କିଡନୀ ନଥିବା ଝିଅର କାହାଣୀ : ବାପା ନଥିଲେ, ଭାଇ ଚାଲିଗଲେ ଏବେ ପ୍ରତାରଣାର ଶିକାର; ନ୍ୟାୟ ପାଇଁ ଏସପିଙ୍କ ଦ୍ୱାରସ୍ଥ ହେଲେ ପୀଡିତା
କନକ ବ୍ୟୁରୋ : କଥାରେ ଅଛି ଦୁଃଖ ଏକା ଆସେ ନାହିଁ ସାଙ୍ଗ ସାଥୀକୁ ସାଙ୍ଗରେ ନେଇ ଆସେ । ଠିକ ଏଭଳି ଘଟଣା ଘଟିଛି ମାଲକାନଗିରିର ବାପ ଛେଉଣ୍ଡ ତ୍ରିପ୍ତି ଦାଶଙ୍କ ଜୀବନରେ । କିଡିନି ଦେଇ ଭାଇଙ୍କ ଜୀବନ ବଞ୍ଚାଇ ଥିଲେ ତ୍ରିପ୍ତି ଦାଶ । କିଛି ଦିନ ପରେ ଭାଇ ଚାଲି ଗଲେ । ଯାହାକୁ ପ୍ରାଣଠୁ ଅଧିକ ଭଲ ପାଇ ଜୀବନ ସାଥୀ ହେବାକୁ ମନସ୍ଥ କରିଥିଲେ ସେ ବି ତାଙ୍କୁ ପ୍ରତାରଣା କରିଛି । ପାହାଡ ପ୍ରମାଣ ଦୁଃଖକୁ ନେଇ ଜୀବନ କାଟୁଛନ୍ତି ତ୍ରିପ୍ତି । ଭାଇଙ୍କ ମୃତ୍ୟୁ ପରେ ମାଁଙ୍କ ସହ ଜୀବନ ବିତାଉ ଥିଲେ ମାଲକାନଗିରି ଏମଭି ୭୨ ଗାଁର ତ୍ରିପ୍ତି ।
Kanak News is now on WhatsApp
Join and get latest news updates delivered to you via WhatsApp
ତେବେ ମାଁ ଝିଅର ଅସହାୟତାର ସୁଯୋଗ ନେଇ ପରିବାରର ନିକଟତର ହେଲେ ମାଲାକନଗିରି ଏମଭି ୭୯ ଗାଁର ଜଣେ ବିବାହିତ ଯୁବକ ସଂଜୀପ ପଲ୍ । ଝିଅକୁ ଡାକ୍ତରଖାନା ନେବା ଆଣିବା କଲେ ବାହା ହେବାକୁ ପ୍ରତିଶ୍ରୁତି ଦେଇ ସମ୍ପର୍କ ସ୍ଥାପନ କଲେ । ପରେ ଅନ୍ତରଙ୍ଗ ମୁହୂର୍ତ୍ତର ଭିଡିଓ ଫଟୋ ଭାଇରାଲ କରିବା ଧମକ ଦେଇ ବାରମ୍ବାର ଶାରିରୀକ ସମ୍ପର୍କ ରଖିଲେ । ବିଶାଖାପାଟଣା ମନ୍ଦିର ରେ ବାହା ହୋଇ ମାଲକାନଗିରିରେ ଭଡା ଘରେ ତ୍ରିପ୍ତିକୁ ରଖିଥିଲେ ସଂଜୀବ ପଲ୍ । ତେବେ ଗତ ୫ ମାସ ଧରି ତ୍ରିପ୍ତିକୁ ଆଉ ଧରା ଛୁଆଁ ଦେଉ ନାହାନ୍ତି ସଂଜୀବ । ବାରମ୍ବାର ଫୋନ କଲେ ଓଲୋଟା ଧମକ ଚମକ ଦେଉଛନ୍ତି ।
କାରଣ ସଂଜୀବ ଜଣେ ପ୍ରତିଷ୍ଠିତ ରାଜନେତାଙ୍କ ପୁତୁରା । କିଛି ଦିନ ପୁରବେ ସଂଜୀବଙ୍କ ଘର ସମ୍ମୁଖରେ ଅହରାତ୍ର ବସି ରହି ଥିଲେ ପୀଡିତା । ତେବେ ତାଙ୍କୁଘରର ୫ ଜଣ ନିର୍ଦ୍ଧୁମ ମାଡ ମାରି ଥିବା ଅଭିଯୋଗ ହୋଇଛି । ଏ ନେଇ ଏମଭି ୭୯ ଥାନାରେ ପୀଡିତା ଏତଲା ଦେଇଛନ୍ତି । ତେବେ ପୀଡିତାଙ୍କୁ ଏ ଯାଏଁ ନ୍ୟାୟ ନ ମିଳିବାରୁ ବାରଦ୍ୱାର ଘୁରି ବୁଲୁଛନ୍ତି ପୀଡିତା । ଏବେ ସେ ମାଲକାନଗିରି ଏସପିଙ୍କ ଦ୍ୱାରସ୍ଥ ହୋଇ ନ୍ୟାୟ ଭିକ୍ଷା କରିଛନ୍ତି ।