ବିକାଶ ଆସିବ କୋଟିଆ ହସିବ : ଶିକ୍ଷା, ସ୍ୱାସ୍ଥ୍ୟସେବା ଯୋଗାଇବାକୁ ଜମି ଚିହ୍ନଟ କଲା ଜିଲ୍ଲା ପ୍ରଶାସନ, ଖୁବ ଶୀଘ୍ର ବଦଳିଯିବ ପଛୁଆ ଅଂଚଳର ଚିତ୍ର
କନକ ବ୍ୟୁରୋ : କୋଟିଆରେ ଆନ୍ଧ୍ରର ଅନୁପ୍ରବେଶ ଓ ଦାଦାଗିରିକୁ ନେଇ ତତ୍ପରତା ଦେଖାଇଛନ୍ତି ରାଜ୍ୟ ସରକାର । କୋଟିଆରେ ସ୍କୁଲ, ଥାନା, ୧୦ ଶଯ୍ୟା ବିଶିଷ୍ଟ ମେଡିକାଲ ଓ ଏକ ଟାୱାର ବସାଇବାକୁ ଜମି ଚିହ୍ନଟ କରିଛି ଜିଲ୍ଲା ପ୍ରଶାସନ । କୋରାପୁଟ ଉପଜିଲ୍ଳାପାଳ, ପଟାଙ୍ଗୀ ବିଡ଼ିଓ, ତହସିଲଦାର, ଆରଆଇ ସହ ଅନ୍ୟାନ୍ୟ ଅଧିକାରୀ ଜାଗା ଚିହ୍ନଟ କରି ଫେରିଛନ୍ତି । ଏହି ରିପୋର୍ଟକୁ ରାଜ୍ୟସରକାରଙ୍କୁ ପଠାଯିବ, ଅନୁମତି ମିଳିବା ପରେ ଆରମ୍ଭ ହେବ କାମ ।
Kanak News is now on WhatsApp
Join and get latest news updates delivered to you via WhatsApp
ପଟାଙ୍ଗୀ ବ୍ଳକ କୋଟିଆ ପଚାଂୟତର ୨୧ ଗାଁକୁ ଆନ୍ଧ୍ର ନିଜର ଦାବି କରି ଲୋକଙ୍କୁ ଆପଣାର କରିବା ପାଇଁ ମନଲୋଭାଣିଆ କାମ କରି ଚାଲିଛି । ଏହାକୁ ଦୃଷ୍ଟିରେ ରଖିି ରାଜ୍ୟ ସରକାର କୋଟିଆର ବିକାଶ ପାଇଁ ୧୫୦କୋଟି ଟଙ୍କାର ପ୍ୟାକେଜ ଘୋଷଣା କରିଛନ୍ତି । ଏହି ଅର୍ଥରେ ରାସ୍ତା ଠାରୁ ଆରମ୍ଭ କରି ପାନୀୟ ଜଳ, ମେଡ଼ିକାଲ ଓ ପିଲାଙ୍କ ପାଠ ପଡ଼ିବା ପାଇଁ ସ୍କୁଲ ଗୃହ ନିର୍ମାଣ ସହ ଏକ କ୍ଳଷ୍ଟର ନିର୍ମାଣ କରାଯିବ । ରାସ୍ତା କାମ ଆଗେଇ ଚାଲିଥିବା ବେଳେ ଅନ୍ୟାନ୍ୟ କାମ ଧିର ମନ୍ଥର ଗତିରେ ଚାଲିଛି ।
କୋଟିଆ ପଚାଂୟତର ୭ରୁ ୧୧ଟି ଗାଁକୁ ଆନ୍ଧ୍ରପ୍ରଦେଶ ନିଜ ଅଂଚଳ ଦାବି କରୁଛି । ସେହିଁ ଗାଁର ଲୋକଙ୍କୁ ଆଧାର କାର୍ଡ଼, ଭତ୍ତା ବଂଟନ କରିବା ସହ ସେଠାରେ ରାସ୍ତା ନିର୍ମାଣ ମଧ୍ୟ କରୁଛି ଆନ୍ଧ୍ର ।