କନକ ବ୍ୟୁରୋ: ପିଓକେ ପାଇଁ ସ୍ୱାଧୀନ ଭାରତର ପ୍ରଥମ ପ୍ରଧାନମନ୍ତ୍ରୀ ଜବାହରଲାଲ ନେହେରୁଙ୍କୁ ଦୋଷ ଦେଲେ କେନ୍ଦ୍ର ମନ୍ତ୍ରୀ ତଥା ଅବସରପ୍ରାପ୍ତ ଜେନେରାଲ ବିକେ ସିଂହ । ଭାରତ ପାକିସ୍ତାନ ବିଭାଜନ ସମୟରେ ଭାରତରେ ଭାଇସରୟ ଥିବା ଲୁଇସ୍ ମାଉଣ୍ଟବ୍ୟାଟେନଙ୍କୁ ଖୁସି କରିବାକୁ ପିଓକେକୁ ଆଉ ଫେରାଇ ଆଣିବାକୁ କୌଣସି ଚେଷ୍ଟା କଲେନାହିଁ । ବରଂ ଏହାକୁ ପାକିସ୍ତାନ ହାତରେ ଟେକିଦେଲେ ନେହେରୁ । ଏପରି ଅଭିଯୋଗ ଆଣିବା ସହ ଗଭୀର କ୍ଷୋଭ ପ୍ରକାଶ କରିଛନ୍ତି ବିକେ ସିଂହ ।
Kanak News is now on WhatsApp
Join and get latest news updates delivered to you via WhatsApp
ମେଜର ବିକେ ସିଂହ କହିଛନ୍ତି ଯେ, ପାକିସ୍ତାନ ଯଦି ଭାରତର କିଛି ଅଂଶକୁ ଅଧିକାର କରିଥାଏ ତେବେ ସେଥିପାଇଁ ନେହେରୁ ହିଁ ଦାୟୀ । କେବଳ ଲୁଇସ୍ ମାଉଣ୍ଟବେଟେନଙ୍କୁ ଖୁସି କରିବାକୁ ପାକ୍ ଅଧିକୃତ କାଶ୍ମୀରକୁ ସୁରକ୍ଷିତ କରିବାକୁ ଚାହିଁଲେନି । ୧୯୪୮ରେ ସରକାର ପିଓକେକୁ ସୁରକ୍ଷିତ ଫେରାଇଆଣିପାରିଥାନ୍ତେ । କିନ୍ତୁ ନିଜର ସଙ୍କୀର୍ଣ୍ଣ ସ୍ୱାର୍ଥ ତଥା ମାଣ୍ଟବେଟେନଙ୍କ ପାଇଁ ଏହାକୁ ପାକିସ୍ତାନ ହାତରେ ଟେକିଦେଲେ ବୋଲି ୨୬/୧୧ ଆକ୍ରମଣ ସ୍ମୃତିରେ ଆୟୋଜିତ ଏକ ଜନସଭାରେ ଏଭଳି ବୟାନ ଦେଇଛନ୍ତି ବିକେ ସିଂହ ।