କନକ ବ୍ୟୁରୋ : ଚାଷ ଓ ଚାଷୀକୁ ନେଇ ଆଜି ରାଜଧାନୀରେ ହାଇପ୍ରୋଫାଇଲ ଡ୍ରାମା ଦେଖାଇଥିଲେ ତିନି ପ୍ରମୁଖ ରାଜନୈତିକ ଦଳ । ଗୋଟିଏ ପଟେ ଚାଷ ଓ ଚାଷୀ ପ୍ରସଙ୍ଗକୁ ନେଇ ହଙ୍ଗାମା ଚାଲିଥିବା ବେଳେ ଆଉ ଗୋଟିଏ ପଟେ ବିବାଦୀୟ ବୟାନ ରଖିଛନ୍ତି କୃଷିମନ୍ତ୍ରୀ ଡାକ୍ତର ଦାମୋଦର । କହିଛନ୍ତି, ସେ ଚଷାର ଔରସରୁ ଏବଂ ଜଣେ ଚାଷୁଣୀର ଗର୍ଭରୁ ଜନ୍ମ ହୋଇଛନ୍ତି । ବିଜେପି ଆଡକୁ ଇଙ୍ଗିତ କରି କହିଛନ୍ତି, ଯେଉଁମାନେ ବେପାରୀଙ୍କ ଓøରସରୁ ଏବଂ ବେପାରୀଙ୍କ ଗର୍ଭରୁ ଜନ୍ମ ହୋଇଛନ୍ତି, ସେମାନେ ଚାଷୀଙ୍କ ମର୍ମବେଦନା ବୁଝିବେ କେମିତି ।
Kanak News is now on WhatsApp
Join and get latest news updates delivered to you via WhatsApp
ଏହାସହ ଚାଷୀ ଆତ୍ମହତ୍ୟା ପ୍ରସଙ୍ଗରେ ବିଜେପିକୁ ଟାର୍ଗେଟ କରି କହିଥିଲେ, ମୁଁ କୃଷିମନ୍ତ୍ରୀ ଅଛି ।ମୋ ସହ ଭେଟି ଆଲୋଚନା କରୁନାହାନ୍ତି । ଏଭଳି କହି ଚର୍ଚ୍ଚାର ପରିସରକୁ ଆସିଛନ୍ତି । । ଠିକ ଯେମିତି ଅତୀତରେ ଚାଷୀ ଆତ୍ମହତ୍ୟା ପ୍ରସଙ୍ଗକୁ ବାଏଁ ବାଏଁ ଉଡେଇ ଦେଇଥିଲେ ଦାମ ବାବୁ, ଠିକ ସେଭଳି ନିଜ ବିବାଦୀୟ ବୟାନ ଜରିଆରେ ଗୁରୁତ୍ୱପୁର୍ଣ୍ଣ ପ୍ରସଙ୍ଗରୁ ନଜର ହଟାଇବାର ତରିକା ବୁଝିଗଲେଣି ଏହି ଅଭିଜ୍ଞ ମନ୍ତ୍ରୀ ।