ଚାଲିଯାଇଛନ୍ତି ମନୋଜ, କିନ୍ତୁ ତାଙ୍କ ସ୍ମୃତିକୁ ମନେ ପକାଇ ପରିବାର ଲୋକଙ୍କ ଆଖିରୁ ଶୁଖୁନି ଲୁହ ! ଦେଖନ୍ତୁ ସହିଦ ମନୋଜ ବେହେରାଙ୍କ ମୃତ୍ୟୁ ପୂର୍ବର ଭିଡିଓ ।
କନକ ବ୍ୟୁରୋ : ପୁଲୱାମା ଆତଙ୍କବାଦୀ ଆକ୍ରମଣରେ ସହିଦ ଓଡିଆ ମନୋଜ କୁମାର ବେହେରା ଓ ପ୍ରସନ୍ନ କୁମାର ସାହୁଙ୍କ ଗାଁରେ ଏବେ ଶୋକର ଛାୟା । ଦୁଇ ବୀର ଯବାନ ଛାଡିଯାଇଥିବା ଅଭୁଲା ସ୍ମୃତିକୁ ମନେ ପକାଉଛନ୍ତି ଗ୍ରାମବାସୀ । ଆସନ୍ତୁ ନଜର ପକାଇବା ସହିଦ ମନୋଜଙ୍କ କିଛି ଅଭୁଲା ସ୍ମୃତି ଉପରେ ।
Kanak News is now on WhatsApp
Join and get latest news updates delivered to you via WhatsApp
ଦେଶ ପାଇଁ ଜୀବନ ଦେଇଥିବା ଏହି ବୀର ଯବାନ ମାନେ କିଛି ଏପରି କରିଯାଇଥାନ୍ତି ଯାହା ସେମାନଙ୍କୁ ସବୁଦିନ ପାଇଁ ଅମର କରିଦିଏ । ହେଲେ ଘର ପରିବାର ଓ ସାଙ୍ଗ ସାଥିମାନଙ୍କ ପାଇଁ କିଛି ଏମିତି ସ୍ମୃତି ଛାଡି ଚାଲିଯାଆନ୍ତି, ଯାହାକୁ ମନପକେଇ କେବଳ ଆଖିରୁ ଲୁହା ବୁହାଇବା ହିଁ ସାର ହୋଇଥାଏ ।
ତୁ ସବୁବେଳେ ଏମିତି ଖେଳୁଥିଲୁ, ହସୁଥିଲୁ ଆଉ ମୋ ଉପରକୁ ବାଲି ଫୋପାଡୁଥିଲୁ । ତୁ ରଙ୍ଗ ବି ଖେଳୁଥିଲୁ ଆଉ ମିଛି ମିଛିକା ମାରପିଟ । ହେଲେ ତୁ ଆଉ କେବେ ଫେରିବୁନି କିନ୍ତୁ ତୁ ସାରା ଦେଶ ପାଇଁ ଅମର ହୋଇ ରହିବୁ । ସହିଦ ମନୋଜ କୁମାର ବେହେରାଙ୍କ ଶରୀର ଜଳିଯାଇଛି ସତ, କିନ୍ତୁ ସେ ଅମର ହୋଇଛନ୍ତି । ଆଉ ତାଙ୍କ ସ୍ମୃତିକୁ ମନେ ପକାଇ ଝୁରୁଛନ୍ତି ସାଙ୍ଗସାଥୀ, ଝୁରୁଛି ତାଙ୍କ ଗାଁମାଟି ।
ଭାଇରାଲ ହେଲା ସହିଦ ମନୋଜ ବେହେରାଙ୍କ ମୃତ୍ୟୁ ପୂର୍ବର ଭିଡିଓ । ବେଳାଭୂମୀରେ କରୁଥିଲେ ବାଲି ସହ ଖେଳ । pic.twitter.com/1ZYl0ksLq7
— Kanak News (@kanak_news) February 18, 2019
ସାଙ୍ଗ ସାଥିରେ କିଛି ଏମିତି ଖେଳୁଥିଲେ ସହିଦ ମନୋଜ ବେହେରା । ସମୁଦ୍ରକୂଳରେ ଲହରି ଆଉ ହାତରେ ବାଲିର ଗୋଳା । ସାଙ୍ଗ ଉପରକୁ ପକାଇ ମିଛି ମିଛିକା ମାରପିଟ ଖେଳ । କେତେବେଳେ ମନୋଜ ହାରୁଥିଲା, ସାଙ୍ଗ ଜିତୁଥିଲା ଆଉ କେତେବେଳେ ସାଙ୍ଗ ହାରୁଥିଲା ମନୋଜ ଜିତୁଥିଲା । ଏହି ଚିତ୍ରକୁ ଦେଖିଲେ କାଲି ପରିକା ମନେହେଉଛି । ହେଲେ ଆଜି ଏହା ଅତିତ ହୋଇଯାଇଛି । ସମସ୍ତଙ୍କୁ ପର କରି ଆରପାରିକୁ ଚାଲିଯାଇଛି ମନୋଜ । ଆଉ ଏହି ଦୃଶ୍ୟ ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।