ନଡାରୁ ଉତ୍ପାଦିତ ହେବ ଜୈବ ଇନ୍ଧନ ! ଓୟୁଏଟି ଓ ବିପିସିଏଲ୍ ମଧ୍ୟରେ ବୁଝାମଣା ସ୍ୱାକ୍ଷରିତ
କନକ ବ୍ୟୁରୋ: ଓଡିଶା କୃଷି ଓ ବୈଷୟିକ ବିଶ୍ୱବିଦ୍ୟାଳୟ – ଓୟୁଏଟି ଜୈବ ଇନ୍ଧନ ଉପରେ କରିବ ଅଧିକ ଗବେଷଣା । ଏନେଇ ଆଜି ଓୟୁଏଟି ଓ ଭାରତ ପେଟ୍ରୋଲିଅମ କର୍ପୋରେସନ ଲିମିଟେଡ୍- ବିପିସିଏଲ ମଧ୍ୟରେ ବୁଝାମଣାପତ୍ର ସ୍ୱାକ୍ଷରିତ ହୋଇଛି । ଜୈବ ଇନ୍ଧନକୁ ପ୍ରୋତ୍ସାହନ କରିବା ପାଇଁ ଏହି ଚୁକ୍ତି ସ୍ୱାକ୍ଷରିତ ହୋଇଛି । ନଡାରୁ କିପରି ଇନ୍ଧନ ପ୍ରସ୍ତୁତ ହୋଇପାରିବ ସେନେଇ ଗବେଷଣା କରିବ ଓୟୁଏଟି । ଏନେଇ ୫ କୋଟି ଟଙ୍କା ସହାୟତା ଦେବ ବିପିସିଏଲ ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ପ୍ରଚୁର ପରିମାଣର ନଡା ଉତ୍ପାଦନ ହେଉଥିବା ବେଳେ ଏହାର ସୁବିନିଯୋଗ ଏବଂ ଚାଷୀଙ୍କ ରୋଜଗାର ବୃଦ୍ଧି ଦୃଷ୍ଟିରୁ ଏହି ପ୍ରକଳ୍ପ ଗୁରୁତ୍ୱପୂର୍ଣ୍ଣ । ସେହିପରି ଏନେଇ ବରଗଡ ଠାରେ ବିପିସିଏଲ ସାଢେ ୭ କୋଟି ଟଙ୍କା ବ୍ୟୟରେ ଏକ କାରଖାନା ମଧ୍ୟ ପ୍ରତିଷ୍ଠା ହେଉଛି ବୋଲି ଏହି ଅବସରରେ ଉପସ୍ଥିତ ଥିବା କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି । କେବଳ ଧାନର ସର୍ବନିମ୍ନ ସହାୟକ ବୃଦ୍ଧି ଚାଷୀର ଆର୍ଥିକ ମାନଦଣ୍ଡକୁ ବଢାଇବ ନାହିଁ, କୃଷିସଂପର୍କୀତ ଅଧିକ ରୋଜଗାର ବାଟ ଖୋଲିବା ଜରୁରୀ ବୋଲି ସେ କହିଛନ୍ତି ।