ଜାଣନ୍ତୁ ଧାରା ୩୭୭ କ’ଣ? ସମଲିଙ୍ଗୀ ସମ୍ପର୍କ ରଖିଲେ ଭାରତରେ କି ପ୍ରକାର ମିଳିବ ଦଣ୍ଡ!
କନକ ବ୍ୟୁରୋ : ଭାରତରେ ସମଲିଙ୍ଗୀ ସମ୍ପର୍କ ରଖିଲେ କଣ ହେବ? ଏପରି ଏକ ସମ୍ବେଦନଶୀଳ ଘଟଣା ଉପରେ ଧାରା ୩୭୭ ଉପେର ମଙ୍ଗଳବାର ପୁଣି ଥରେ ସର୍ବୋଚ୍ଚ ନ୍ୟାୟଳୟ ମାମଲାର ଶୁଣାଣି କରୁଛନ୍ତି । ଏହା ପୂର୍ବରୁ ସୋମବାର ସର୍ବୋଚ୍ଚ ନ୍ୟାୟଳୟ କେନ୍ଦ୍ର ସରକାରଙ୍କ ପୂର୍ବ ଶୁଣାଣିକୁ ଅଣଦେଖା କରିଦେଇଛନ୍ତି । ବର୍ତ୍ତମାନ ଦେଶରେ ସମଲିଙ୍ଗୀ ସମ୍ପର୍କକୁ ବୈଧ କରିବା ଲାଗି ଅନେକ ସମଲିଙ୍ଗୀ ସଂଘ ଦାବୀ କରୁଛନ୍ତି । କିନ୍ତୁ ଏହାକୁ ବର୍ତ୍ତମାନ ସୁଦ୍ଧା ଭାରତରେ ଆଇନ ସମ୍ମତ ହୋଇନାହିଁ । ଏ ସମ୍ପର୍କକୁ ଅବୈଧ ବିବେଚିତ କରାଯାଉଛି । ତେଣୁ ଧାରା ୩୭୭ କୁ ନେଇ ଚର୍ଚ୍ଚା ଜୋର ଧରିଛି । ଏହି ଧାରା ଏପରି ସମ୍ପର୍କକୁ ବେଆଇନ କହୁଛି । କିନ୍ତୁ (ଏଲଜିବିଟି)ସଂସ୍ଥା ପକ୍ଷରୁ କୁହାଯାଇଛି ଯେ, ସମଲିଙ୍ଗୀ ସମ୍ପର୍କରେ କୈାଣସି ଅସୁବିଧା ନାହିଁ ଓ ଏହା ସମ୍ଭବ ମଧ୍ୟ ହୋଇ ପାରିବ ତେଣୁ ଏହି ସମ୍ପର୍କ ରଖିଲେ ଆଇନ ଦୋଷୀ ସାବ୍ୟସ୍ତ କରିବାର ଆବଶ୍ୟକତା ନାହିଁ । ଧାରା ୩୭୭ କୁ ଇଂରେଜମାନେ ୧୮୬୨ ମସିହାରେ ଘୋଷଣା କରିଥିଲେ ବୋଲି ଜଣାପଡିଛି । ଏହାକୁ ଭାରତରେ ଲାଗୁ କରିଥିବା ବ୍ରିଟିଶ ନିଜ ଦେଶରେ ୧୯୬୭ ରେ ଏପରି ସମ୍ପର୍କକୁ ବେଆଇନ ଶ୍ରେଣୀରୁ ବାହାର କରିଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଦୁଇ ଜଣ ପୁରୁଷ କିମ୍ବା ମହିଳା ସେମାନଙ୍କ ନିଜ ଇଚ୍ଛାରେ ଯଦି ସମ୍ପର୍କ ରଖିଲେ ତେବେ ଏହା ମଧ୍ୟ ଧାରା ୩୭୭ ଅନ୍ତର୍ଭୁକ୍ତ । ଯଦି କୈାଣସି ପୁରୁଷ କିମ୍ବା ମହିଳା ନିଜ ନିଜସ୍ୱ ଇଚ୍ଛାରେ ଅପ୍ରାକୃତିକ ଯୋ÷÷ନସମ୍ପର୍କ ରଖିଲେ ତେବେ ମଧ୍ୟ ଏହି ଧାରାର ନିୟମ ଅନୁସାରେ ୧୦ ବର୍ଷ ପର୍ଯ୍ୟନ୍ତ ଜେଲ ଦଣ୍ଡାଦେଶ ହୋଇପାରେ । ଏହାସହ କୈାଣସି ପଶୁ ସହିତ ମଧ୍ୟ ସମ୍ପର୍କ ରଖିଲେ ୧୦ ବର୍ଷ କାରାଦଣ୍ଡ ସହ ଜୋରିମାନା ମଧ୍ୟ ହୋଇପାରେ । ଏହି ପରି ମାମଲା ଆସିଲେ ବା ପୋଲିସ କାହା ଉପରେ ସନ୍ଦେହ କଲେ ବିନା କୈାଣସି ବାଧାରେ ପୋଲିସ କାହାକୁ ବି ଗିରଫ କରିପାରିବ ବୋଲି ଏହି ଧାରାରେ କୁହାଯାଇଛି ।
