କନକ ବ୍ୟୁରୋ: ଭାରତ-ପାକିସ୍ତାନ ଅନ୍ତରାଷ୍ଟ୍ରୀୟ ସୀମାକୁ ଇସ୍ରାଇଲ ଭଳି ଆତ୍ୟାଧୁନିକ କରାଯିବ । ଏଥିପାଇଁ ପ୍ରସ୍ତୁତିକୁ ଜୋରଦାର କରାଯାଇଛି । ସୀମାରେ କୋଣଅନୁକୋଣରେ କ୍ୟାମେରା ଲାଗିବ । ଦୂରରୁ ଶତ୍ରୁ ଉପରେ ନଜର ରଖିବା ପାଇଁ ଏହି ତୃତୀୟ ନୟନକୁ ଲଗାଯିବ । ଏହା ହେବା ଦ୍ୱାରା ସୀମା ଉପରେ ସହଜରେ ନଜର ରଖାଯାଇପାରିବ । ଆବଶ୍ୟକ ପଡିଲେ ଗୁଳି ମଧ୍ୟ ଚଳାଯିବ । କାରଣ ସରକାର ପାକିସ୍ତାନ ଏବଂ ବାଂଲାଦେଶକୁ ଲାଗିରହିଥିବା ସୀମାରେ ୫୫୦୦ ସିସି କ୍ୟାମେରା ଲଗାଇବାକୁ ଯାଉଛନ୍ତି । ସରକାର ଏଥିପାଇଁ ୩୦ କୋଟି ଟଙ୍କା ଖର୍ଚ୍ଚ କରିଛନ୍ତି । ଏଥିରେ କେବଳ ଯେ ସିସିଟିଭି କ୍ୟାମେରା ଅଛି ତାହା ନୁହେଁ, ଡ୍ରୋନ, ହ୍ୟାଣ୍ଡ ହେଲ୍ଡ ଥର୍ମାଲ ଇମେଜର ମଧ୍ୟ ରହିଛି । ଡ୍ରୋନ ଏବଂ କ୍ୟାମେରା ଦ୍ୱାରା ପୂରା ସୀମା ଉପରେ ନଜର ରଖାଯାଇପାରିବ । ସେହିଭଳି ରାତିରେ ଥର୍ମାଲ ଇମେଜର କାମ କରିବ ।
Kanak News is now on WhatsApp
Join and get latest news updates delivered to you via WhatsApp
ବିଏସଏଫର ନିର୍ଦ୍ଦେଶକ ଜେନେରାଲ ପଙ୍କଜ କୁମାର ସିଂହ କହିଛନ୍ତି, ପଶ୍ଚିମ ସୀମା(ପାକିସ୍ତାନ) ପଟରୁ ଅନୁପ୍ରବେଶ ଏବଂ ଅବୈଧ ଗତିବିଧି ବଢିବାରେ ଲାଗିଛି । ଏହା ଆମ ପାଇଁ ବଡ ଚ୍ୟାଲେଞ୍ଜ । ବର୍ତ୍ତମାନ ସୈନ୍ୟବଳ ପାଖରେ ସେହିଭଳି କୌଣସି ସିଷ୍ଟମ ନାହିଁ ଯାହା ପାକିସ୍ତାନ ଡ୍ରୋନକୁ କଡା ଜବାବ ଦେଇପାରିବ ।
