କନକ ବ୍ୟୁରୋ: ଡାକ୍ତର କହିଲେ ଠକେଇର କାହାଣୀ । କେବେ କିଏ ଆଉ କେମିତି ଠକେଇ କଲେ ସେ ନେଇ ଗୋଟି ଗୋଟି କରି କନକ ନ୍ୟୁଜ୍ ଆଗରେ କହିଛନ୍ତି ମହିଳା ଡାକ୍ତର । ଭୁବନେଶ୍ୱର ଇନଫୋସିଟି ଥାନାରେ ତାଙ୍କ ପକ୍ଷରୁ ଦିଆଯାଇଥିବା ଏତଲାରେ ସେ ଏସବୁ କଥା ଉଲ୍ଲେଖ କରିଛନ୍ତି । ଦୁଇ ଠକ ନିଜକୁ ଡାକ୍ତରର ପରିଚୟ ଦେଇ ଏକ ଘରୋଇ ମେଡିକାଲ କଲେଜରେ ପିଜି ଆଡମିସନ ନାଁରେ ତାଙ୍କ ଠାରୁ ୩୨ ଲକ୍ଷ ଟଙ୍କା ଲୁଟିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସବୁଠାରୁ ବଡ଼ କଥା ହେଉଛି, ଯେଉଁ ଘରୋଇ ମେଡିକାଲ କଲେଜରେ ଆଡମିଶନ ନାଁରେ ଠକେଇ ହୋଇଛି, ସେହି କଲେଜର ରିସେପସନ ଏବଂ କଲେଜ କ୍ୟାମ୍ପସ୍ ଭିତରେ ଅତି ଚାଲାକି ଭାବେ ନକଲି କାଗଜପତ୍ର ଯାଂଚ କରିଥିଲେ ଠକ । ଏପରିକି ବ୍ଲୁ-ପ୍ରିଂଟ ମୁତାବକ ମହିଳା ଡାକ୍ତର ଓ ତାଂକ ପରିବାରକୁ ଉକ୍ତ କଲେଜର ଲ୍ୟାଣ୍ଡଲାଇନ ନମ୍ବରରୁ ଫୋନ କରି ତାଙ୍କୁ ଭୁବନେଶ୍ୱରକୁ ଡାକିଥିଲେ । ଏହାସହିତ ସେମାନେ କଲେଜରେ ପଂହଚିବା ପରେ କଲେଜ ଭିତରେ କାଗଜପତ୍ର ଯାଂଚ କରିସାରିବା ପରେ ମହିଳା ଡାକ୍ତରଙ୍କୁ ଆଡମିଶନ ଲେଟର ଦେଇଥିଲେ ।
ଏମାନେ ହେଉଛନ୍ତି ସେହି ଠକ ଓସ୍ତାଦ । ସାଗର ଚୌଧୁରୀ ଓ ଅଭିମନ୍ୟୁ ସିଂ । ଏମାନେ ଦେଶର କୋଣ ଅନୁକୋଣରୁ ପିଜି ଆଡମିଶନ ନାଁରେ କୋଟି କୋଟି ଟଙ୍କା ଆତ୍ମସାତ କରିଥିବା ବେଳେ ପ୍ରଥମ ଥର ପାଇଁ ଇନଫୋସିଟି ଥାନା ପୋଲିସ୍ ହାତରେ ଧରାପଡ଼ିଛନ୍ତି । ଏମାନଙ୍କ ଗିରଫଦାରୀ ପରେ ୪ଟି ରାଜ୍ୟର ପୋଲିସ୍ ଭୁବନେଶ୍ୱରକୁ ଆସି ପଚରାଉଚରା କରିବାକୁ ଯୋଜନା କରିଛି ।