ଗଞ୍ଜାମରେ ଆଗ୍ନୀକୂଳ କ୍ଷତ୍ରୀୟ ସମାଜର ନିଆରା ପ୍ରୟାସ। ସମାଜରୁ ବାସନ୍ଦ ହୋଇଥିବା ଦମ୍ପତିଙ୍କ ବିବାହ କରି ନିଜ ସମାଜରେ କଲେ ସାମିଲ।
କନକ ବ୍ୟୁରୋ: ଜଣେ ପୁରୁଷ ଅନ୍ୟ ଏକ ଜାତିର ମହିଳାଙ୍କୁ ବିବାହ କରିବା କିମ୍ବା ଜଣେ ମହିଳା ଅନ୍ୟ ଏକ ଜାତିର ପୁରୁଷକୁ ବିବାହ କରିବା ଆଇନ ସମ୍ମତ । କିନ୍ତୁ ଗାଁ ଗହଳିରେ କୂଳ ବା ସମାଜକୁ ଗୁରୁତ୍ୱ ଦିଆଯାଇଥାଏ । ଜଣେ ଅନ୍ୟ ଏକ ଜାତିର ଝିଅକୁ ବିବାହ କଲେ ତାଙ୍କୁ ଜାତି ବା କୂଳରୁ ବାସନ୍ଦ ହେବାକୁ ପଡ଼ିଥାଏ । ଏପରିକି ସେହି ପରିବାରକୁ କୌଣସି ମାଙ୍ଗଳିକ କାର୍ଯ୍ୟ, ଗାଁର ଉତ୍ସବରେ ସାମିଲ ହେବାକୁ ଦିଆଯାଇନଥାଏ । ଏପରିକି ଏହି କାରଣ ପାଇଁ କେତେକଙ୍କୁ ଗାଁ ଛାଡ଼ି ଅନ୍ୟତ୍ର ରହିବା ଭଳି ଘଟଣା ସାମ୍ନାକୁ ଆସିଥାଏ । ଏନେଇ କେତେକ ଆଇନର ଆଶ୍ରୟ ମଧ୍ୟ ନେଇଥାଆନ୍ତି । ବିଶେଷକରି ଗଞ୍ଜାମ ଜିଲ୍ଲାରେ ଏଭଳି ଘଟଣା ଅଧିକା ଦେଖିବାକୁ ମିଳିଥାଏ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏଭଳି ଘଟଣାକୁ ରୋକିବା ପାଇଁ ସମାଜରୁ ବାସନ୍ଦ ହୋଇଥିବା ୧୦୮ ଦମ୍ପତିଙ୍କୁ ପୁଣି ନିଜ କୂଳରେ ସାମିଲ କରିଛି ତେଲଗୁ ସମ୍ପ୍ରଦାୟର ଆଗ୍ନୀକୁଳ କ୍ଷତ୍ରିୟ ସମାଜ । ହିନ୍ଦୁ ରିତୀନୀତି ଅନୁଯାୟୀ ବିବାହ ସମ୍ପର୍ଣ୍ଣ କରି ନିଜ ସମାଜରେ ସାମିଲ କରାଯାଇଛି । ଅଗ୍ନୀକୂଳ କ୍ଷତ୍ରୀୟ ସମାଜର ସଭାପତି ଏମ.ନାଗରାଜୁ ବର୍ମାଙ୍କ ନେତୃତ୍ୱରେ ଏହା ସମ୍ଭବ ହୋଇପାରିଛି । ଗଞ୍ଜାମ ଚିକିଟି ବ୍ଲକ ଗିରିସୋଲା ଗାଁର ଓଲମ୍ମା ମନ୍ଦିର ପରିସରରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । ହୋମ, ଯଜ୍ଞ ସହ ଭୋଜିଭାତ ସାଙ୍ଗକୁ ଆୟୋଜିତ ହୋଇଥିଲା ସାଂସ୍କୃତିକ କାର୍ଯ୍ୟକ୍ରମ । ଆଗାମୀ ଦିନରେ ଏଭଳି ମହତ କାମ ଜାରି ରହିବ ବୋଲି କହିଛନ୍ତି ଅଗ୍ନିକୁଳ କ୍ଷତ୍ରୀୟ ସମାଜର ସଭାପତି ।