କନକ ବ୍ୟୁରୋ: ପାରାଦୀପରୁ ଅପହୃତ ହୋଇଥିବା ଅଢେଇ ମାସର ଶିଶୁକୁ ଶେଷରେ ଉଦ୍ଧାର କରିଛି ପୋଲିସ । ଏହାସହ ସଂପୃକ୍ତ ଚାକରାଣୀକୁ ବି ଅଟକ ରଖାଯାଇଛି । ସମ୍ପତ୍ତି ଲୋଭ ଦେଖାଇ ତିନି ତିନିଟା ପରିବାରର ଲୋକଙ୍କୁ ବୋକା ବନେଇ ଚାକରାଣୀ କାମ କରୁଥିବା ଜଣେ ମହିଳା ଅଢେଇ ମାସ ଶିଶୁକୁ ନେଇ ଚମ୍ପଟ ମାରିଥିଲା । ଗତ ୧୭ ତାରିଖରେ ଏହି ଘଟଣା ଘଟିଥିଲା ।
Kanak News is now on WhatsApp
Join and get latest news updates delivered to you via WhatsApp
ଜଗତସିଂହପୁର ଜିଲ୍ଲା ବାଲିକୁଦା ଥାନା ତିତିରା ଗ୍ରାମର ଶତ୍ରୁଘ୍ନ ସାମଲ ନିଜ ପରିବାରଙ୍କ ସହ ପାରାଦ୍ୱୀପରେ ଥିବା ନିଜ ସଂପର୍କୀୟ ଭିଣୋଇ କୃଷ୍ଣଚନ୍ଦ୍ର ପୃଷ୍ଟିଙ୍କ ଘରକୁ ବୁଲିବା ପାଇଁ ଆସିଥିଲେ । ଏହି ସମୟରେ ଶତ୍ରୁଘ୍ନଙ୍କ ଶିଶୁପୁତ୍ରଟି କାନ୍ଦିଥିଲା । ଏହି ସମୟରେ ଘରେ କାମ କରିବାକୁ ଆସିଥିବା ଚାକରାଣୀ ମାନିନୀ ସାହୁ ଶିଶୁପୁତ୍ରକୁ ଖେଳାଇବା ବାହାନାରେ ନେଇ ଆସି କୁଆଡେ ଫେରାର ହୋଇଯାଇଥିଲା ।
ଏ ନେଇ ପରିବାର ଲୋକେ ପାରାଦ୍ୱୀପ ଥାନାରେ ଅଭିଯୋଗ କରିଥିଲେ । ଚୋରିର ଦୁଇଦିନ ତଳେ ମାନିନୀ ଚାକରାଣୀ ଭାବେ ଘରକୁ ଆସିଥିଲା । ନିଜର ପ୍ରଚୁର ସମ୍ପତ୍ତି ଥିବା ସତ୍ୱେ ପରିସ୍ଥିତି ପଡି ଚାକରାଣୀ ଭାବେ କାମ କରିବାକୁ ବାଧ୍ୟ ହେଉଛି ବୋଲି ସେ ପରିବାର ଲୋକଙ୍କୁ କହିଥିଲା । ଯିଏ ସହାୟତା କରିବ ମାନିନୀ ସମ୍ପତିରୁ ଭାଗ ଦେବ ବୋଲି ବି ପ୍ରତିଶ୍ରୃତି ଦେଇଥିଲା ।