ବଲାଙ୍ଗୀର ମେଡିକାଲ କଲେଜର ନାଁ ବଦଳି ହେବ ଭୀମଭୋଇ : ଆସନ୍ତାକାଲି ମୁଖ୍ୟମନ୍ତ୍ରୀ କରିବେ ଉଦଘାଟନ
କନକ ବ୍ୟୁରୋ : ଆସନ୍ତାକାଲି ବଲାଙ୍ଗୀରରେ ଭୀମଭୋଇ ମେଡିକାଲ କଲେଜର ଉଦଘାଟନ କରିବେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ । ଦୀର୍ଘ ଦିନର ଦାବି ପୂରଣ ହୋଇଥିବାରୁ ସ୍ଥାନୀୟ ଲୋକଙ୍କ ମଧ୍ୟରେ ମେଡିକାଲ କଲେଜ ଖୋଲିବା ନେଇ ଉତ୍ସାହ ଦେଖାଦେଇଛି । ବିଶେଷ କରି ଭୀମଭୋଇଙ୍କ ନାଁରେ ମେଡିକାଲ କଲେଜ ନାମିତ କରିବା ପାଇଁ ସ୍ଥାନୀୟ ବାସିନ୍ଦା ଦାବି କରିଆସୁଥିଲେ । ଏହା ପୂରଣ ହୋଇଥିବାରୁ ଲୋକଙ୍କ ଖୁସି କହିଲେ ନ ସରେ ।
Kanak News is now on WhatsApp
Join and get latest news updates delivered to you via WhatsApp
ଖାଲି ସେତିକି ନୁହେଁ, ୧୯୯୧ ମସିହାରୁ ଜିଲ୍ଲାରେ ଏହି ମେଡିକାଲ କଲେଜ ସ୍ଥାପନ ପାଇଁ ମଧ୍ୟ ଦାବି ରଖିଥିଲେ ଜିଲ୍ଲାବାସୀ । ପଶ୍ଚିମ ଓଡିଶାରେ ବୁର୍ଲା ମେଡିକାଲ କଲେଜ ପରେ ଆଉ କିଛି ବଡ ମେଡିକାଲ କଲେଜ ନଥିଲା । ଏପରିକି ଭବାନୀପାଟଣା ଲୋକେ ମଧ୍ୟ ବୁର୍ଲା ମେଡିକାଲ କଲେଜ ଉପରେ ନିର୍ଭର କରୁଥିଲେ । ତେବେ ସେଠାରେ ପହଂଚିବା ପାଇଁ ପ୍ରାୟ ୫ଘଂଟା ସମୟ ଲାଗୁଥିଲା । ତେବେ ବଲାଙ୍ଗୀରରେ ଏହି ମେଡିକାଲ କଲେଜ ସ୍ଥାପନ ଦ୍ୱାରା ଲୋକେ କମ ସମୟ ମଧ୍ୟରେ ଏଠାରେ ପହଂଚିପାରିବେ ଏବଂ ଚିକିତ୍ସିତ ହୋଇପାରିବେ ।
