ଉତ୍ତର ପ୍ରଦେଶ ହିଂସା: ଜୁନ ୧୭ରେ ନମାଜ ପୂର୍ବରୁ ପୋଲିସର ପ୍ରସ୍ତୁତି। ଧର୍ମଗୁରୁଙ୍କୁ ଶାନ୍ତି ପାଇଁ ଅନୁରୋଧ।
କନକ ବ୍ୟୁରୋ : ଉତ୍ତରପ୍ରଦେଶ ପ୍ରୟାଗରାଜରେ ଜୁନ ୧୦ରେ ନମାଜ ପରେ ହିଂସା ହୋଇଥିଲା । ଧିରେ ଧିରେ ସେହି ସ୍ଥାନରେ ପରିସ୍ଥିତି ସୁଧୁରିବାରେ ଲାଗିଛି । ତେବେ ଏହା ମଧ୍ୟରେ ଆସନ୍ତାକାଲି ସମୂହ ନମାଜର କାର୍ଯ୍ୟକ୍ରମ ରହିଛି । ତେବେ ଉତ୍ତରପ୍ରଦେଶ ପୋଲିସ ଏହାକୁ ନେଇ ପ୍ରସ୍ତୁତ ରହିଛି । ଜୁନ ୧୭ର ଏହି ନମାଜ ପାଠକୁ ନେଇ ପୋଲିସ ଆଗରେ ଚ୍ୟାଲେଞ୍ଜ ରହିଛି । ସହରର ମାହୋଲ ଖରାପ ନହେବା ପାଇଁ, କୌଣସି ପ୍ରକାର ହିଂସା ନହେବା ପାଇଁ ପୋଲିସ ଓ ପ୍ରଶାସନ ରଣନୀତି ପ୍ରସ୍ତୁତ କରିଛି ।
Kanak News is now on WhatsApp
Join and get latest news updates delivered to you via WhatsApp
ଗତ ଜୁନ ୧୦ ତାରିଖରେ ନମାଜ ପରେ ପ୍ରୟାଗରାଜ, ସାହରନପୁର, ଫିରୋଜାବାଦ, ହାଥରସ, ମୁରାଦାବାଦ, ଆମ୍ବେଦକରନଗର, ଅଲିଗଡ, ଲକ୍ଷୀମପୁର ଖେରୀ, ଜାଲୌନରେ ହିଂସକ ପ୍ରଦର୍ଶନ ହୋଇଥିଲା । ଏଥିରେ ୧୩ ପୋଲିସ କର୍ମୀ ଆହତ ହୋଇଥିଲେ । ପୋଲିସ ବର୍ତ୍ତମାନ ସୁଦ୍ଧା ୩୫୭ ଉପଦ୍ରବୀଙ୍କୁ ଗିରଫ କରିସାରିଛି । ଜୁନ ୧୦ରେ ଅଟାଲାର ହିଂସା ହୋଇଥିଲା । ହିଂସା ସହ ପଥରମାଡ କରିଥିଲେ ଉପଦ୍ରବକାରୀ । ସେହି ଅଞ୍ଚଳରେ ପୋଲିସ, ପିଏସସି ଏବଂ ରାପିଡ ଆକ୍ସନ ଫୋର୍ସ ମୁତୟନ ହୋଇଛନ୍ତି । ସମସ୍ତଙ୍କୁ ସଜାଗ ରହିବାକୁ ନିର୍ଦ୍ଦେଶ ରହିଛି ।
ଦଙ୍ଗାର ମୁକାବିଲା ପାଇଁ ରାଫିଡ ଆକ୍ସନ ଫୋର୍ସକୁ ଡେପୁଟି କମାଣ୍ଡାଣ୍ଟ ପ୍ରସ୍ତୁତ ରହିବାକୁ ପରାମର୍ଶ ଦେଇଛନ୍ତି । ଫୋର୍ସର ସମସ୍ତ ଅଧିକାରୀଙ୍କୁ ଲଢେଇ କରିବା ପାଇଁ ମଲ୍ଟି ଲଞ୍ଚର ଉପକରଣ ଦିଆଯାଇଛି । ସମସ୍ତଙ୍କ ପାଖରେ ସୁରକ୍ଷା ଉପକରଣ ମହଜୁଦ ରହିଛି । ଏହା ସହ ପରିସ୍ଥିତି ସହ ଲଢେଇ କରିବାକୁ ନିର୍ଦ୍ଦେଶ ରହିଛି । ସେପଟେ ସିଟି ଏସପି ଦିନେଶ କୁମାର ସିଂହ ପୋଲିସ ଏବଂ ପିଏସସିର ଯବାନଙ୍କୁ ପ୍ରସ୍ତୁତ ରହିବା ସହ ମୁକାବିଲା ନେଇ ଅବଗତ କରାଇଛନ୍ତି । ନିଜ ଅସ୍ତ୍ରଶସ୍ତ୍ର ସହ ପ୍ରସ୍ତୁତ ରହିବାକୁ ସେ ନିର୍ଦ୍ଦେଶ ଦେଇଛନ୍ତି । ଅଟାଲା ଅଞ୍ଚଳରେ ଫ୍ଲାଗମାର୍ଚ୍ଚ ମଧ୍ୟ ଜାରିରହିଛି । ସେହିଭଳି ଡ୍ରୋନ କ୍ୟାମେରା ମଧ୍ୟ ପ୍ରସ୍ତୁତ ରହିଥିବା ମଧ୍ୟ ସୂଚନା ମିଳିଛି ।
ଜୁନ ୧୭ରେ ହେବାକୁ ଥିବା ନମାଜ ପୂର୍ବରୁ ଇମାମମାନଙ୍କୁ ଶାନ୍ତି ପାଇଁ ଅପିଲ ହୋଇଛି । ନମାଜ ପରେ ହିଂସା ବା ଅନ୍ୟ କୌଣସି ପ୍ରକାର ଅବ୍ୟବସ୍ଥା ନକରିବା ପାଇଁ ଅନୁରୋଧ ହୋଇଛି । ଲୋକେ ନିଜ ଘରେ କିମ୍ବା ଘର ପାଖ ମସଜିଦରେ ନମାଜ ପାଠ କରିବାକୁ ଅନୁରୋଧ କରାଯାଇଛି । ପୋଲିସ ମଧ୍ୟ ବିଭିନ୍ନ ମସଜିଦରେ ନମାଜକୁ ନେଇ ସତର୍କ ରହିଛି ।