କନକ ବ୍ୟୁରୋ : ଆସନ୍ତା ସପ୍ତାହରୁ ସଂସଦରେ ଆରମ୍ଭ ହେବାକୁ ଯାଉଛି ଶୀତକାଳୀନ ଅଧିବେଶନ । ପୂର୍ବଥର ପରି ଚଳିତ ଥର ଶୀତ ଅଧିବେଶନ ବେଶ୍ ତାର୍କିକ ହେବ ବୋଲି ଆକଳନ କରାଯାଉଛି । ଏହାସହ ସରକାର ଅନେକ ଗୁରୁତ୍ୱପୂର୍ଣ୍ଣ ବିଧେୟକ ଆଣିପାରନ୍ତି ବୋଲି ଅନୁମାନ କରାଯାଉଛି । ଏଥିରେ ମୁଖ୍ୟତ ସରକାରୀ କାର୍ଯ୍ୟକ୍ରମରେ ଆମିଷ ଭୋଜନକୁ ନିଷେଧ କରିବା ନେଇ ସରକାର ଏକ ବିଧେୟକ ଆଣିବାକୁ ପ୍ରସ୍ତୁତ ହେଉଥିବା କଥା ଜାତୀୟ ଗଣମାଧ୍ୟମରେ ବେଶ୍ ଚର୍ଚ୍ଚା ହେଉଛି । ସେପଟେ ପ୍ରାଇଭେଟ ମେମ୍ବରର୍ସ ବିଲ ବି ବିଧେୟକ ତାଲିକାରେ ସାମିଲ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଲୋକସଭାର ଅଧିସୂଚନା ମୁତାବକ ଚଳିତ ଶୀତକାଳୀନ ଅଧିବେଶନରେ ମୋଟ ୨୦ ଟି ବିଲ୍ ଉପରେ ଆଲୋଚନା କରିବାକୁ ସୂଚୀବଦ୍ଧ କରାଯାଇଛି । ଏକ ଜାତୀୟ ଗଣମାଧ୍ୟମର ରିପୋର୍ଟ ମୁତାବକ ଦିଲ୍ଲୀର ବିଜେପି ସାଂସଦ ପରବେଶ ସାହିବ ସିଂ ଅଫିସିଆଲ ଗଭରମେଣ୍ଟ ମିଟଙ୍ଗସ ଆଣ୍ଡ ଫଙ୍କସନ ବିଲକୁ ସୂଚୀବଦ୍ଧ କରିଛନ୍ତି । ପରବେଶଙ୍କ ମୁତାବକ ଜର୍ମାନୀର ପର୍ଯ୍ୟାବରଣ ମନ୍ତ୍ରଣାଳୟ ତରଫରୁ ସରକାରୀ କାର୍ଯ୍ୟକ୍ରମରେ ଆମିଷ ଭୋଜନ ଉପରେ ପ୍ରତିବନ୍ଧକ ଲଗାଇବାକୁ ଏକ ପ୍ରସ୍ତାବ ରଖିଛନ୍ତି । ଏହାଦ୍ୱାରା ଜଳବାୟୁ ଓ ଗ୍ଲୋବାଲ ୱାମିଂ ଉପରେ ସର୍ବାଧିକ ପ୍ରଭାବ ପଡୁଛି ବୋଲି ପରବେଶ କହିଛନ୍ତି ।
ସେପଟେ ବିଜେପିର ଅନ୍ୟଜଣେ ସାଂସଦ ତୀରଥସିଂ ରାୱତ ଦେଶର ସମସ୍ତ ସ୍କୁଲରେ ଯୋଗଶିକ୍ଷାକୁ ବାଧ୍ୟତାମୂଳକ କରିବା ନେଇ ଏକ ବିଧେୟକ ଆଣିବାକୁ ଯୋଜନା କରିଛନ୍ତି ।