ବଗିକୁ ଛାଡ଼ି ଚାଲିଗଲା ରାଜଧାନୀ ଏକ୍ସପ୍ରେସ୍ । କାଠଯୋଡ଼ି ବ୍ରିଜ ଉପରେ ଘଣ୍ଟାଏ କାଳ ଅଟକି ରହିଲା ଟ୍ରେନ୍

ତଦନ୍ତ ନିର୍ଦ୍ଦେଶ ଦେଲେ ରେଳବାଇ କର୍ତୃପକ୍ଷ; ଭୁବନେଶ୍ୱରରୁ ଯାଉଥିଲା ଦିଲ୍ଲୀ

559

କନକ ବ୍ୟୁରୋ: ବଗି ଛାଡ଼ି ପଳାଇଲା ରେଳ ଇଞ୍ଜିନ। ଏକ ଭୟାବହ ଦୁର୍ଘଟଣାରୁ ଅଳ୍ପକେ ବର୍ତ୍ତିଯାଇଛି ଭୁବନେଶ୍ୱର-ନୂଆଦିଲ୍ଲୀ ରାଜଧାନୀ ଏକ୍ସପ୍ରେସ। କଟକ କାଠଯୋଡ଼ି ବ୍ରିଜ୍‌ ଉପରେ ଭୁବନେଶ୍ୱରୁ ନୂଆଦିଲ୍ଲୀ ଯାଉଥିବା ରାଜଧାନୀ ଏକ୍ସପ୍ରେସର ବଗିରୁ ଇଞ୍ଜିନ୍‌ ଛାଡ଼ି ପଳାଇବା ପରେ ଟ୍ରେନ୍‌ଟି ପୋଲ ଉପରେ ଅଟକି ରହିଛି। ତେବେ, ଘଟିଥିବା ଏହି ଦୁର୍ଘଟଣାରେ କେହି ମୃତାହତ ହୋଇନଥିବା ସୂଚନା ରହିଛି। ସମସ୍ତ ଯାତ୍ରୀ ସୁରକ୍ଷିତ ରହିଥିବା ଜାଣିବାକୁ ମିଳିଛି।

ସୂଚନା ଅନୁଯାୟୀ,ଇଞ୍ଜିନ୍ ସହିତ କେବଳ ଦୁଇଟି ବଗି ରହିଥିବା ବେଳେ ବାକିଗୁଡ଼ିକ ବିଚ୍ଛିନ୍ନ ହୋଇଯାଇଥିଲା। ଇଞ୍ଜିନ୍‌ଠାରୁ ବିଚ୍ଛିନ୍ନ ହେବା ପରେ ବଗିଗୁଡ଼ିକ କିଛି ବାଟ ଗଡ଼ି କାଠଯୋଡ଼ି ବ୍ରିଜ୍ ଉପରେ ଅଟକି ରହିଥିଲା। ତେବେ କେଉଁ କାରଣରୁ ଏମିତି ଘଟିଲା, ତାହା ସ୍ପଷ୍ଟ ହୋଇପାରିନି। ଏ ଘଟଣାର ସିନିୟର ଅଫିସ୍‌ର ସ୍ତରୀୟ ତଦନ୍ତ ହେବ। ଏଥିପାଇଁ ଖୋର୍ଦ୍ଧା ରୋଡ୍‌ ଡିଆର୍‌ଏମ୍‌ ନିର୍ଦ୍ଦେଶ ଦେଇଛନ୍ତି।

Comments are closed.