ଅଫିସର ଦେଲେ ମହିଳା କର୍ମଚାରୀଙ୍କୁ ନିର୍ଯ୍ୟାତନା : ବ୍ରହ୍ମପୁର ଆରପିଓଙ୍କ ବିରୋଧରେ ଆସିଲା ସଙ୍ଗୀନ ଅଭିଯୋଗ
ବ୍ରହ୍ମପୁର ବ୍ୟୁରୋ, କନକ ନ୍ୟୁଜ୍ : କାର୍ଯ୍ୟାଳୟରେ ମହିଳା କର୍ମଚାରୀଙ୍କୁ ଅଫିସରଙ୍କ ନିର୍ଯ୍ୟାତନା । ଏହି ଅଭିଯୋଗ ଆସିଛି ବ୍ରହ୍ମପୁରର ଆରପିଓଙ୍କ କାର୍ଯାଳୟରୁ । ଏହି କାର୍ଯ୍ୟାଳୟର ଅଧିକାରୀଙ୍କ ନାଁରେ ଆସିଛି ଏହି ସଙ୍ଗୀନ ଅଭିଯୋଗ । ସେହି ବିଭାଗରେ କାର୍ଯ୍ୟରତ ମହିଳା ଷ୍ଟେନୋଙ୍କୁ ଅସଦାଚରଣ ଓ ଶୋଷଣ କରିଥିବା ଅଭିଯୋଗ ହୋଇଛି । ମହିଳାଙ୍କୁ ବିଭିନ୍ନ ସମୟରେ ଆରପିଓ ହେମନ୍ତ କର ମନ୍ଦ ଉଦ୍ଦେଶ୍ୟ ରଖି ଇଙ୍ଗିତ କରିବା ସହ ଦୁର୍ବ୍ୟବହାର କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଗତ ୫ତାରିଖରେ ମହିଳା ଷ୍ଟେନୋ ଜଣକ ତାଙ୍କ ଚାମ୍ବରରେ କାମ କରୁଥିବା ବେଳେ ଆରପିଓ ହେମନ୍ତ କରଙ୍କ ବ୍ୟବହାର ସୀମା ଟପି ଯାଇଥିଲା । ପ୍ରତିବାଦ କରିବାରୁ ସମ୍ପୃକ୍ତ ଅଧିକାରୀ ମହିଳା ଷ୍ଟେନୋଙ୍କୁ ଗାଳିଗୁଳଜ କରିବା ସହ ତାଙ୍କ ମୁଣ୍ଡକୁ କାନ୍ଥରେ ପିଟି ଦେଇଥିଲେ ।
ସବୁଠୁ ବଡ କଥା ହେଉଛି ଗତ ୫ତାରିଖରେ ପୁଲିସ ନିକଟରେ ସଂପୃକ୍ତ ମହିଳା ଅଭିଯୋଗ କରିବା ପରେ ବି ମାମଲା ରୁଜୁ କରିନଥିଲା ପୁଲିସ । । ମାମଲା ରୁଜୁ ନହେବାରୁ ମହିଳା ଜଣଙ୍କ ଆରଟିଆଇରେ ମାମଲା ସମ୍ପର୍କରେ ତଥ୍ୟ ମାଗିଥିଲେ । ଏହା ପରେ ଦୀର୍ଘ ୧୬ଦିନ ପରେ ବୈଦ୍ୟନାଥପୁର ପୁଲିସ ଏକ ମାମଲା ରୁଜୁ କରିଛି ।