କନକ ବ୍ୟୁରୋ : ପଂଚାୟତ ପାଇଁ ଓଲିଉଡ୍ ଛାଡି ଗାଁରେ ସେଲିବ୍ରିଟି । ପ୍ରଚାର ମୈଦାନକୁ ଓହ୍ଲାଇବେ ରୂପେଲି ପରଦାର ବଡ ତାରକା । ଏଥର ଗାଁ ଭୋଟରଙ୍କ ମନ ଜିଣିବେ ଫିଲ୍ମ ତାରକା । ଗାଁ ଗାଁ ଯାଇ ଲୋକଙ୍କୁ ଦଳୀୟ ପ୍ରାର୍ଥୀଙ୍କ ସପକ୍ଷରେ ପ୍ରଚାର କରିବେ ଏହି ସିନେ ଷ୍ଟାର । ପଂଚାୟତ ନିର୍ବାଚନ ପାଇଁ ଘୋଷଣା ହୋଇଥିବା ନବୀନଙ୍କ ଟିମରେ ଏଥର ଷ୍ଟାରଙ୍କ ଭିଡ ।
Kanak News is now on WhatsApp
Join and get latest news updates delivered to you via WhatsApp
ବିଜେଡି ଘୋଷଣା କରିଥିବା ଏହି ଷ୍ଟାର ପ୍ରଚାରକଙ୍କ ୪୦ ଜଣିଆ ତାଲିକାରେ ସାମିଲ ହୋଇଛନ୍ତି ୧୦ ଜଣ ଫିଲ୍ମ ତାରକା । ସିଦ୍ଧାନ୍ତ ମହାପାତ୍ର, ଅନୁଭବ ମହାନ୍ତି, ଆକାଶ ଦାସ ନାୟଙ୍କଠାରୁ ଆରମ୍ଭ କରି ମିହିର ଦାସ, ଅରିନ୍ଦମ ରୟଙ୍କ ପର୍ଯ୍ୟନ୍ତ । ବିଜେଡି ସପକ୍ଷରେ ପ୍ରଚାର କରିବ ଓଲିଉଡର ଏକ ବଡ ଟିମ୍ । ଷ୍ଟାର କ୍ୟାମ୍ପେନରଙ୍କ ତାଲିକାର ଶୀର୍ଷରେ ସୁପ୍ରିମୋ ଥିବା ବେଳେ ୨ୟ ସ୍ଥାନରେ ଅଛନ୍ତି ବରିଷ୍ଠମନ୍ତ୍ରୀ ଡକ୍ଟର ଦାମୋଦର ରାଉତ ।
ଏପଟେ ବିଜେପି ପ୍ରାର୍ଥୀଙ୍କ ସପକ୍ଷରେ ପ୍ରଚାର କରିବେ ଦୁଇ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ଜୁଏଲ ଓରାମ । ସିନେ ତାରକାଙ୍କ ଅପେକ୍ଷା ଷ୍ଟାର ନେତାଙ୍କ ଅଧିକ ଗୁରୁତ୍ୱ ଦେଖିବାକୁ ମିଳିଛି ବିଜେପି କ୍ୟାମ୍ପରେ । ଓଲିଉଡ ତାରକା ଶ୍ରୀତମ ଦାସ ଏବଂ ପିଙ୍କି ପ୍ରଧାନ ଷ୍ଟାର କ୍ୟାମ୍ପେନରଙ୍କ ତାଲିକାରେ ସ୍ଥାନ ପାଇଥିଲେ ବି, ଅଭିନେତାଙ୍କ ଅପେକ୍ଷା ନେତାଙ୍କ ଉପରେ ଅଧିକ ଭରସା ରଖିଛି ବିଜେପି । ତେବେ ବିଜେପି ପ୍ରକାଶ କରିଥିବା ୪୦ ଜଣ ଷ୍ଟାର କ୍ୟାମ୍ପେନରଙ୍କ ତାଲିକାରୁ ବାଦ୍ ପଡ଼ିଛନ୍ତି ବରିଷ୍ଠ ବିଜେପି ନେତା ବିଜୟ ମହାପାତ୍ର ଏବଂ ରାଉରକେଲା ବିଧାୟକ ଦିଲ୍ଳୀପ ରାୟ ।
ଏପଟେ ଆଜିଠାରୁ ଆରମ୍ଭ ହୋଇଛି ପଂଚାୟତ ନିର୍ବାଚନର ନାମାଙ୍କନ ପର୍ବ । ବିଜେପିରେ ୯୦ ପ୍ରତିଶତ ଜିଲ୍ଲା ପରିଷଦ ଟିକେଟ ବଂଟା ସରିଥିବା ବେଳେ ବିଜେଡି ପକ୍ଷରୁ ୨୦ ପ୍ରତିଶତ ଜିଲ୍ଲା ପରିଷଦ ପ୍ରାର୍ଥୀ ଟିକେଟ ବଂଟା ଯାଇଥିବା ସୂଚନା ଦିଆଯାଇଛି ।