ଶ୍ରୀଲଙ୍କାରେ ନିଷିଦ୍ଧ ହେବ ବୁର୍ଖା ପରିଧାନ । ଇସଲାମୀୟ ଶିକ୍ଷାନୁଷ୍ଠାନକୁ ବି ବନ୍ଦ କରିବେ ଶ୍ରୀଲଙ୍କା ସରକାର ।
କନକ ବ୍ୟୁରୋ: ଶ୍ରୀଲଙ୍କାରେ ନିଷିଦ୍ଧ ହେବ ବୁର୍ଖା ପରିଧାନ । ମସୁଲିମ ମହିଳା ମାନେ ପରିଧାନ କରୁଥିବା ବୁର୍ଖାକୁ ଦେଶର ସୁରକ୍ଷା ଦୃଷ୍ଟିରୁ ଶ୍ରୀଲଙ୍କା ସରକାର ନିଷିଦ୍ଧ କରିବେ ବୋଲି କହିଛନ୍ତି । ସେହିପରି ଦେଶରେ ଥିବା ହଜାରେରୁ ଅଧିକ ଇସଲାମୀୟ ଶିକ୍ଷାନୁଷ୍ଠାନ ବା ମଦ୍ରାସାକୁ ମଧ୍ୟ ବନ୍ଦ କରାଯିବ ବୋଲି ଶ୍ରୀଲଙ୍କାର ସର୍ବସାଧାରଣ ସୁରକ୍ଷା ମନ୍ତ୍ରୀ ଶରତ ବୀରଶେଖରା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପରିକି ପୂର୍ବରୁ ଦେଶରେ କୌଣସି ମୁସଲିମ ମହିଳା କି ଯୁବତୀ ଏପରି ବୁର୍ଖା ପିନ୍ଧୁନଥିବା ବେଳେ ଏହି ପ୍ରଥା ଏବେ କଠୋର ଧାର୍ମିକ ପ୍ରଥା ଭାବେ ଉଭା ହୋଇଛି । ତେବେ ଜାତୀୟ ସୁରକ୍ଷା କାରଣରୁ ତାହାକୁ ତୁରନ୍ତ ନିଷିଦ୍ଧ କରିବାକୁ କ୍ୟାବିନେଟ ମଂଜୁରୀ କରିଛି ବୋଲି ମନ୍ତ୍ରୀ ଶରତ ବୀରଶେଖରା କହିଛନ୍ତି । ସେହିପରି ଦେଶରେ ଯିଏ ଯେଉଁଠି ଯାହା ଚାହିଁଲା ନିଜ ପିଲାଙ୍କୁ ପଢାଇ ପାରିବ ବୋଲି ମଧ୍ୟ ସୂଚନା ଦେଇଛନ୍ତି ମନ୍ତ୍ରୀ । ତେଣୁ ଜାତୀୟ ଶିକ୍ଷା ନୀତି ଆଧାରରେ ମଦ୍ରାସା ଗୁଡିକୁ ମଧ୍ୟ ବନ୍ଦ କରାଯିବ ବୋଲି କହିଛନ୍ତି ।