ମେଡିକାଲ କଲେଜରେ ନାଁ ଲେଖାଇଦେବାକୁ କହି ଠକିନେଲା ଦଲାଲ । ୧୫ ଲକ୍ଷ ଟଙ୍କା ନେଇ ଫେରାର ମାରିଥିବା ସୁନୀଲ ସାମନ୍ତରାୟକୁ ଗିରଫ କଲା ପୋଲିସ ।
କନକ ବ୍ୟୁରୋ : ମହଙ୍ଗା ପଡିଲା ମେଡିକାଲ କଲେଜରେ ନାମ ଲେଖାଇ ଦେବାକୁ କହି ଲକ୍ଷ ଲକ୍ଷ ଠକେଇ କରିବା । ତେବେ ଏହାରି ଭିତରେ ଅଭିଯୁକ୍ତ ୧୦ ଲକ୍ଷ ଟଙ୍କା ଫେରାଇ ଦେଇଛି । ଗାଡି ନମ୍ବର ୱାନ, ଠକେଇରେ ବି ବାବୁ ନମ୍ବର ୱାନ୍ । ତେବେ ଏହି ଭିଆଇପି ମାର୍କା ୪୦ ଲକ୍ଷ ଟଙ୍କାର ଭିଆଇପି ଗାଡିରେ ଅଏସ କରୁଥିବା ବାବୁ ଜଣଙ୍କୁ ଘୋଷାଡି ଘୋଷାଡି ପିସିଆର ଭ୍ୟାନକୁ ନେଉଛି ପୁଲିସ । କାହିଁକି ନା ବାବୁ ଜଣଙ୍କ ହେଉଛନ୍ତି ଜଣେ ୪୨୦ ।
Kanak News is now on WhatsApp
Join and get latest news updates delivered to you via WhatsApp
ବ୍ରହ୍ମପୁର ଏମକେସିଜିରେ ଏମବିବିଏସରେ ଆଡମିସନ କରାଇ ଦେବାକୁ କହି ଜଣେ ବ୍ୟକ୍ତିଙ୍କ ଠାରୁ ୧୫ ଲକ୍ଷ ଟଙ୍କା ଠକି ନେଇଥିବା ନୟାପଲି ଥାନାରେ ଅଭିଯୋଗ ହୋଇଛି । ତଦନ୍ତରୁ ପୁଲିସ ଜାଣିବାକୁ ପାଇଛି, ଯେ ସୁନିଲ ସାମନ୍ତରାୟ ନାମକ ଏହି ବ୍ୟକ୍ତି ତାଙ୍କୁ ଠକେଇ କରିଛି ।
ସୁନିଲ ସାମନ୍ତରାୟ ନାଁରେ ପୂର୍ବରୁ ଇନଫୋସିଟି ଓ ଚନ୍ଦ୍ରଶେଖରପୁର ଥାନାରେ ସମାନ ଠକେଇ ଅଭିଯୋଗ ରହିଛି । ଏଭଳି ମାମଲାରେ ପୂର୍ବରୁ ବାବୁ ଗିରଫ ମଧ୍ୟ ହୋଇଛନ୍ତି । ହେଲେ ଲୋକଙ୍କୁ ବୋକା ବନାଇ, ତାଙ୍କ ପଇସାରେ ଅଏସ କରିବାର ନିଶା ଏଯାଏଁ କମିନି । ଜାଲ ମେଡିକାଲ ପ୍ରୋଭିଜିନାଲ୍ ଲେଟର ଜରିଆରେ ଜାଲ ପକାଇଥିବା ସୁନିଲକୁ ରିମାଣ୍ଡରେ ନେଇ ତାର ପୁରା ଗ୍ୟାଙ୍ଗର ପର୍ଦ୍ଦାଫାଶ କରିବ ନୟାପଲ୍ଲୀ ପୁଲିସ । ଏପରିକି ଜବତ ହୋଇଥିବା ଡକ୍ୟୁମେଂଟର ଫରେନ୍ସିକ୍ ଯାଂଚ ପାଇଁ ହ୍ୟାଂଡରାଇଟିଂ ବ୍ୟୁରୋକୁ ପଠାଯିବ ।
ସଟ୍ କଟରେ ଟଙ୍କା କମାଇ, ରାତାରାତି କୋଟିପତି ହେବାର ନିଶା, ଆଉ ତା ସାଙ୍ଗରେ ବିଳାଶପୂର୍ଣ୍ଣ ଜୀବନ ଯାପନ କରିବାର ଲାଳସା, ସୁନିଲକୁ ଜେଲର ଅନ୍ଧାର କୋଠରୀ ଭିତରକୁ ଠେଲି ଦେଇଛି ।