କନକ ବ୍ୟୁରୋ : ଭାରତୀୟ ସେନାର ପାକିସ୍ତାନକୁ କଡା ଜବାବ । ପାକିସ୍ତାନର ଅସ୍ତ୍ରବିରତି ଉଲଂଘନର ଜବାବ ଦେଇଛି ଭାରତୀୟ ସେନା । ଏଲଓସି ନିକଟସ୍ଥ କେରନ ସେକ୍ଟରରେ ଥିବା ୪ଟି ପାକ୍ ସେନା ଶିବିରକୁ ଧ୍ୱଂସ କରିଦେଇଛନ୍ତି ଭାରତୀୟ ଯବାନ । ଏହି ଆକ୍ରମଣରେ ୨୦ରୁ ଉର୍ଦ୍ଧ ପାକ୍ ସେନା ନିହତ ହୋଇଥିବା ସେନା ପକ୍ଷରୁ କୁହାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପାକିସ୍ତାନ ଲଗାତାର ଭାବରେ ସୀମାରେ ଅସ୍ତ୍ର ବିରତି ଉଲଂଘନ କରି ଭାରତୀୟ ସେନା ଶିବିର ଉପରକୁ ଗୁଳି ମାଡ କରୁଛି । ଏହାର ଜବାବରେ ପାକ୍ ସାମରିକ ଶିବିରକୁ ଟାର୍ଗେଟ କରିଥିଲା ଭାରତୀୟ ସେନା । ଶନିବାର ମଛଲି ସେକ୍ଟରେ ପାକ୍ ପଟରୁ ହୋଇଥିବା ଗୁଳି ମାଡରେ ଜଣେ ଭାରତୀୟ ଯବାନ ସହିଦ ହୋଇଥିଲେ ।
ସେହିପରି ଶୁକ୍ରବାର ଏଲଓସି ନିକଟସ୍ଥ କେରନ ସେକ୍ଟରରେ ଜଣେ ଯବାନଙ୍କୁ ହତ୍ୟା କରିଥିଲେ ପାକ୍ ଆତଙ୍କବାଦୀ । ହତ୍ୟା ପରେ ଯବାନଙ୍କ ମୃତ ଦେହକୁ କ୍ଷତ ବିକ୍ଷତ କରିପକାଇଥିଲେ ଆତଙ୍କବାଦୀ । ସହିଦଙ୍କ କ୍ଷତବିକ୍ଷତ ଶବ ଉଦ୍ଧାର ପରେ ଭାରତୀୟ ସେନା ପକ୍ଷରୁ କୁହାଯାଇଥିଲା ଏହି ବର୍ବରତାର ଦୃଢ଼ ଜବାବ ଦିଆଯିବ । ଅକ୍ଟୋବର ୨୫ରେ ମଧ୍ୟ ଭାରତୀୟ ସେନା ସୀମାରେ ପାକର ୭ଟି ସେନା ଶିବିରକୁ ଧ୍ୱଂସ କରିଥିଲା ।