ଖୋଲୁଛି ଡାର୍ଟି ଡାଡିଙ୍କ ପାପର ପେଡି । ଜେରା ବେଳେ ସତ ଓଗାଳିଲେ, କହିଲେ ଓଡିଶାର ନୁହେଁ ପଶ୍ଚିମବଙ୍ଗରେ ପିଲାଙ୍କର କରାଯାଉଥିଲା ଧର୍ମ ପରିବର୍ତ୍ତନ
କନକ ବ୍ୟୁରୋ : ଖୋଲୁଛି ଗୁଡ୍ ନ୍ୟୁଜ୍ ଇଣ୍ଡିଆର ପାପର ପେଡି । ପୁଲିସ୍ ଜେରା ବେଳେ ସତ ଓଗାଳିଛି ଫୟାଜ ରହେମାନ । ସେଲଟର ହୋମ ସହ ବିଦେଶୀ ଲିଙ୍କ ଥିବା କଥା ସ୍ୱୀକାର କରିଛି ଫୟାଜ୍ । ଧର୍ମାନ୍ତୀକରଣ ନେଇ ରେହମାନ କହିଛି-ଓଡିଶାରେ ନୁହଁ ବରଂ ପଶ୍ଚିମବଙ୍ଗ ନେଇ ପିଲାଙ୍କ ଧର୍ମ ପରିବର୍ତନ କରାଯାଉଥିଲା । ପୁଲିସ୍ ଆଗରେ ରଖିଥିବା ଏହି ସମସ୍ତ ତଥ୍ୟ ସଂପର୍କରେ ସୂଚନା ଦେଇଛନ୍ତି ଢ଼େଙ୍କାନାଳ ଏସପି । ଆଉ ଏସବୁ ଭିତରେ ରେହମାନଙ୍କ ରିମାଣ୍ଡ ଅବଧି ଆହୁରି ଦୁଇ ଦିନ ବୃଦ୍ଧି ପାଇଛି ।
Kanak News is now on WhatsApp
Join and get latest news updates delivered to you via WhatsApp
ଗୁଡ୍ ନ୍ୟୁଜ୍ ଇଣ୍ଡିଆର ପାପର ପେଡି ଖୋଲିବା ପରେ ଏବେ ସେବାଶ୍ରମ ଛାଡି ଘର ବାହୁଡ଼ା କରୁଛନ୍ତି ଅନ୍ତେବାସୀ । ଏପରିକି ଗୁଡ୍ ନ୍ୟୁଜ୍ ଇଣ୍ଡିଆର ପୁରୀ ଶାଖାରେ ରହୁଥିବା ଅନ୍ତେବାସୀଙ୍କୁ ସିଡବ୍ଲୁସିରେ ହାଜର କରାଯାଇଛି । ସେଲଟର ହୋମ୍ ସିଲ୍ ହେବା ପରେ ପିଲାମାନଙ୍କୁ ଅଭିଭାବକମାନଙ୍କୁ ହସ୍ତାନ୍ତର କରାଯାଉଛି ।କେବଳ ପୁରୀ ନୁହେଁ, ରାଜ୍ୟର ବିଭିନ୍ନ ସ୍ଥାନରେ ଦେଖିବାକୁ ମିଳିଛି ସମାନ ଚିତ୍ର ।
ଅନ୍ୟପଟେ ଫୟାଜ ରହେମାନଙ୍କ ସଂପର୍କରେ ଖୋଲୁଛି ଗୋଟିଏ ପରେ ଗୋଟିଏ ଗୁମର । ପୁଲିସ ଆଗରେ ରହେମାନ ସ୍ୱୀକାର କହିଛି-ସେଲଟର ହୋମ ସହ ଥିଲା ବିଦେଶୀ ଲିଙ୍କ୍ । ଏପରିକି ବିଦେଶରୁ ମୋଟା ଅଙ୍କର ଟଙ୍କା ଆସୁଥିବା କହିଛି ଫୟାଜ ରହେମାନ୍ ।
ସେବା ନାଁରେ ସେବାଶ୍ରମରେ ଯେଉଁ ସବୁ ଅମାନବୀୟ କାର୍ଯ୍ୟ ହେଉଥିଲା, ସେଥିରେ ଧର୍ମାନ୍ତୀକରଣ ପ୍ରସଙ୍ଗ ସାରା ଓଡ଼ିଶାକୁ ଦୋହଲାଇ ଦେଇଛି । ଧର୍ମାନ୍ତୀକରଣ ନେଇ ଗଣମାଧ୍ୟମ ପାଖରେ ପହଂଚିଥିବା ରହେମାନଙ୍କ ଭିଡିଓ, ଓଡ଼ିଶାର ନୁହେଁ ବରଂ ପଶ୍ଚିମବଙ୍ଗର ବୋଲି ସ୍ୱୀକାର କହିଛି ଏହି ପାପର ସୌଦାଗର । ପଶ୍ଚିମବଙ୍ଗ ସାଲିଆଗଡରେ ବଡ ବଡ ପିଲାଙ୍କୁ ନେଇ ସେଠାରେ ଧର୍ମ ପରିବର୍ତନ କରାଯାଇଥାଏ ବୋଲି ରେହମାନ ପୁଲିସ୍ ଆଗରେ କହିଛ ।ଏପଟେ ରେହମାନର ରିମାଣ୍ଡ ଅବଧି ଆଉ ଦୁଇ ଦିନକୁ ବୃଦ୍ଧି ପାଇଛି । ଆଉ ଏହି ରିମାଣ୍ଡ ଅବଧି ଭିତରେ ଆହୁରି ଅନେକ ଗୁମର ଫିଟିବ ବୋଲି ଆଶା କରାଯାଉଛି ।