ଶିରିଡି ସାଇଙ୍କ ସମାଧିର ଶହେ ବର୍ଷ ପୂର୍ତ୍ତି : ସାଇ ମନ୍ଦିରରେ ବିଶେଷ ପୂଜାର୍ଚ୍ଚନା କଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
କନକ ବ୍ୟୁରୋ : ସାଇ ଶରଣରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଶିରିଡି ସାଇଙ୍କ ସମାଧିର ଶହେ ବର୍ଷ ପୂର୍ତ୍ତି ଅବସରରେ ମହାରାଷ୍ଟ୍ରର ଶିରିଡି ସାଇ ପୀଠରେ ଆଜି ସ୍ୱତନ୍ତ୍ର ପୂଜାର୍ଚ୍ଚନା କରିଛନ୍ତି ପ୍ରଧାନମନ୍ତ୍ରୀ । ମନ୍ଦିରର ଭିଜିଟର ପୁସ୍ତକରେ ବି ମୋଦି ନିଜର ମତ ରଖିଛନ୍ତି । ଶିରିଡିରେ ପ୍ରଧାନମନ୍ତ୍ରୀ ଏକ ରାଲିରେ ସମ୍ବୋଧନ କରିବା ସହ ଅନେକ ଯୋଜନାର ଶୁଭାରମ୍ଭ ବି କରିଛନ୍ତି । ମୋଦି ମରାଠୀରେ ଅଭିଭାଷଣ ଆରମ୍ଭ କରି ଦେଶବାସୀଙ୍କୁ ବିଜୟାଦଶମୀର ଶୁଭକାମନା ଜଣାଇଥିଲେ । ସାଇଙ୍କୁ ମନେ ପକାଇଲେ ଲୋକମାନଙ୍କର ସେବା କରିବା ପାଇଁ ଉତ୍ସାହ ମିଳିବ । ସାଇ ସମାଜର ଥିଲେ ଏବଂ ସମାଜ ସାଇଙ୍କର ଥିଲା । ସାଇଙ୍କ ଚରଣରେ ରହି ଗରିବଙ୍କ ପାଇଁ କାମ କରିବା ହେଉଛି ସୌଭାଗ୍ୟ ବୋଲି କହିଛନ୍ତି ମୋଦି ।
Kanak News is now on WhatsApp
Join and get latest news updates delivered to you via WhatsApp
ସମାଧିର ଶହେ ବର୍ଷ ପୂର୍ତ୍ତି ଅବସରରେ ଶିରିଡି ସାଇ ନ୍ୟାସ ପକ୍ଷରୁ ବର୍ଷେ ବ୍ୟାପୀ କାର୍ଯ୍ୟକ୍ରମର ଆୟୋଜନ କରାଯାଇଛି । ଅକ୍ଟୋବର ପହିଲାରେ ରାଷ୍ଟପତି ରାମନାଥ କୋବିନ୍ଦ ଶତାବ୍ଦୀ ସମାରୋହର ଉଦଘାଟନ କରିଥିଲେ । ଦେରେ ଶିରିଡ ସାଇଙ୍କ ହଜାର ହଜାର ଭକ୍ତ ରହିଛନ୍ତି । ମହାରାଷ୍ଟ୍ର ଅହମ୍ମଦନଗର ଶିରିଡି ଗାଁରେ ସାଈର ଧାର୍ମିକ ସ୍ଥଳ ରହିଛି । ୧୯୧୮ ମସିହା ବିଜୟାଦଶମୀରେ ସିରିଡି ସାଈଙ୍କ ଦେହାବସାନ ହୋଇଥିଲା ।