ଚିନ୍ତା ବଢାଇଲେ ରାହୁଲ ! ମୋଦିଙ୍କୁ ଦେଲେ ଖୋଲା ଚ୍ୟାଲେଂଜ, ସାମ୍ନାରେ ରଖିଲେ ୫ଟି ସମସ୍ୟା
ଗୁଜରାଟ ବିଧାନସଭା ନିର୍ବାଚନରେ କଂଗ୍ରେସ ବିଜେପିକୁ ଦେଇଛି କଡା ଟକ୍କର । କାରଣ, ଏଥରକ ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ରାହୁଲ ଗାନ୍ଧୀ ମୁହାଁମୁହିଁ ହୋଇଥିଲେ । ଯିଏ କି ନିଜ ନିଜ ଦଳ ପାଇଁ ଷ୍ଟାର ପ୍ରଚାରକ ଥିଲେ । ଏପରିକି ଉଭୟଙ୍କର ଜନସଭାରେ ବି ଲୋକଙ୍କର ଭିଡ ବେଶ୍ ଜମିବାର ସାମ୍ନାକୁ ଆସିଥିଲା । ତେବେ ପ୍ରଚାର ଅଭିଯାନ ସମୟରେ କଂଗ୍ରେସ ନେତା ବିଜେପି ସରକାର ଉପରେ ଲଗାତର ଭାବେ ଆକ୍ରମଣକାରୀ ବୟାନବାଜୀକୁ ନେଇ ପ୍ରଶ୍ନ ମଧ୍ୟ ଉଠାଇଥିଲା । ରାହୁଲ ଗାନ୍ଧୀ ପ୍ରଧାନମନ୍ତ୍ରୀ ମୋଦିଙ୍କ ସମକ୍ଷରେ ୫ଟି ପ୍ରମୁଖ ଚ୍ୟାଲେଂଜ ଛିଡା କରିଛନ୍ତି ଯାହା ସଂପର୍କରେ ଆଜି ଆମେ ଆପଣଙ୍କ ନିକଟରେ ଆଲୋଚନା କରୁଛୁ ।
Kanak News is now on WhatsApp
Join and get latest news updates delivered to you via WhatsApp
ଆର୍ଥିକ ନୀତିରେ ସୁଧାର ଆଣିବା
ଗୁଜରାଟ ବିଧାନସଭା ନିର୍ବାଚନକୁ ନେଇ ପ୍ରଧାନମନ୍ତ୍ରୀ ମୋଦିଙ୍କ ସ୍ଥିତିକୁ ନେଇ ସମସ୍ତଙ୍କର ନଜର ରହିଛି । ଯେଉଁଥିରେ ଗୋଟିଏ ହେଲା ମୋଦିଙ୍କ ଆର୍ଥିକ ନୀତି । କାରଣ ମୋଦିଙ୍କର ନୋଟବନ୍ଦୀ ଏବଂ ଜିଏସଟି ଭଳି ନିଷ୍ପତି ଜନତାଙ୍କ ମୁଣ୍ଡବିନ୍ଧାର କାରଣ ପାଲିଟିଛି । ଯାହାକି ମୋଦିଙ୍କ ପାଇଁ ସମସ୍ୟା ସୃଷ୍ଟି କରିପାରେ । ତେଣୁ ଏଭଳି ପରିସ୍ଥିତିରେ ମୋଦି ଏବଂ ତାଙ୍କ ଦଳକୁ ସଚେତନ ରହିବାକୁ ରାହୁଲ ଖୋଲା ଚ୍ୟାଲେଂଜ କରିଛନ୍ତି ।
କଂଗ୍ରେସ, ହାର୍ଦ୍ଦିକ, ଜିଗ୍ନେଶ ଏବଂ ଅଳ୍ପେଶଙ୍କ ମେଂଟ