ଧାରା ୩୭୭ ଏକ ସଙ୍ଗୀନ ଅପରାଧ । ଆପଣ ଅବଗତି ନିମନ୍ତେ ଜଣାଇ ଦେଉଛୁ ଯେ, ଧାରା ୩୭୭ କୁ ନେଇ ଅନେକ ଦିନ ହେଲାଣି ଦେଶରେ ଚର୍ଚ୍ଚା ଜୋର ଲାଗିରହିଛି । କିନ୍ତୁ ୧୫୦ ବର୍ଷ ମଧ୍ୟରେ ମାତ୍ର ୨୦୦ ଜଣଙ୍କୁ ଦୋଷୀ ଭାବରେ ଗ୍ରହଣ କରାଯାଇଛି ।
୨୦୦୧ ମସିହାରେ ନାଜ୍ ଫାଉଣ୍ଡେସନ୍ ହାଇକୋର୍ଟରେ ଯୁକ୍ତି ବାଢିଥିଲା ଯେ, ଯଦି କେହି ଏକାନ୍ତ ସ୍ଥାନରେ ଏପରି ସମ୍ପର୍କ ରଖନ୍ତି ତେବେ ଧାରା ୩୭୭ ରୁ ଏହାକୁ ବାହାର କରିଦେବାର ଆବଶ୍ୟକତା ରହିଛି ।
ଏହାପରେ ୨୦୦୯ ମସିହାରେ ହାଇକୋର୍ଟ କହିଥିଲେ ଯେ, ଯଦି କୈାଣସି ବ୍ୟକ୍ତି ନିଜ ଇଚ୍ଛାରେ ଏକାନ୍ତ ସ୍ଥାନରେ ଏପରି ସମ୍ପର୍କ ରଖନ୍ତି ତେବେ ଏହାକୁ ଧାରା ୩୭୭ରେ ଅପରାଧ ଭାବରେ ଗ୍ରହଣ କରାଯିବ ନାହିଁ । ଦେଶର ସମସ୍ତ ନାଗରିକ ମାନଙ୍କୁ କୋର୍ଟ ସମାନ ଅଧିକାର ଦେଉଛି ।
ହାଇକୋର୍ଟଙ୍କ ରାୟ ଆସିବା ପରେ ଏଲଜିବିଟି ସଂସ୍ଥା ଖୁସି ହୋଇଥିଲା । କିନ୍ତୁ ଏହା ବେଶିଦିନ ରହିଲା ନାହିଁ । ୨୦୧୩ ସମିହା ଡିସେମ୍ବର ୧୧ ରେ ସର୍ବୋଚ୍ଚ ନ୍ୟାୟାଳୟ ହାଇକୋର୍ଟଙ୍କ ରାୟ ଉପରେ ରହିତାଦେଶ ଦେବା ସହ ଯେ ପର୍ଯ୍ୟନ୍ତ ଧାରା ୩୭୭ ରହିଛି ଏହାକୁ ଆଇନ ସମ୍ମତ କରାଯାଇ ପାରିବ ନାହିଁ ବୋଲି ସର୍ବୋଚ୍ଚ ନ୍ୟାୟଳୟ କହିଥିଲେ ।
ଏଲଜିବିଟିର କହିବା କଥା ଏହି ୩୭୭ ଧାରାକୁ ଡରି ଅନେକ ଲୋକ ସମାନାକୁ ଆସୁନାହାନ୍ତି । କିନ୍ତୁ ଦେଶରେ ବହୁ ସ୍ଥାନରେ ଏପରି ସମ୍ପର୍କ ଅନେକ ରଖୁଛନ୍ତି ।
ଏହି ଧାରାକୁ କେତେକ ସଂସ୍ଥା ସ୍ୱାଗତ କରୁଥିବା ବେଳେ କେତେକ ଏହାକୁ ଉଠାଇବା ଲାଗି ଦାବୀ କରୁଛନ୍ତି । ତେବେ ସର୍ବୋଚ୍ଚ ନ୍ୟାୟାଳୟରେ ଶୁଣାଣି ସରିଲେ ପ୍ରକୃତରେ ଏହା ଆଇନ ସମ୍ମତ ହେବ କି ନାହିଁ ତାହା ଜଣାପଡିବ ।