ଓଡିଶା ଛାତିରେ ‘ବିହାର’ ଛନକା: ଲ୍ୟାବ୍ ଯିବ ଲିଚୁ, ମୃତ୍ୟୁ ଆଣୁଥିବା ମିଠା ଲିଚୁର ନମୂନା ସଂଗ୍ରହ ପାଇଁ ସ୍ୱାସ୍ଥ୍ୟମନ୍ତ୍ରୀଙ୍କ ନିର୍ଦ୍ଦେଶ
ମୃତ୍ୟୁର ନାଁ ମିଠା ଲିଚୁ...
କନକ ବ୍ୟୁରୋ: ବିହାର ବଢାଇଲା ଚିନ୍ତା । ବିହାରର ମୁଜାଫରପୁର ମୃତ୍ୟୁର ଉପତ୍ୟକା ପାଲଟିବା ପରେ ଏବେ ସମସ୍ତଙ୍କ ଛାତିରେ ଛନକା । ମହାମାରୀ ମାରାତ୍ମକ ରୋଗ ଜାପାନୀ ଜ୍ୱରରେ ୧୦୯ ଜଣ ଶିଶୁଙ୍କ ଜୀବନ ଯିବା ପରେ ସତର୍କ ହୋଇଛି ଓଡିଶା । ସତର୍କ ହୋଇଛି ରାଜ୍ୟ ସ୍ୱାସ୍ଥ୍ୟ ବିଭାଗ । ଶିଶୁମୃତ୍ୟୁ ପାଇଁ ଲିଚୁ ମୁଖ୍ୟ କାରଣ ପାଲିଚିଛି । ଲିଚୁରେ ଏନସେଫାଲାଇଟିସ ଅଧିକ ମାତ୍ରାରେ ବ୍ୟାପୁଥିବାରୁ ଓଡିଶା ସ୍ୱାସ୍ଥ୍ୟ ବିଭାଗ ସେଥିପ୍ରତି ସତର୍କ ରହିଛି । ଓଡିଶା ବଜାରରେ ବିକ୍ରି ହେଉଥିବା ଲିଚୁ ବିଷାକ୍ତ କି ନୁହେଁ ତାହାର ପରୀକ୍ଷା ପାଇଁ ନିର୍ଦ୍ଦେଶ ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ଓଡିଶା ବଜାରରେ ବିକ୍ରି ହେଉଥିବା ଲିଚୁରେ ବିଷର ପରିମାଣ ଅଛି କି ନାହିଁ ତାହାର ଏକ ନମୂନା ସଂଗ୍ରହ କରି ପରୀକ୍ଷା କରିବାକୁ ଖାଦ୍ୟ ସୁରକ୍ଷା କମିଶନଙ୍କୁ ନିର୍ଦ୍ଦେଶ ଦେଇଛନ୍ତି ସ୍ୱାସ୍ଥ୍ୟମନ୍ତ୍ରୀ ନବ କିଶୋର ଦାସ । ନମୂନା ପରୀକ୍ଷା କରି ମଣିଷ ଦେହରେ ଏହା ଖରାପ ପ୍ରଭାବ ପକାଇବ କି ନାହିଁ ତାହା ଜଣାଇବାକୁ ନିର୍ଦ୍ଦେଶ ଦେଇଛନ୍ତି ନବ ଦାସ ।
ତେବେ ବିହାରରେ ଜାପାନୀ ଜ୍ୱରରେ କଅଁଳ କଢ଼ି ଝଡିପଡିବା ପରେ ଖାଲି ହେଉଛି ମାଆ କୋଳ । ଦଶମାସ ଦଶଦିନ ଗର୍ଭରେ ଧରି ଅନେକ କଷ୍ଟ ଅନେକ ଯନ୍ତ୍ରଣା ପାଇ ପିଲାଟିକୁ ଜନ୍ମ ଦେଇଥିବା ମାଆ ତା ପିଲାକୁ ହରାଉଛି । ମାଆର ଆଖି ଆଗରୁ ଛୁଆର ଜୀବନ ନେଇଯାଉଛି ଜାପାନୀ ଯମ । ତେବେ ଲିଚୁ ଖାଇ ଏଯାବତ ୧୦୯ ଶିଶୁଙ୍କ ଜୀବନ ଦୀପ ଲିଭି ଯାଇଥିଲେ ବି ଏଯାଏଁ ନିଦରେ ଶୋଇ ରହିଛନ୍ତି ନୀତିଶ ସରକାର । ବିହାରର ଏଭଳି ସ୍ଥିତିରେ ଓଡିଶା ସମେତ ସାରା ଦେଶ ଛାନିଆ ହୋଇଛି ଆଉ ଆଗୁଆ ପଦକ୍ଷେପ ନେଇଛି ।