ଶାରଦୀୟ ଦୁର୍ଗା ପୂଜାର ଅନନ୍ୟ ପରମ୍ପରା। ମା’ଙ୍କ ପୂଜା ପାଇଁ ଦେହଜୀବୀ ଦିଅନ୍ତି ମାଟି।
କନକ ବ୍ୟୁରୋ: ପାର୍ବଣ ପାଇଁ ଜୋରଦାର ପ୍ରସ୍ତୁତି ଆରମ୍ଭ ହୋଇଯାଇଛି । ଗଢା ଚାଲିଛି ଦେବୀ ଦୁର୍ଗାଙ୍କ ମୃଣ୍ମୟୀ ପ୍ରତିମା । ଗୋଟିଏ ପଟେ ମୂର୍ତି କାରିଗର ମୂର୍ତି ଗଢିବାରେ ବ୍ୟସ୍ତ, ଅନ୍ୟପଟେ ପ୍ରସ୍ତୁତ ହେଉଛି ପୂଜା ମଣ୍ଡପ । ଶାରଦୀୟ ଦୂର୍ଗାପୂଜାର ପରମ୍ପରା ଭିତରେ ବହୁବର୍ଷ ଧରି ଏକ ବିଧି ଚଳିଆସୁଛି । ମାଆଙ୍କ ପୂଜାରେ ଲାଗେ ଗଣିକାପଡାର ମାଟି । କଟକ-ଭୁବନେଶ୍ୱର ଦୈତନଗରୀରେ ବିଭିନ୍ନ ପୂଜା ମଣ୍ଡପର କର୍ମକର୍ତ୍ତା ଓ ପୂଜକ ଏହି କଥାକୁ ସ୍ପଷ୍ଟ କରିଛନ୍ତି । ପରମ୍ପରା ଅନୁସାରେ ଘଟ ପ୍ରତିଷ୍ଠା ପାଇଁ ବ୍ୟବହାର ହୁଏ ସପ୍ତମାଟି । ଆଉ ଗଣିକାପଡାର ମାଟିରେ ସ୍ନାନ କରିବା ପରେ ମାଆଙ୍କ ପ୍ରତିମା ଶୁଦ୍ଧ ହୁଏ ବୋଲି ବିଶ୍ୱାସ ରହିଛିା
Kanak News is now on WhatsApp
Join and get latest news updates delivered to you via WhatsApp
ଦେହ ବ୍ୟବସାୟ ଆମ ଦେଶରେ ବେଆଇନ ନୁହେଁ । ତଥାପି ସମାଜରେ ଏହି ଶ୍ରେଣୀ ଗ୍ରହଣୀୟ ହୋଇପାରନ୍ତି ନାହିଁ । କିନ୍ତୁ ଶାରଦୀୟ ଦୂର୍ଗାପୂଜାରେ ଗଣିକାପଡା ମାଟିର ଆବଶ୍ୟକତା ଦେହଜୀବୀଙ୍କ ସାମାଜିକ ସମ୍ମାନକୁ ବଢାଇ ଦିଏ । ନଜର ପକାନ୍ତୁ କାହିଁକି ଦରକାର ପଡେ ଗଣିକାପଡାର ମାଟି?
ମତବାଦ- ୧
– ବିଶ୍ୱାସ ରହିଛି ପ୍ରତେକ ମଣିଷର କାନ୍ଧରେ ମା’ ଲକ୍ଷ୍ମୀ ବାସ କରନ୍ତି
– ହେଲେ ଗଣିକାପଡାକୁ ଯାଉଥିବା ବ୍ୟକ୍ତି କାନ୍ଧରୁ ଓହ୍ଲାଇ ଯାଆନ୍ତି ମା’
– ଗଣିକାର ଦ୍ୱାରଦେଶରେ ମା’ ଲକ୍ଷ୍ମୀ ଓହ୍ଲାଇ ଯାଉଥିବାରୁ ଏହା ପବିତ୍ର ପାଲଟି ଯାଏ
– ତେଣୁ ସେହି ପବିତ୍ର ମାଟିକୁ ମା’ଙ୍କ ପ୍ରାଣ ପ୍ରତିଷ୍ଠା ପାଇଁ ଅଣାଯାଇଥାଏ
– ସେହି ମାଟିରେ ଷଷ୍ଠୀଠାରୁ ଦଶମୀ ଯାଏଁ ମା’ଙ୍କ ପ୍ରତିମାକୁ ସ୍ନାନ କରାଯାଏ
ଆଉଏକ ମତବାଦ ଅନୁସାରେ
ମତବାଦ- ୨
– ଦଶହରାରେ ନାରୀର ୯ଟି ରୁପକୁ ପୂଜା କରିବାର ପରମ୍ପରା ଅଛି
– ଯାହାକୁ କୁହାଯାଏ ‘ନବକନ୍ୟା’
– ଏହି ‘ନବକନ୍ୟା’ ମଧ୍ୟରେ ଗଣିକା ମଧ୍ୟ ଅନ୍ୟତମ
– ତେଣୁ ନାରୀର ଏହି ସ୍ୱରୁପକୁ ସମ୍ମାନ ଦେବାପାଇଁ ଗଣିକାପଡାରୁ ମାଟି ଅଣାଯାଉଛି