ବଜ୍ରକାପ୍ତା ଚୋରାଚାଲାଣ ରୋକିବାକୁ ବନବିଭାଗର ବଡ ଘୋଷଣା । ବଜ୍ରକାପ୍ତା ଚୋରାଚାଲାଣ ବାବଦରେ ସୂଚନା ଦେଲେ ମିଳିବ ୧୦ ହଜାର, ପୋଷ୍ଟର ମାରିଲା ବନବିଭାଗ ।
କନକ ବ୍ୟୁରୋ : ବଜ୍ରକାପ୍ତା ଚୋରାଚାଲାଣ ନେଇ ବନ ବିଭାଗର ଚିନ୍ତା ବଢିଛି । ଚାଲାଣ ରୋକିବା ପାଇଁ ବଡ ପଦକ୍ଷେପ ନେଇଛି ବିଭାଗ । ବଜ୍ରକାପ୍ତା ବିଷୟରେ କୌଣସି ବି ସୂଚନା ଦେଲେ ମିଳିବ ପୁରସ୍କାର । ଆଠଗଡ଼ ବନାଞ୍ଚଳରେ ବିଭିନ୍ନ ସ୍ଥାନରେ ପୋଷ୍ଟର ମାରି ଲୋକଙ୍କୁ ଏଭଳି ଅନୁରୋଧ କରିଛନ୍ତି ବନାଞ୍ଚଳ ଅଧିକାରୀ ।
Kanak News is now on WhatsApp
Join and get latest news updates delivered to you via WhatsApp
ବଜ୍ରକାପ୍ତା ଧରିବା କିମ୍ବା କୌଣସି ଚୋରାଚାଲଣର ସୂଚନା ଦେଲେ ଦଶ ହଜାର ଟଙ୍କା ପୁରସ୍କାର ଦେବାକୁ ଘୋଷଣା କରିଛି ବନବିଭାଗ । ପୂର୍ବରୁ ଆଠଗଡ଼ ଅଞ୍ଚଳରୁ ବଜ୍ରକାପ୍ତା ଚୋରାଚାଲଣ ଅଭିଯୋଗରେ ବିଭିନ୍ନ ପର୍ଯ୍ୟାୟରେ ୧୨ ଜଣ ଗିରଫ ହୋଇଛନ୍ତି । ସେମାନଙ୍କ ମଧ୍ୟରୁ ୧୦ ଜଣଙ୍କୁ ରିମାଣ୍ଡରେ ଆଣି ପଚରା ଉଚୁରା ମଧ୍ୟ କରିଛି ବନ ବିଭାଗ ।
ସୋସିଆଲ ମିଡିଆରେ ବଜ୍ରକାପ୍ତା ବେପାର ଚାଲିଥିବା ବେଳେ କିଛି ଦିନ ପୂର୍ବେ ଏହାର ସୁରାକ ପାଇଥିଲା ବନବିଭାଗ । ଆଉ ଏହାପରେ ବଜ୍ରକାପ୍ତା ଚୋରାଚାଲାଣକାରୀଙ୍କୁ ଧରିବା ପାଇଁ ଅପରେସନ ଆରମ୍ଭ କରିଥିଲା ବନବିଭାଗ । ସୋସିଆଲ ମିଡିଆରେ ବଜ୍ରକାପ୍ତା ବିକ୍ରି ନେଇ ଡିଲ୍ ଫାଇନାଲ ହେବା ପରେ ଅନ୍ୟ ରାଜ୍ୟ ଓ ବିଦେଶକୁ ଚୋରାଚାଲାଣ କରୁଥିଲେ ଦଲାଲ । ବଜ୍ରକାପ୍ତାର କାତି ଓ ଓଜନ ହିସାବରେ ଟଙ୍କା ଦେଉଥିଲେ ଦଲାଲ । କିଲୋ ପିଛା ୧ ଲକ୍ଷ ଟଙ୍କାରେ ବିକ୍ରି ହେଉଥିଲା ବଜ୍ରକାପ୍ତା । ବଜ୍ରକାପ୍ତା କାତିରେ ଅନେକ ଔଷଧୀୟ ଗୁଣ ରହିଥିବା ବେଳେ ଏହାକୁ ବୁଲେଟ ପ୍ରୁଫ୍ ଜ୍ୟାକେଟରେ ବ୍ୟବହାର କରାଯାଉଥିବାରୁ ବିଦେଶରେ ଏହାର ଚାହିଦା ରହିଛି ।