ଓଡ଼ିଶା ଆସି ନବୀନଙ୍କୁ ଭେଟିଲେ ତେଲେଙ୍ଗାନା ମୁଖ୍ୟମନ୍ତ୍ରୀ ! କହିଲେ ଦେଶକୁ ଦରକାର ପରିବର୍ତ୍ତନ, ସବୁ ଆଂଚଳିକ ଦଳ ଏକାଠି ହେବା ଆବଶ୍ୟକ ।
କନକ ବ୍ୟୁରୋ : ତେଲେଙ୍ଗାନା ଏବଂ ଓଡ଼ିଶା ମୁଖ୍ୟମନ୍ତ୍ରୀଙ୍କ ସାକ୍ଷାତ କାର୍ଯ୍ୟକ୍ରମରୁ ଦେଶ ପାଇଁ ଆସିଛି ବଡ ବାର୍ତ୍ତା । ସମସ୍ତ ଆଂଚଳିକ ଦଳକୁ ଏକାଠି ହେବା ପାଇଁ ଆହ୍ୱାନ ଦେବା ସହ ଦେଶ ଏକ ପରିବର୍ତନ ଆବଶ୍ୟକ କରୁଛି ବୋଲି କହିଛନ୍ତି ତେଲେଙ୍ଗାନା ମୁଖ୍ୟମନ୍ତ୍ରୀ କେ.ଚନ୍ଦ୍ରଶେଖର ରାଓ । ବର୍ତମାନ ଏହା ପୂର୍ଣ୍ଣାଙ୍ଗ ରୂପ ନେଇନଥିଲେ ବି ଖୁବ୍ ଶୀଘ୍ର ଏହା ଜଣାପଡ଼ିବ ବୋଲି କହିଛନ୍ତି କେସିଆର । ବିଜେପି ଏବଂ କଂଗ୍ରେସଠାରୁ ଏକ ବିକଳ୍ପ ସାରା ଦେଶ ଆବଶ୍ୟକ କରୁଛି ବୋଲି କେସିଆର୍ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସେହିପରି ନବୀନ କହିଛନ୍ତି ସମଭାବାପନ୍ନ ଆଂଚଳିକ ଦଳ ଗୁଡ଼ିକ ଜାତୀୟ ସ୍ୱାର୍ଥକୁ ଦୃଷ୍ଟିରେ ରଖି ଏକାଠି ହେବାର ଆବଶ୍ୟକତା ରହିଛି । ସେହିପରି କେସିଆରଙ୍କ ସହ ପୋଲାଭରମ୍, କୃଷୀ ପ୍ରସଙ୍ଗ, ମହିଳା ସଂରକ୍ଷଣ ଆଦି ପ୍ରସଙ୍ଗରେ ଆଲୋଚନା ହୋଇଥିବା ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ।
କେସିଆର୍ ଆଜି ଭୁବନେଶ୍ୱରରେ ରାତ୍ରୀଯାପନ କରିବା ପରେ ଆସନ୍ତାକାଲି ସପରିବାର ପୁରୀ ଓ କୋଣାର୍କ ଗସ୍ତରେ ଯିବେ । ପୁରୀରେ ଶ୍ରୀଜିଉଙ୍କ ଦର୍ଶନ ସାରି ପୁଣି ଭୁବନେଶ୍ୱର ଫେରିବେ । ଆଉ ଓଡ଼ିଶା ଗସ୍ତ ପରେ ପଶ୍ଚିମବଙ୍ଗ ଏବଂ ଦିଲ୍ଲୀ ଗସ୍ତରେ ଯିବେ କେସିଆର୍ । କୋଲକାତାରେ ମମତା ବାନାର୍ଜୀ ଏବଂ ଦିଲ୍ଲୀରେ ଅଖିଳେଶ ଯାଦବ ଏବଂ ମାୟାବତୀଙ୍କୁ ଭେଟିବାର କାର୍ଯ୍ୟକ୍ରମ ରହିଛି । ଆଉ ନିର୍ବାଚନ ବର୍ଷରେ କେସିଆରଙ୍କ ଏହି ମାରାଥନ ଗସ୍ତ ଦେଶରେ ଏକ ନୂଆ ରାଜନୈତିକ ସମୀକରଣର ଚର୍ଚ୍ଚାକୁ ଖୋରାକ୍ ଯୋଗାଇଛି ।