ବିମାନଯାତ୍ରୀଙ୍କ ପାଇଁ ଖୁସିଖବର, ଭୁବନେଶ୍ୱର ବିମାନ ବନ୍ଦରରେ ନୂଆ ପାର୍କିଂ ନୀତି ଲାଗୁ । ଏଣିକି ବ୍ୟକ୍ତିିଗତ ଗାଡି ପାଇଁ ଯାତ୍ରୀଙ୍କୁ ଗଣିବାକୁ ପଡିବନି ପାର୍କିଂ ଫି ।
କନକ ବ୍ୟୁରୋ : ରାଜ୍ୟର ବିମାନଯାତ୍ରୀଙ୍କ ପାଇଁ ଖୁସି ଖବର । ଆଜିଠାରୁ ଭୁବନେଶ୍ୱରର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ନୂଆ କାର ପାର୍କିଂ ନୀତି ଲାଗୁ ହୋଇଛି । ଘରୋଇ ବା ବ୍ୟକ୍ତିଗତ ଗାଡ଼ିଗୁଡ଼ିକ ଯାତ୍ରୀମାନଙ୍କୁ ଏୟାରପୋର୍ଟରେ ଡ୍ରପ କରିବା ଓ ପିକ୍-ଅପ କରିବା ପାଇଁ କୌଣସି ପାର୍କିଂ ଦେୟ ପଡିବ ନାହିଁ । ତେବେ ପାର୍କିଂରେ ଅପେକ୍ଷା କରିବା ପାଇଁ ଆବଶ୍ୟକ ଦେୟ ଲାଗୁ ହେବ । ଏହି ନୂଆ ନୀତି ଆଜି ଅପରାହ୍ନ ୨ଟାରୁ ଲାଗୁ ହୋଇଛି । ଏ ସଂପର୍କରେ ଏୟାରପୋର୍ଟ ପକ୍ଷରୁ ଟ୍ଵିଟ କରି ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପାର୍କିଂ ପାଇଁ ଉଦ୍ଦିଷ୍ଟ ସ୍ଥାନରେ ଗାଡି ରଖିଲେ କେତେ ଟଙ୍କା ଦେବାକୁ ପଡିବ ।
ଭୁବନେଶ୍ୱର ବିମାନ ବନ୍ଦରରେ ଲାଗୁ ହେଲା ନୂଆ ପାର୍କିଂ ନୀତି । ଏଣିକି ଘରୋଇ ଗାଡି ଗୁଡିକୁ ଦେବାକୁ ପଡିବନି ପାର୍କିଂ ଫି । #BhubaneswarAirPort pic.twitter.com/rsGedB37i9
— Kanak News (@kanak_news) April 8, 2019
ଗତ ମାର୍ଚ୍ଚ ୪ ତାରିଖରେ କେନ୍ଦ୍ର ବେସାମରିକ ବିମାନଚଳାଚଳ ରାଷ୍ଟ୍ରମନ୍ତ୍ରୀ ଜୟନ୍ତ ସିହ୍ନା କହିଥିଲେ ଯେ ଏପ୍ରିଲ ୧ରୁ ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେନୂଆ ପାର୍କିଂ ନୀତି ଲାଗୁ ହେବ । ଏହା ଅନୁଯାୟୀ ଘରୋଇ ଗାଡ଼ି ପାଇଁ କୌଣସି ଦେୟ ପଡିବ ନାହିଁ , କିନ୍ତୁ ବ୍ୟବସାୟିକ ଭିତ୍ତିରେ ଚାଲଥିବା ଗାଡି ପାଇଁ ୪୦ ଟଙ୍କା ଲେଖାଏଁ ପାର୍କିଂ ଫି ଆଦାୟ ହେବ । ତେବେ କୌଣସି କାରଣରୁ ଏପ୍ରିଲ ପହିଲାରେ ଏହା ଲାଗୁ ହୋଇପାରିନଥିଲା । କିନ୍ତୁ ଆଜି ଏହାକୁ ଲାଗୁ କରାଯାଇଛି ।