ପୁଣି ଦିଲ୍ଲୀରୁ ଆସିଲା ହୃଦୟ ବିଦାରକ ଦୃଶ୍ୟ । ଜୟପୁର ଗୋଲଡେନ ହସ୍ପିଟାଲରେ ଅକ୍ସିଜେନ ଅଭାବରୁ ୨୦ ଜଣ କରୋନା ରୋଗୀଙ୍କ ମୃତ୍ୟୁ
କନକ ବ୍ୟୁରୋ : ପବନ ଜୀବନ ଦିଏ ଓ ପବନ ଜୀବନ ନିଏ । ଏହି କଥାର ପ୍ରାସଙ୍ଗିକତା ଏବେ ଖୁବ ବଢିଯାଇଛି । କରୋନା କାଳରେ ରୋଗରେ ଯେତିକି ଲୋକ ମରୁନାହାନ୍ତି ତା ଠାରୁ ଅଧିକ ଲୋକ ବର୍ତ୍ତମାନ ଅକ୍ସିଜେନ ଅଭାବରେ ମୃତ୍ୟୁବରଣ କରୁଛନ୍ତି । ଗତକାଲି ସାର ଗଙ୍ଗାରାମ ହସ୍ପିଟାଲରେ ଅକ୍ସିଜେନ ଅଭାବରୁ ୨୫ ଜଣ ଲୋକଙ୍କର ଜୀବନ ଯାଇଥିବା ବେଳେ ଆଜି ସେହି ଦିଲ୍ଲୀର ଜୟପୁର ସହରରେ ଥିବା ଗୋଲଡେନ ହସ୍ପିଟାଲରେ ଅକ୍ସିଜେନ ଅଭାବରୁ ୨୦ ଜଣ କରୋନା ସଂକ୍ରମିତଙ୍କର ଜୀବନ ଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଜୟପୁର ଗୋଲଡେନ ହସ୍ପିଟାଲର ଏମଡି ଡିକେ ବଲୁଜା କହିଛନ୍ତି କି ଗତକାଲି ସନ୍ଧ୍ୟାରେ ଅକ୍ସିଜେନ ଅଭାବରୁ ୨୦ ଜଣ କରୋନା ରୋଗୀଙ୍କର ମୃତ୍ୟୁ ହୋଇଛି । ଅନ୍ୟପଟେ ଏବେ ଏହି ହସ୍ପିଟାଲରେ ଅକ୍ସିଜେନର ଅଭାବ ରହିଛି । ଏହି ହସ୍ପିଟାଲରେ ଏବେ ବି ୨୧୫ ଜଣ ରୋଗୀ ଚିକିତ୍ସିତ ହେଉଛନ୍ତି । ଏନେଇ ମେଡିକାଲର ଏମଡି ରାଜ୍ୟ ସରକାର ଓ ଅନ୍ୟ ଏଜେନ୍ସି ମାନଙ୍କୁ ଅକ୍ସିଜେନ ଯୋଗାଣ ପାଇଁ ଅନୁରୋଧ କରିଛନ୍ତି ।