ମୌସୁମୀ ଉଭାନ : ପୁରୀ ଜିଲ୍ଲାରେ ମରୁଡି ଆଶଙ୍କା, ଚାଷ ଜମିର ବିକଳ ଚିତ୍ରରେ ଚାଷୀକୂଳ ବ୍ୟଥିତ; ସ୍ଥିତି ଦେଖି କାନ୍ଦିପକାଇଲେ ଅସ୍ତରଙ୍ଗର ୮୦ ବର୍ଷର ବୃଦ୍ଧା
କନକ ବ୍ୟୁରୋ : ମୌସୁମୀ ଉଭାନ । ବର୍ଷାର ଦେଖାନାହିଁ । ଫଳରେ ପୁରୀ ଜିଲ୍ଲାରେ ମରୁଡି ଆଶଙ୍କା ଦେଖାଦେଇଛି । ଚାଷ ଜମିର ବିକଳ ଚିତ୍ର ଚାଷୀଙ୍କୁ ବ୍ୟଥିତ କରିଛି । ଖରା ଯୋଗୁଁ ଚାଷ ଜମି ଫାଟି ଆଁ କରିଛି । ପ୍ରଚଣ୍ଡ ଖରାରେ ଚାଷଜମିରେ ଚାଷକାମ କରୁଛି ଚାଷୀ । ଚାଷଜମିର ଅବସ୍ଥା ଦେଖି ଚାଷୀ ଆଖିରେ ଆସିଛି ଲୁହ । ଅସରଙ୍ଗର ଜଣେ ୮୦ ବର୍ଷିୟା ବୃଦ୍ଧାଙ୍କ କହିବା କଥା ହେଲା ଏଭଳି ସ୍ଥିତି ସେ କେବେ ଦେଖିନାହାନ୍ତି । ଆବଶ୍ୟକତା ଠାରୁ କମ ବର୍ଷା ହେବା ଫଳରେ ଏଭଳି ପରିସ୍ଥିତି ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
କେତେକ ସ୍ଥାନରେ ଚାଷୀ ଗାଡିଆ ପୋଖରୀ ପାଣିରେ ତଳି କିଆରି ପ୍ରସ୍ତୁତ କରିଥିବାବେଳେ ଅନେକ ସ୍ଥାନରେ ଲିଫ୍ଟ ଇରିଗେସନ ଯୋଜନା ଫେଲ ମାରିଥିବା ଅଭିଯୋଗ ହୋଇଛି । ଆଷାଢ ମାସରେ ବର୍ଷାର ଦେଖାନାହିଁ । ପ୍ରବଳ ଖରାଯୋଗୁଁ ଚାଷ ଜମି ଫାଟି ଆଁ କଲାଣି । ତଳି ପୋଡି ଗଲାଣି । ଟିକେ ବଡ ହୋଇଯାଇଥିବା ଧାନଗଛଗୁଡିକ ବି ଜଳିଗଲାଣି ।