ଶୁଭେନ୍ଦୁ ଗଡରୁ ଲଢିବେ ମମତା । ନନ୍ଦିଗ୍ରାମ ନିର୍ବାଚନମଣ୍ଡଳୀରୁ ଲଢିବା ନେଇ ଘୋଷଣା କଲେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ।
କନକ ବ୍ୟୁରୋ: ନନ୍ଦିଗ୍ରାମରୁ ଲଢିବେ ମମତା ବାନାର୍ଜୀ । ଆଗାମୀ ବିଧାନସଭା ନିର୍ବାଚନରେ ନନ୍ଦିଗ୍ରାମ ଆସନରୁ ଲଢିବେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା । ପଶ୍ଚିମବଙ୍ଗ ବିଧାନସଭା ନିର୍ବାଚନକୁ ଆଉ ୩ରୁ ୪ ମାସ ବାକି ଥିବା ବେଳେ ମମତାଗଡରେ ଆରମ୍ଭ ହୋଇଗଲାଣି ମହାପ୍ରସ୍ତୁତି । କୁରୁକ୍ଷେତ୍ରରେ କଡା ଟକ୍କର ଦେବାକୁ ବିଭିନ୍ନ ଦଳର ରଣନୀତି ପ୍ରସ୍ତୁତ ହେଉଥିବା ବେଳେ ବିଜେପି ଓ ଟିଏମସି ପକ୍ଷରୁ ଆରମ୍ଭ ହୋଇଛି ମାରାଥନ ଜନସଭା । ବିଭିନ୍ନ ସ୍ଥାନରେ ରାଜନୈତିକ ସଭା କରି ଲୋକଙ୍କୁ ନିଜ କଥା କହୁଥିବା ବେଳେ ଆଜି ନନ୍ଦିଗ୍ରାମରେ ଏକ ବିଶାଳ ସଭା କରି ଉକ୍ତ ଆସନରୁ ସେ ଛିଡା ହେଉଥିବା ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ମମତା ।
Kanak News is now on WhatsApp
Join and get latest news updates delivered to you via WhatsApp
ତେବେ ସବୁଠାରୁ ବଡକଥା ହେଉଛି ସଜସଜ ଟିଏମସିକୁ ଟାଟା କରି ବିଜେପିରେ ମିଶିଥିବା ଟିଏମସିର ପୁରୁଖା ନେତା ଶୁଭେନ୍ଦୁ ଅଧିକାରୀଙ୍କ ଗଡରୁ ଲଢିବେ ମମତା । ୨୦୧୬ରେ ଟିଏମସି ପ୍ରାର୍ଥୀ ଭାବେ ଜିତିଥିଲେ ଶୁଭେନ୍ଦୁ । ମାତ୍ର ଗତ ଡିସେମ୍ବର ୧୯ରେ ମମତାଙ୍କ ହାତ ଛାଡି ବିଜେପି ଯାଇଛନ୍ତି ଶୁଭେନ୍ଦୁ । ଆଉ ଖୋଦ ମମତା ଉକ୍ତ ଆସନରୁ ଏଥର ଲଢେଇ ଲଢିବେ ବୋଲି ଘୋଷଣା କରିଛନ୍ତି ।
ସେପଟେ ନନ୍ଦିଗ୍ରାମ ତାଙ୍କ ପ୍ରିୟ ଆସନ ବୋଲି କହିବା ପରେ ପ୍ରାର୍ଥୀ ହେବା ନେଇ ଘୋଷଣା କରିଛନ୍ତି ମମତା । ତେବେ ଭବାନୀପୁର ମମତାଙ୍କ ବର୍ତ୍ତମାନର ନିର୍ବାଚନମଣ୍ଡଳୀ ଥିବା ବେଳେ ସେ ଉଭୟ ନନ୍ଦିଗ୍ରାମ ଓ ଭବାନୀପୁରରୁ ଲଢିପାରନ୍ତି ବୋଲି ସୂଚନା ଦେଇଛନ୍ତି ।