ରାଜଧାନୀର ରାଜରାସ୍ତାରେ ହୁ ହୁ ହୋଇ ଜଳିଲା କାର । ଅଳ୍ପକେ ବର୍ତ୍ତିଗଲେ ୪ ଯାତ୍ରୀ
କନକ ବ୍ୟୁରୋ : ରାଜଧାନୀର ରାଜରାସ୍ତା ଉପରେ ହୁତୁହୁତ ହୋଇ ଜଳିଲା କାର୍ । ଆଉ ରାସ୍ତା ଉପରେ କାରକୁ ଜଳୁଥିବାର ଦେଖି ଆଶ୍ଚର୍ଯ୍ୟ ହୋଇ ଯାଇଥିଲେ ରାସ୍ତାରେ ଯାଉଥିବା ଲୋକ । ତେବେ କାର ଜଳି ଯାଇଥିଲେ ମଧ୍ୟ ଏଥିରେ ଥିବା ୪ ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ଆଜି ସନ୍ଧ୍ୟାରେ ନାଲକୋ ଛକ ପାଖ ଏକ ହୋଟେଲ ସାମ୍ନାରେ ହ୍ୟୁଣ୍ଡାଇ ସିଟିର ଏକ କାର ଯାଉଥିବା ବେଳେ କୌଣସି ଯାନ୍ତ୍ରିକ ତ୍ରୁଟି କାରଣରୁ ହଠାତ ଏଥିରେ ନିଆଁ ଲାଗି ଯାଇଥିଲା । ହଠାତ୍ କାରରେ ନିଆଁ ଲାଗିବା ଫଳରେ କିଛି ସମୟ ତାଜୁବ ହୋଇଯାଇଥିଲେ ଅନ୍ୟ ଲୋକ ମାନେ । ତେବେ କାରରେ ଥିବା ଯାତ୍ରୀ ମାନେ ନିଆଁ ଲାଗିବା କ୍ଷଣି କାରରୁ ଓହ୍ଲାଇ ପଡି ଜୀବନ ରକ୍ଷା କରିଥିଲେ ।
ରାସ୍ତା ମଝିରେ କାରଟି ହୁ ହୁ ହୋଇ ଜଳୁଥିବାରୁ ଦୀର୍ଘ ସମୟ ଧରି ରାସ୍ତା ଜାମ ହୋଇଥିଲା । ରାସ୍ତାର ଦୁଇ ପାଶ୍ୱର୍ରେ ଶହ ଶହ ଗାଡି ଛିଡା ହୋଇ ରହିଥିଲା । ଫଳରେ କିଛି ସମୟ ପାଇଁ ଟ୍ରାଫିକ ସମସ୍ୟା ଦେଖିବାକୁ ମିଳିଥିଲା । ତେବେ ପରେ ଅଗ୍ନିଶମ ବିଭାଗର କର୍ମଚାରୀ ଘଟଣାସ୍ଥଳରେ ପହଞ୍ଚି କାରରୁ ଲିଭାଇଥିଲେ । ପରେ ସ୍ୱାଭାବିକ ଭାବେ ଗାଡି ଚଳାଚଳ କରିଥିଲା ।