କନକ ବ୍ୟୁରୋ: ସହର ଭିତରେ ହାତୀ । ଖୋର୍ଦ୍ଧା ସହର ଭିତରେ ହାତୀ । ଗତ କିଛିଦିନ ଧରି ହାତୀ ଖୋର୍ଦ୍ଧା ସହର ଉପାନ୍ତରେ ଧାନ କିଆରିରେ ପଶି ଫସଲ ନଷ୍ଟ କରିଥିବାର ଖବର ମିଳିଥିଲା । ତେବେ ରବିବାର ଅପରାହ୍ନରେ ସହର ଭିତର ହାତୀ ଦେଖିବାକୁ ମିଳିଛି । କୁମାରବସ୍ତ ଗାଁ କାଜୁ ଜଙ୍ଗଲ ଭିତରୁ ବାହାରି ହାତୀଟି ମୁକୁନ୍ଦ ପ୍ରସାଦ ରାସ୍ତାରେ ସହର ଭିତରକୁ ପଶୁଥିବା ବେଳେ ନଜର ଆସିଥିଲା । ଏହାକୁ ଦେଖି ଅଂଚଳର ଲୋକଙ୍କ ମଧ୍ୟରେ ଭୟ ପଶିଥିଲା । ତେବେ ଖବର ପାଇ ବନବିଭାଗ ଓ ପୁଲିସ୍ ପହଂଚିଥିଲେ । ଜନସାଧାରଣଙ୍କ ସହ ତାଳମେଳ ରଖି ହାତୀକୁ ନିକଟସ୍ଥ ବରୁଣେଇ ଜଙ୍ଗଲକୁ ଘଉଡ଼େଇବାକୁ ଉଦ୍ୟମ କରିଥିଲେ ।