ଆକାଶପଥରେ ମୁହାଁମୁହିଁ ଧକ୍କା ହେଲା ଦୁଇ ବିମାନ, ଚାଲିଗଲା ୩ ପାଇଲଟଙ୍କ ଜୀବନ । ଦକ୍ଷିଣ କୋରିଆରୁ ଆସିଲା ଦୁଃଖଦ ଖବର ।
କନକ ବ୍ୟୁରୋ : ଦକ୍ଷିଣ କୋରିଆରେ ଆକାଶପଥରେ ବଡ ଦୁର୍ଘଟଣା । ଦକ୍ଷିଣ କୋରିଆ ବାୟୁସେନାର ଦୁଇ ବିମାନ ଟ୍ରେନିଂ ସମୟରେ ଆକାଶପଥରେ ଧକ୍କା ହୋଇଛନ୍ତି । ଆଉ ଏହି ଦୁର୍ଘଟଣାରେ ୩ ପାଇଲଟଙ୍କ ମୃତ୍ୟୁ ହୋଇଥିବା ବେଳେ ଜଣେ ଆହତ ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ଦକ୍ଷିଣ କୋରିଆ ବାୟୁସେନାର ଦୁଇ ବିମାନ ଶୁକ୍ରବାର ଟ୍ରେନିଂ ସମୟରେ ମୁହାଁମୁହିଁ ଧକ୍କା ହୋଇଥିଲେ । ଯେଉଁଥିରେ ୩ ପାଇଲଟଙ୍କ ଘଟଣାସ୍ଥଳରେ ହିଁ ମୃତ୍ୟୁ ହୋଇଛି । ଅଧିକାରୀଙ୍କ କହିବା ଅନୁଯାୟୀ, ଏହି ଦୁର୍ଘଟଣା ପରେ ୩ ହେଲିକପ୍ଟର, ୨୦ଟି ଗାଡି ଓ ୧୨ରୁ ଅଧିକ ଜରୁରୀକାଳୀନ କର୍ମଚାରୀଙ୍କୁ ଘଟଣାସ୍ଥଳକୁ ପଠାଯାଇଛି ।
ଦକ୍ଷିଣ କୋରିଆ ବାୟୁସେନାର କେଟି-୧ ଟ୍ରେନିଂ ବିମାନ ମୁହାଁମୁହିଁ ଧକ୍କା ହୋଇଥିଲା । ସେତେବେଳେ ପାଇଲଟ କାହିଁକି ବିମାନ ତଳକୁ ଖସିପାରିନଥିଲେ ସେନେଇ ଯାଞ୍ଚ ଚାଲିଛି । କେଟି-୧ ବିମାନଟି ଦୁଇ ସିଟ ବିଶିଷ୍ଟ । ତେବେ କେଉଁ କାରଣରୁ ଏଭଳି ଦୁର୍ଘଟଣା ହେଲା ତାହା ଏଯାବତ ସ୍ପଷ୍ଟ ହୋଇନାହିଁ । ଏହାପୂର୍ବରୁ ଗତ ଜାନୁଆରୀରେ ଦକ୍ଷିଣ କୋରିଆର ଏଫ୍-୫ଇ ଫାଇଟର ବିମାନ ଧ୍ୱଂସ ହୋଇଥିଲା । ସେତେବେଳେ ଏଥିରେ ଜଣେ ବ୍ୟକ୍ତିଙ୍କର ମୃତ୍ୟୁ ହୋଇଥିଲା ।