ଥ୍ୟ ସମସ୍ୟା ଦେଇ ଗତି କରୁଛନ୍ତି । ୫୮ ପ୍ରତିଶତ ପୁରୁଷ ଓ ୩୬ ପ୍ରତିଶତ ମହିଳାଙ୍କ ଠାରେ ରହୁଛି ସ୍ୱାସ୍ଥ୍ୟ ସମସ୍ୟା । ଏହି ସର୍ଭେ କହୁଛି ୨୯ ପ୍ରତିଶତ ଲୋକ ପୁରା ସୁସ୍ଥ ହୋଇଛନ୍ତି । ଯେଉଁମାନଙ୍କ ଠାରେ କୌଣସି ସ୍ୱାସ୍ଥ୍ୟ ସମସ୍ୟା ରହୁନାହିଁ । ଜାଣନ୍ତୁ କେଉଁ କେଉଁ ସ୍ୱାସ୍ଥ୍ୟ ସମସ୍ୟାର ଶିକାର ହେଉଛନ୍ତି –
ସୁସ୍ଥ ହେଉନାହାଁନ୍ତି ୧୦ରୁ ୭ କରୋନା ରୋଗୀ !
୧. ମାଂସପେଶୀ ଯନ୍ତ୍ରଣା
୨. ଥକ୍କାପଣ
୩. ଶରୀର ଧୀମା ହୋଇଯିବା
୪. ନିଦ୍ରାହୀନତା
୫. ଆଣ୍ଠୁଗଣ୍ଠି ଦରଜ ଓ ଫୁଲା
୬. ନିଶ୍ୱାସ ପ୍ରଶ୍ୱାସରେ କଷ୍ଟ
୭. ପୁରା ଶରୀରରେ ଯନ୍ତ୍ରଣା
୮. ସାମୟିକ ସ୍ମରଣ ଶକ୍ତି ହ୍ରାସ
୯. ବିଭିନ୍ନ ଅଙ୍ଗପ୍ରତ୍ୟଙ୍ଗ ଦୁର୍ବଳ ହୋଇଯିବା
୧୦. ଭାବନା ଓ ଚିନ୍ତା ଶକ୍ତି ହ୍ରାସ ପାଇବା