କନକ ବ୍ୟୁରୋ : ଶତ୍ରୁର ଶତ୍ରୁ ମିତ୍ର । ବିଜେପିକୁ କ୍ଷମତାରୁ ଦୂରେଇ ରଖିବାରେ ସମର୍ଥ ହୋଇଥିବା କଂଗ୍ରେସ-ଜେଡିଏସ ମେଂଟର ମୁଖ୍ୟମନ୍ତ୍ରୀ ଏଚଡି କୁମାରସ୍ୱାମୀ ଆସନ୍ତାକାଲି ଶପଥ ନେବାକୁ ଯାଉଥିବାବେଳେ ଏହି ଉତ୍ସବରେ ଯୋଗଦେବେ ଅଖିଳେଶ ଓ ମାୟାବତୀ ।

ଉତ୍ତରପ୍ରଦେଶରେ ଦୀର୍ଘ ଦିନଧରି ପରସ୍ପରର ବିରୋଧୀ ଭାବେ ଜଣାଶୁଣା ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଓ ବିଏସପି ସୁପ୍ରିମୋ ମାୟାବତୀ ଏକାଠି ହେବା ଜାତୀୟ ରାଜନୈତିକ ସମୀକରଣରେ ବଦଳୁଥିବା ଚିତ୍ର ଆଡକୁ ସଂକେତ ଦେଉଛି । କାରଣ ଶପଥ ସମାରୋହରେ ଏକାଠି ଗୋଟିଏ ମଂଚରେ ବସିବେ ଅଖିଳେଶ ଓ ମାୟାବତୀ । ୨୦୧୯ ସାଧାରଣ ନିର୍ବାଚନ ପୂର୍ବରୁ ଅଣବିଜେପି ଦଳଗୁଡିକ ଏକାଠି ହୋଇ ବିଜେପିର ବିଜୟଧାରାରେ ବ୍ରେକ ଲଗାଇବାକୁ ମିଳିତ ହୋଇ ରଣନୀତି ପ୍ରସ୍ତୁତ କରିବେ ।