ଏମ୍ସ ସମାବର୍ତନ ଉତ୍ସବରେ ସାମିଲ ହେଲେ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ: ରାଜ୍ୟରେ ଆୟୁଷ୍ମାନ ଯୋଜନା ଲାଗୁ ପାଇଁ ମୁଖ୍ୟମନ୍ତ୍ରୀଙ୍କୁ କଲେ ଅନୁରୋଧ
କନକ ବ୍ୟୁରୋ: ଏମ୍ସ ସମାବର୍ତନ ଉତ୍ସବରେ ଗୋଟିଏ କି ଦୁଇଟା ନୁହେଁ ଏକାଥରକେ ଛଅ ଛଅଟି ମେଡାଲ ପାଇଛନ୍ତି ଡ. ଅନୀଲ କୁମାର ଦାଶ । ବାଲିଅନ୍ତାର ଏକ ଛୋଟ ଗାଁରୁ ଆସି ସେ ଏହି ସଫଳତା ପାଇଛନ୍ତି । ଏଥିପାଇଁ ସେ ପରିବାର ସମେତ ଏମ୍ସ ଓ ନିଜ ସହଯୋଗୀଙ୍କୁ ଧନ୍ୟବାଦ ଦେଇଛନ୍ତି । ତାଙ୍କ କହିବା କଥା ହେଲା, ଡାକ୍ତରୀ ପାଠପଢିବା ପାଇଁ ଟଙ୍କାଠୁ ଅଧିକ ଗଭୀକ ଅଧ୍ୟବସାୟର ଆବଶ୍ୟକତା ରହିଛି । ଏକାଗ୍ରତା ଓ ଲକ୍ଷ୍ୟ ଥିଲେ ସବୁ ସଫଳତା ମିଳିବ ବୋଲି ଡଃ ଅନୀଲ କୁମାର ଦାସ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ରାଜ୍ୟରେ ଆୟୁଷ୍ମାନ ଯୋଜନା ଲାଗୁ କରିବାୁ ମୁଖ୍ୟମନ୍ତ୍ରୀଙ୍କୁ ପୁଣି ଥରେ ଅନୁରୋଧ କରିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭ୍ୟ । ଭୁବନେଶ୍ୱର ଏମ୍ସର ୪ର୍ଥ ସମାବର୍ତନ ଉତ୍ସବରେ ଯୋଗଦେଇ କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ କହିଛନ୍ତି, ପୂର୍ବରୁ ଓଡିଶାର କିଛି ସାଂସଦ ତାଙ୍କୁ ଭେଟିଥିଲେ । ଆଉ ମୁଖ୍ୟମନ୍ତ୍ରୀଙ୍କୁ ଏ ନେଇ ସେ ଜଣାଇଛନ୍ତି । ଏମ୍ସର ଚତୁର୍ଥ ସମାବର୍ତନ ଉତ୍ସବରେ ୨୯୩ ଜଣ ମେଧାବୀ ଛାତ୍ରଛାତ୍ରୀଙ୍କୁ ଡିଗ୍ରୀ ପ୍ରଦାନ ସହ ୪୦ ଜଣ ଛାତ୍ରଛାତ୍ରୀଙ୍କୁ ସ୍ୱର୍ଣ୍ଣପଦକ ପ୍ରଦାନ କରିଛନ୍ତି କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ । ଏହାସହ ଅତ୍ୟାଧୁନିକ ବର୍ଣ୍ଣ ସେଂଟର ଉଦଘାଟନ ଓ କ୍ରିଟିକାଲ କେୟାର ହସପିଟାଲ ବିଲ୍ଡିଂର ଭିତିପ୍ରସ୍ତର ରଖାଯାଇଛି । ଏନଟିପିସି ସହାୟତାରେ ବର୍ଣ୍ଣ ସେଂଟର ତିଆରି ପାଇଁ ଖର୍ଚ୍ଚ ହୋଇଛି ୧୯ କୋଟି ୮୭ ଲକ୍ଷ । ଏଠାରେ ୬ଟି ଆଇସିୟୁ ସହିତ, ୬ କ୍ୟାବିନ ଓ ୩୬ଟି ବେଡ ଅଛି । ସରକାରୀ ବ୍ୟବସ୍ଥାରେ ପ୍ରଥମ କୁହାଯାଉଥିବା ଏହି ଅତ୍ୟାଧୁନିକ ବର୍ଣ୍ଣର୍ ସେଂଟର ଓଡିଶା ସମେତ ପଡୋଶୀ ରାଜ୍ୟର ପୋଡାଜଳା ରୋଗୀଙ୍କ ପାଇଁ ବିଶେଷ ସହାୟକ ହେବ । ଏହି ସମାବର୍ତନ ଉତ୍ସବରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ, ସ୍ୱାସ୍ଥ୍ୟ ଓ ପରିବାର କଲ୍ୟାଣ ରାଷ୍ଟ୍ରମନ୍ତ୍ରୀ ଡଃ ଭାରତୀ ପ୍ରବୀଣ ପାୱାର ଓ ସାଂସଦ ଅପରାଜିତା ଷଡଙ୍ଗୀ ଉପସ୍ଥିତ ଥିଲେ ।