ଟିଆରପି ରାଜନୀତି କରୁଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି: ରାହୁଲ୍ ଗାନ୍ଧି
କନକ ବ୍ୟୁରୋ : ପ୍ରଧାନମନ୍ତ୍ରୀ ମୋଦିଙ୍କ ଯୋଜନା କେବଳ ଟିଆରପି ପାଇଁ ବୋଲି ଅଭିଯୋଗ କରିଛନ୍ତି କଂଗ୍ରେସ୍ ଉପାଧ୍ୟକ୍ଷ ରାହୁଲ୍ ଗାନ୍ଧି । ଅଧ୍ୟକ୍ଷା ସୋନିଆ ଗାନ୍ଧିଙ୍କ ଅନୁପସ୍ଥିତିରେ ଆଜି କଂଗ୍ରେସ ସଂସଦୀୟ ଦଳର ବୈଠକରେ ଅଧ୍ୟକ୍ଷତା କରି ଏହା କହିଛନ୍ତି ରାହୁଲ୍ ।
Kanak News is now on WhatsApp
Join and get latest news updates delivered to you via WhatsApp
ବିମୁଦ୍ରାକରଣ ହେଉ କି କଶ୍ମୀର ପ୍ରସଙ୍ଗ ହେଉ ମୋଦି ସରକାର କେବଳ ଟେଲିଭିଜନ ରେଟିଂ ପଏଂଟ ଉପରେ ଆଧାର କରି ପ୍ରସ୍ତୁତ କରୁଛନ୍ତି । ଏହି ସରକାର କେବଳ ପ୍ରଚାର ସର୍ବସ୍ୱ ବୋଲି ସମାଲୋଚନା କରିଛନ୍ତି ରାହୁଲ୍ । ପାକିସ୍ତାନ ନେଇ କେନ୍ଦ୍ର ସରକାରଙ୍କ କୌଣସି ନିର୍ଦ୍ଦିଷ୍ଟ ନୀତି ଥିବା ପରି ଅନୁମାନ କରିହେଉ ନାହିଁ ବୋଲି ସେ କହିଛନ୍ତି ।
ଗତ ଏକ ଦଶନ୍ଧି ମଧ୍ୟରେ ଚଳିତ ବର୍ଷ ସର୍ବାଧିକ ୮୫ ଜଣ ଜବାନ ସହିଦ ହୋଇଛନ୍ତି । ଏହା ଦୁର୍ଭାଗ୍ୟଜନକ ବୋଲି ରାହୁଲ୍ କହିଛନ୍ତି । ସେହିପରି ବିଶ୍ୱର ସବୁଠାରୁ ତୀବ୍ର ବିକାଶ ଲାଭ କରୁଥିବା ଅର୍ଥନୀତି ଉପରେ ବିମୁଦ୍ରକରଣ କରି ମୋଦି ଆତର୍କିତ ଆକ୍ରମଣ କରିଛନ୍ତି । ଏହାର ପରିଣାମ ସାଧାରଣ ଲୋକଙ୍କୁ ଭୋଗିବାକୁ ପଡୁଛି ବୋଲି ରାହୁଲ ତାଙ୍କ ଉଦବୋଧନରେ କହିଛନ୍ତି ।