ଏଥରକ ନିର୍ବାଚନରେ ବିଜେପି ବିରୋଧରେ ନୂଆ ମୋର୍ଚ୍ଚା ଛିଡା ହୋଇଛି । କଂଗ୍ରେସ ପଟିଦାର ନେତା ହାର୍ଦ୍ଦିକ ପଟେଲ, ଦଳିତ ନେତା ଜିଗ୍ନେଶ ମେବାଣୀ ଏବଂ ଅଳ୍ପେଶ ଠାକୁରଙ୍କ ସହିତ ମେଂଟ କରି ସତ୍ତାରୁଢ ପାର୍ଟ ପାଇଁ ଅନେକ ଚ୍ୟାଲେଂଜ ସୃଷ୍ଟି କରିଛନ୍ତି ।
ଚାଷୀଙ୍କର ଦୁଃଖ
ଗୁଜରାଟରେ ବିଜେପି ଦୁଇ ଦଶକରୁ ବି ଅଧିକ ସମୟ ହେଲା ସତ୍ତାରେ ରହିଆସିଛି । ହେଲେ କଟର୍ଣ୍ଣବେଲ୍ଟରେ ସରକାରଙ୍କର ନୀତି କାରଣରୁ ଅସନ୍ତୋଷ ଦେଖିବାକୁ ମିଳିଛି । ଏଭଳି ସ୍ଥିତିରେ ପାର୍ଟିକୁ ଚାଷୀଙ୍କର ଦୁଃଖକୁ କୌଣସି ବି ପରିସ୍ଥିତିରେ ଦୂର କରିବାକୁ ହେବ । ନଚେତ୍ ଭବିଷ୍ୟତରେ ସତ୍ତାରୁଢ ଦଳଙ୍କୁ ଏହାର ରାଜନୀତିକ ମୂଲ୍ୟ ପରିଶୋଧ କରିବାକୁ ପଡିପାରେ ।
ଗ୍ରାମୀଣ କ୍ଷେତ୍ରର ଚିନ୍ତା
ପ୍ରଧାନମନ୍ତ୍ରୀ ମୋଦି ଏବଂ ବିଜେପି ପାଇଁ ଗ୍ରାମୀଣ କ୍ଷେତ୍ର ମାନଙ୍କରେ ଲଗାତର ଚିନ୍ତାର କାରଣ ପାଲଟିଛି । ଏଥରକ ବିଧାନସଭା ନିର୍ବାଚନରେ ବି ବିଜେପିକୁ ଗ୍ରାମୀଣ କ୍ଷେତ୍ରରୁ ଆଶାରୁ ଅନୁରୁପ ସିଟ ମିଳିପାରି ନଥିଲା । ସହର କ୍ଷେତ୍ରରେ ବିଜେପି ଚେର ପ୍ରଥମରୁ ହିଁ ମଜଭୂତ ରହିଛି । ଏଭଳି ସ୍ଥିତିରେ ପାର୍ଟି ନେତୃତ୍ୱକୁ ଗ୍ରାମୀଣ କ୍ଷେତ୍ରରେ ଦଳର ସ୍ଥିତି ଆଧାରରେ ମଜଭୂତ କରିବାକୁ ପଡିବ ।
ପ୍ରଧାନମନ୍ତ୍ରୀ ମୋଦିଙ୍କର ଲୋକପ୍ରିୟତା
ଗୁଜରାଟ ବିଧାନସଭା ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କର ଲୋକପ୍ରିୟତା ପୁଣି ଥରେ ପ୍ରମାଣିତ ହୋଇଛି । ନିର୍ବାଚନ ପ୍ରଚାର ଅଭିଯାନରେ ମୋଦି ଅନେକ ବିଶାଳ ରାଲି କରିଥିଲେ । ଯାହାର ବ୍ୟାପକ ପ୍ରଭାବ ସାଧାରଣ ଜନତାଙ୍କ ଉପରେ ପଡିଛି ବୋଲି ଶୁଣିବାକୁ ମିଳିଛି । ଯାହାଦ୍ୱାରା ବିଜେପି ପୁଣି ଥରେ ମୋଦିଙ୍କ ଉପରେ ନିର୍ଭରଶୀଳ ବୋଲି ପ୍ରମାଣିତ ହୋଇଛି ।