ଆଗାମୀ ସମୟରେ ଦେଶର ସୈନ୍ୟବଳକୁ ଶତ୍ରୁର ଡ୍ରୋନକୁ ଖୋଜିବାରେ ଏବଂ ତାକୁ ନଷ୍ଟ କରିବାର କଳାକୁ ଶିଖାଇବା ଉପରେ ଗୁରୁତ୍ୱ ଦିଆଯିବ । ଏଥିପାଇଁ ସୀମାରେ ଯାଞ୍ଚକୁ ବୃଦ୍ଧି କରାଯିବ । ଏଥିପାଇଁ ଅଧିକ ଯାଞ୍ଚ କ୍ୟାମେରା ଏବଂ ଡ୍ରୋନର ଆବଶ୍ୟକତା ରହିଛି । ଏହା ହେବା ଦ୍ୱାରା ପାକିସ୍ତାନ ଏବଂ ବାଂଲାଦେଶର ସୀମାରେ ନଜର ରଖାଯାଇପାରିବ । ବିଏସଏଫକୁ ୫୫୦୦ ସିସିଟିଭି କ୍ୟାମେରା ଏବଂ କିଛି ଅନ୍ୟ ଉପକରଣ ମିଳିଛି । ଏହି ଉପକରଣ ଗୃହ ମନ୍ତ୍ରାଳୟ ଦ୍ୱାରା ଜାରି ୩୦କୋଟି ଟଙ୍କା ପ୍ରଦାନ କରାଯାଇଛି । ବିଏସଏଫ ମଧ୍ୟ କିଛି ଶସ୍ତା ଯାଞ୍ଚ ଉପକରଣ ପ୍ରସ୍ତୁତ କରିଛି । ଏହା ସାହାଯ୍ୟରେ ସୀମାରେ ନଜର ରଖାଯାଇଛି । ବିଏସଏଫ ଏଥିପାଇଁ ଜ୍ଞାନକୌଶଳ ବିକଶିତ କରିଛି କାହିଁକି ନା ବିଦେଶୀ ବିକ୍ରେତା ଏହି ଉପକରଣକୁ ବହୁତ ଅଧିକ ଦାମରେ ବିକ୍ରି କରୁଛନ୍ତି । ଏଥିରେ ଶସ୍ତା ସେନସର ଏବଂ ଯାଞ୍ଚ ଡିଭାଇସ ରହିଛି ।
ବିଏସଏଫ ଯବାନ ପ୍ରତିଦିନ ସୀମାପାରରୁ ଆସୁଥିବା ଡ୍ରୋନକୁ ନଷ୍ଟ କରିବାରେ କ୍ଷମତାବାନ ହେବାରେ ଲାଗିଛନ୍ତି । ସହଜରେ ଡ୍ରୋନକୁ ନଷ୍ଟ କରାଯାଉଛି । ଚଳିତ ବର୍ଷ ସୈନ୍ୟବଳ ପାକିସ୍ତାନ ସୀମାରେ ୧୬ ଡ୍ରୋନ ନଷ୍ଟ କରିସାରିଛନ୍ତି । ଗତ ଏକବର୍ଷ ମଧ୍ୟରେ ଗୋଟିଏ ଅଞ୍ଚଳରେ ଅନେକ ଡ୍ରୋନକୁ ନଷ୍ଟ କରାଯାଇସାରିଛି ।
ବିଏସଏଫର ସୂଚନା ଅନୁସାରେ ପାକିସ୍ତାନ ସୀମା ପାଖରେ ଗତବର୍ଷ ୧୧୪ ଡ୍ରୋନ ଥିଲା । ଚଳିତ ବର୍ଷ ନଭେମ୍ବର ୧୦ ସୁଦ୍ଧା ୨୧୮ଟି ଡ୍ରୋନ ଦେଖାଯାଇସାରିଛି । ଅର୍ଥାତ ଗତବର୍ଷ ତୁଳନାରେ ଚଳିତ ଥର ପାଖାପାଖି ଦୁଇଗୁଣା ଡ୍ରୋନ ଦେଖାଯାଇସାରିଛି । ବର୍ତ୍ତମାନ ଏହା ଗୋଟିଏ ବଡ ଚ୍ୟାଲେଞ୍ଜ । ଏମ୍ସର ସର୍ଭର ଉପରେ ହୋଇଥିବା ସାଇବର ଆଟାକ ଉପରେ ଡିଜି କହିଥିଲେ, ୫ଜି ଜ୍ଞାନକୌଶଳ ଆସିସାରିଛି । ଆମକୁ ବର୍ତ୍ତମାନ ଅଧିକ ସତର୍କ ରହିବାକୁ ପଡିବ । ଜ୍ଞାନକୌଶଳର ସଠିକ ବ୍ୟବହାର କରିବା ସହ ତାକୁ ସୁରକ୍ଷିତ ମଧ୍ୟ କରିବାକୁ ପଡିବ ।