କନକ ବ୍ୟୁରୋ : ତାମିଲନାଡୁର ମୁଖ୍ୟମନ୍ତ୍ରୀ ଏମ.କେ ଷ୍ଟାଲିନ ସରକାରଙ୍କ ଗୋଟିଏ ବର୍ଷ ପୂରଣ ଅବସରରେ ମୁଖ୍ୟମନ୍ତ୍ରୀ ରାଜ୍ୟବାସୀଙ୍କ ପାଇଁ ୫ ଟି ଘୋଷଣା କରିଛନ୍ତି । ହେଲେ ଷ୍ଟାଲିନ ଆଜି ଏକ ଅଜବ ଢଙ୍ଗରେ ଏସବୁ ଯୋଜନାର ଘୋଷଣା କରିଛନ୍ତି । ସେ ଚେନ୍ନାଇ ମରିନା ନିକଟ କିନାରେ କରୁଣାନିଧି ମେମୋରିଆଲ ରୁ ଆନ୍ନା ମେମୋରିଆଲ ପର୍ଯ୍ୟନ୍ତ ସାଧାରଣ ଯାତ୍ରୀଙ୍କ ସହ ବସରେ ଯାତ୍ରା କରିବା ଅବସରରେ ଏହି ଘୋଷଣା କରିଛନ୍ତି । ଏହି ଅବସରରେ ସେ ରାଜ୍ୟରେ ମହିଳାମାନଙ୍କୁ ଦିଆଯାଇଥିବା ମାଗଣା ବସ୍ ଯାତ୍ରା ସୁବିଧା ବାବଦରେ ପଚାରି ବୁଝିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏହାପରେ ସେ ତାମିଲନାଡୁ ବିଧାନସଭାରେ ପହଂଚି ସରକାରଙ୍କ ଗୋଟିଏ ବର୍ଷ ପୂର୍ତ୍ତି ଅବସରରେ ବିଭିନ୍ନ ଉପଲବ୍ଧି କହିବା ସହ କିଛି ଲୋକ କଲ୍ୟାଣକାରୀ ଯୋଜନାର ଘୋଷଣା କରିଛନ୍ତି । ଏହି କ୍ରମରେ ସେ ଘୋଷଣା କରିଥିଲେ କି ରାଜ୍ୟରେ ଥିବା ସମସ୍ତ ସରକାରୀ ସ୍କୁଲରେ ପ୍ରଥମରୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ସମସ୍ତ ଛାତ୍ର ଛାତ୍ରୀଙ୍କୁ ମଧ୍ୟାହ୍ନ ଭୋଜନ ସହ ସକାଳେ ପୌଷ୍ଟିକ ଜଳଖିଆ ଯୋଗାଇ ଦିଆଯିବ । ଏହାସହ ସ୍କୁଲଗୁଡିକରେ ପ୍ରତିମାସ ସମସ୍ତ ଛାତ୍ର ଛାତ୍ରୀମାନଙ୍କର ସ୍ୱାସ୍ଥ୍ୟ ପରୀକ୍ଷା କରାଯିବା ନେଇ ସେ ଘୋଷଣା କରିଛନ୍ତି ।
କହିରଖୁ କି, ୨୦୨୧ ମଇମାସ ୭ ତାରିଖରେ ଷ୍ଟାଲିନ ତାମିଲନାଡୁର ମୁଖ୍ୟମନ୍ତ୍ରୀ ଭାବେ ଶପଥ ନେଇଥିଲେ । ସେ ପ୍ରଥମ ଥର ରାଜ୍ୟର ମୁଖ୍ୟମନ୍ତ୍ରୀ ପଦରେ ଅବସ୍ଥାପିତ ହୋଇଛନ୍ତି ।