ଭୁବନେଶ୍ୱରରେ ପହଞ୍ଚିଲେ ନିର୍ବାଚନ କମିଶନଙ୍କ ୬ ଜଣିଆ ଟିମ୍ ! ନିର୍ବାଚନ ପ୍ରସ୍ତୁତି ସ୍ତର ଓ ସ୍ଥିତାବସ୍ଥାର କରିବେ ସମୀକ୍ଷା ।
କନକ ବ୍ୟୁରୋ : ୨୦୧୯ ନିର୍ବାଚନ ପାଇଁ ରାଜନୈତିକ ଦଳ ଗୁଡିକ ପକ୍ଷରୁ ପ୍ରସ୍ତୁତି ଆରମ୍ଭ ହୋଇସାରିଥିବା ବେଳେ ନିର୍ବାଚନ ପ୍ରସ୍ତୁତି ସମୀକ୍ଷା ପାଇଁ ଓଡିଶାରେ ପହଞ୍ଚିଛନ୍ତି ନିର୍ବାଚନ କମିଶନଙ୍କ ଟିମ୍ । ରାଜଧାନୀ ଭୁବନେଶ୍ୱରରେ ପହଞ୍ଚିଛନ୍ତି ନିର୍ବାଚନ କମିଶନଙ୍କ ଟିମ୍ । ୩ ଦିନିଆ ଓଡିଶାଗସ୍ତରେ ଆସିଛନ୍ତି ନିର୍ବାଚନ କମିଶନଙ୍କ ୬ ଜଣିଆ ଟିମ୍ । ମୁଖ୍ୟ ନିର୍ବାଚନ କମିଶନର ଅଶୋକ ଲାଭାସାଙ୍କ ନେତୃତ୍ୱରେ ଏହି ଟିମ୍ ଓଡିଶା ଆସିଛନ୍ତି । ଏପ୍ରିଲ ମାସରେ ଓଡିଶାରେ ନିର୍ବାଚନ ହେବ ବୋଲି ଚର୍ଚ୍ଚା ହେଉଥିବା ବେଳେ ରାଜ୍ୟରେ ନିର୍ବାଚନ ପାଇଁ ପ୍ରସ୍ତୁତିର ସମୀକ୍ଷା କରିବେ ନିର୍ବାଚନ କମିଶନଙ୍କ ଟିମ୍ ।
Kanak News is now on WhatsApp
Join and get latest news updates delivered to you via WhatsApp
ତେବେ ସାଧାରଣ ନିର୍ବାଚନ ଯେତିକି ପାଖେଇ ପାଖେଇ ଆସୁଛି, ରାଜନୈତିକ ଦଳ ଗୁଡିକ ମଧ୍ୟରେ ସେତିକି ଉଷ୍ମତା ପରିଲକ୍ଷିତ ହେଉଛି । ବିଶେଷ କରି ଓଡିଶାରେ ହେବାକୁ ଯାଉଥିବା ତ୍ରିମୁଖୀ ଲଢେଇ ପାଇଁ ରାଜନୈତିକ ଅଙ୍କକଷା ଆରମ୍ଭ ହୋଇଯାଇଛି । ଆଉ ଏହାରି ଭିତରେ ନିର୍ବାଚନ କିଭଳି ସୂଚାରୁରୂପେ ହୋଇପାରିବ ସେନେଇ ପ୍ରସ୍ତୁତି ସମୀକ୍ଷା କରିବା ପାଇଁ ଓଡିଶାରେ ପହଞ୍ଚି ସାରିଛନ୍ତି ନିର୍ବାଚନ କମିଶନଙ୍କ ୬ ଜଣିଆ ଟିମ୍ । ତେବେ ଭୁବନେଶ୍ୱରରେ ପହଞ୍ଚିବା ପରେ ନିର୍ବାଚନ କମିଶନ ଗଣମାଧ୍ୟମ ଆଗରେ ପ୍ରତିକ୍ରିୟା ରଖିଛନ୍ତି । ନିର୍ବାଚନ ପ୍ରସ୍ତୁତିର ସ୍ତର ଓ ସ୍ଥିତାବସ୍ଥାର ସମୀକ୍ଷା ପାଇଁ ଓଡିଶା ଆସିଥିବା ସେ କହିଛନ୍ତି । ନିର୍ବାଚନ କମିସନ ଅଶୋକ ଲାଭାସାଙ୍କ ନେତୃତ୍ୱରେ ଉପ-ନିର୍ବାଚନ କମିସନର ଚନ୍ଦ୍ରଭୂଷଣ କୁମାର, ଡିକେ ଶର୍ମା (ଡିଜି, ବ୍ୟୟ), ଶ୍ରୀମତୀ ସେଫାଳୀ ଶରଣ (ଏଡିଜି, ପିଆଇବି), ନିଖିଳ କୁମାର (ନିର୍ଦ୍ଦେଶକ), ରାକେଶ କୁମାର (ସଚିବ) ଭୁବନେଶ୍ୱର ଆସିଛନ୍ତି ।