ଓଡିଶା ମାଟିତଳେ ମହଜୁଦ ଅଛି ରନ୍ଧନ ଗ୍ୟାସ୍ : ବଚ୍ଛା ବଚ୍ଛା ୬ଟି ଜିଲ୍ଲାରେ ଓଏନଜିସି କରିବ ସର୍ଭେ
କନକ ବ୍ୟୁରୋ : ଓଡିଶାର ମାଟିତଳେ ଗଛିତ ରହିଛି ପ୍ରାକୃତିକ ଗ୍ୟାସ । ଏଭଳି ଅନୁମାନ କରିଛି ଅଏଲ ଆଣ୍ଡ ନାଚୁରାଲ ଗ୍ୟାସ୍ କର୍ପୋରେସନ ଲିମିଟେଡ୍ । ପାରିପାର୍ଶ୍ୱିକ ସ୍ଥିତି ଓ ଭୈାଗୋଳିକ ଅବସ୍ଥାକୁ ଦେଖି ଏହି ଅନୁମାନ କରିଛି ଓଏନଜିସି । ଖାସ୍ ଏଥିପାଇଁ ୬ଟି ଜିଲ୍ଲାରେ ଓଏନଜିସି ଆରମ୍ଭ କରିବ ସର୍ଭେ କାମ ।
Kanak News is now on WhatsApp
Join and get latest news updates delivered to you via WhatsApp
ଆସନ୍ତା ୧୨ ତାରିଖରେ ବାଲେଶ୍ୱର ଖଇରା ବ୍ଲକର ମାଖନପୁର ପଂଚାୟତ ତରଙ୍ଗାରେ ନ୍ୟାସନାଲ ସେସମିକ ପ୍ରୋଗ୍ରାମ୍ ଆରମ୍ଭ ହେବ । କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମହାନଦୀ ବେସିନରେ ଆରମ୍ଭ କରିବେ ଏହି ସର୍ଭେ କାମ । ରାଜ୍ୟର ପ୍ରାୟ ୬ଟି ଜିଲ୍ଲାରେ ଏହି ସର୍ଭେ କରାଯିବାର ସମ୍ଭାବନା ରହିଛି । ମାଟି ତଳେ ଗ୍ୟାସ୍ ରହିଛି କି ନାହିଁ, ଏହି ସର୍ଭେ କାମ ପରେ ସ୍ପଷ୍ଟ ହେବ ।
ବୈଜ୍ଞାନିକଙ୍କ ଆକଳନ ଅନୁସାରେ, ପାହାଡିଆ ଅଂଚଳ ତଥା ଦୀର୍ଘ ଦିନର ସ୍ଥିତିକୁ ଦେଖିବା ପରେ ପାହାଡ ତଳେ ଗ୍ୟାସ୍ ଥାଇପାରେ । ୧୨ ତାରିଖ ଦିନ ଆରମ୍ଭ ହେବ ସର୍ଭେ କାମ । ପ୍ରଥମେ ଭୁପୃଷ୍ଠରୁ ୩୦ ମିଟର ଖୋଳାଯିବ ଓ ଏହାପରେ ମାଟି ଭିତରେ ବିସ୍ଫୋରଣ କରାଯିବ । ପରବର୍ତୀ ପର୍ଯ୍ୟାୟରେ ବୈଜ୍ଞାନିକ ପଦ୍ଧତିରେ ୫ ରୁ ୮ କିମି ତଳକୁ ମାଟି ତଳେ ଗ୍ୟାସ୍ ରହିଛି କି ନାହିଁ, ତାହା ସ୍ପଷ୍ଟ ହୋଇଯିବ । ଖାଲି ଓଡିଶା ନୁହେଁ, ଅନ୍ୟ କିଛି ପ୍ରାନ୍ତରେ ମଧ୍ୟ ଏଭଳି ପ୍ରକ୍ରିୟା ଆରମ୍ଭ କରିବାକୁ ଯୋଜନା କରିଛି ଓଏନଜିସି ।
ଏହା ସହ ଦେଖନ୍ତୁ ଏହି ଭିଡିଓ –